Feb 27, 2017

Pathian Le Minung Mithmuh Ah Mithmai Tha Le Thangthatnak Hmuh Khawhnak



Ahopaoh mithmai tha le Thangthatnak hmuh cu kan duh cio hna. Zum lotu tampi le zumtu a si ko nain Baibal rel a daitlangmi hna nih Baibal chungah a um komi kha thei loin mithmai tha le thangthatnak cu zeitin kan hmuh khawh lai tiin hehchat an kawl i hmuh an i zuam hna.
Mi pakhat nih kan um a harmi nakin mi mithmai tha ka hmuh lo hi a har deuh a ti. Mah cu bia ngai a si. Minung mithmuh ah mithmai tha hmuh lo hna mahtluk a har ahcun Pathian mithmuh ah mithmai tha hmuh lo chinchin cu zeitluk in dah a har chinchin lai?

Mi tampi nih nitin kan kalnak lamthluan caah Maw BAWIPA nihin ni ka tlawnlennak ah mithmaitha ka pe ko tiin thla kan cam tawn. Mahtin thla kan cam cu mipi lakah Mithmai tha hmuh a rak hau tuk ti kha kan i fiang caah a si.

Mithmai tha le Thangthatnak hmuh khawhnak caah cun a tang i Pathian Bia hi kan zulh i kan i nunpi si cun kan hmuh hrimhrim ko lai. Zeicahtiah Pathian Bia, Baibal cu lih a si lo. Biatak hrimhrim a si. Cu caah Pathian le Minung Mithmuh ah Mithmai tha kan hmuh khawhnak hnga caah Pathian Bia, Baibal hi nunpi i zuam cio hna u sih. Pathian nih i nunpi hna seh ti a kan duh piak. A mi fa hna cu mithmai tha le thangthatnak hmu cio hna seh ti zong hi a kan duh piakmi a si.

Phungthlukbia 3:3-4
Felnak le zumh awk tlakmi sinak kha i chuahtakter hna hlah, Na hngawng ah i: ngerh hna law na lung tlap cungah i ṭial hna.
Cuticun Pathian le minung mithmuh ah Mithmai ṭha le thangṭhatnak na hmuh lai.

Hmanthlak: Rosy Tawk Par

Feb 25, 2017

Social Media Hman Tuknak A Phichuak Thalo Hna

Social Media nih Khatlei ah thatnak tampi a chuahpi nain khatlei ah chiatnak tam tuk a rak chuahpi ve. Social Media hman tuk ruangah le a hman zia thiam lo ruangah a chukmi hna cu a tanglei bangin an si.

1. Baibal rel le thlacam daitlan chin lengmang, huam ti lo

2. Thathut chin lengmang, rian tuan huam ti lo

3. Mit rawk chin lengmang, a langhlat hmuh khawh ti lo(အ​ေဝးမႈန္​)

4. Mibu sin ah um huam ti lonak lung chuah,

5. A caan zaa rih loin DL ngeih le nupi pasal ngeih

6. Nule va i thennak chuah

7. Chungkhar ah bia ruah caan tlawm i khuasak nuam lo chin lengmang
hna hi a phichuak a tha lo ngaimi cu an si hna. Social media nih thatnak tampi a chuahpi ko nain a hmanzia kan thiam deuh lo caah Laimi nih Social media hman hi i tinh deuh a hau ko.

Feb 21, 2017

Laithil Phone Cover Serchuahmi Hmanthlak

Mahtin kan Laithil in Phone Cover an tuah hi a duh lomi an um len nain a duhtu hi an ram tam deuh. A duh lotu hna nih cun Laithil duh paoh in.sawksam le sungsak lo ah an ruah.
Kan Laithil sungsak loin duh paoh sawksamhna cuu Laithil i. kedanh hna ah ah tuah, Sakat tawi taktak sexy takin tuah le Bit, bawli hna ah tuah tu khi kan Laithil sungsak loin duh paoh sawksam cu a si deuh.
Atu i Laithil in Phone Cover an serchuahmi hi Tha tein zohtak than ahcun Laithil in tahmi si loin Azawng(Sii) tu in an tuahmi a lo. Mahtin an serchuah hi a that lonak zong a um lem hnga lo i Kan Laithil sunghsak lo zong a si hnga lo. Chin a simi hna nih Adang Phone Cover cawknak cun mah hi cawk duh deuh tuk cio a si. Vawlei pi ah Made In Chin tiah zuar si sehlaw cu an duh tuk cio lai ti ruah a um. 

Feb 20, 2017

Hell Ram Ahcun Kirthannak Lam (U-turn) A Um Lo

Hell ram phak cang hnu ahcun zeiti hmanhin kir khawh a si ti lai lo. Cu caah na thih hnu na thlarau caah daitlang hrimhrim hlah. Hell ram nih mi a zaangfah bal hna lo. Pathian nih cun mi a kan zaangfah zungzal. Kan nun rihmi hi Pathian zaangfahnak thawnginn a si. Zum lotu hna an nun peng rihmi hi Pathian nih an nun lio ah rak ka panh hna seh ti a duh piak hna caah an nun a zuah rih hna.Thih hnu in cun Bawipa panh duh zongah panh khawh a si ti lo. Ka thih lai ah Bawipa ka panh lai i ka zumh lai tiin na thih lai te ah Bawipa panh i tim hlah. Thih lai te ah Bawipa panh i timh cu hruh a si. Naa hngilh in ruahlo pi in a thi khomi na si kha philh hlah.
Hell ram phak hnu ahcun Kir thannak lam (U-Turn) a um lo. Asinain Na nun lioah cun Jesuh Khrih sinah kir than khawhnak lam( U-turn) a um. Cu caan kan nun lioah Bawipa sinah kir hna u sih. Jesuh Khrih cu kan Bawipa le kan khamhtu ah cohlan cio hna u sihlaw Bawipa cu panh cio hna u sih. Amen...

Phungthlukbia 2:18-19
-Zeicahtiah a lam cu thihnak leiah a vung kal i mithi mi hna ram leiah khan a vung lan.
-A sin i a va kalmi paoh cu ahohmanh an kir ti lo, nunnak lam zong an hmu than ti lo.

Bawipa nih Sunparnak co ko seh. Amen

Feb 15, 2017

Gmail Password Athar Thlenning

Tutan cu Gmail Password zeitin kan thlen lai ti a thiam rih lomi hna caah Gmail password a thar thlenning siaherhnak he ka van langhter. A thiam cangmi hma caah cun nihchuak men a si ko lai nain a thiam rih lomi hna caah cun thahnem ngai a si ko lai.

Link ka chiahmi te ah khan a thlennak cu a si lai i a thlenning cu hmanthlak hna ning te khan a si lai. Nan tlamtling ko seh..

1. Gmail password thlennak link..

2.Gmail password change link:
https://www.google.com/settings/passwordchange?utm_source=ob&utm_campaign=password&hl=en




Feb 4, 2017

Lai Catial Cafang Fonhkomh Zeitin Kan Cawn Lai I Kan Thiam Lai


Tuchan cu Chinmi zong nih Social Media kan hmang ngai hna tikah Ca cu kan tial cio hna. Lai catial cafangfonh a thiam lomi hna an catial ka rel tawn ah le mah duh paohin Lai cafang fonhkomh a tialmi hna an ca tialmi ka rel tikah ka sia a rem tawn lo caah zeitindah Lai catial cafang fonhkomh kan cawn lai i kan thiam lai ti tlangtar in ca tlawmpal ka van tial.

Tuchan mino tam deuh hna hi zoh tikah Online in ca a tialmi kan tam nain cafang fomhkomh ning a thiam lomi kan tam. Patling kan si lo cu kan catialmi relnak in aa thei ko. U pa puitling pakhat dirhhmun si ding cun Lai catial cafang fonhkomh hna cawn ngaingai kan hau rih. Zeitindah Lai cafang fonhkomh kan cawn lai i kan thiam deuh khawh lai tiah catial a thiammi hna an ca kan rel tikah an cafang fonhkomh an hman daan tha tein i zoh lengmang, Baibal tampi rel i cafang fonhkomh ning tha tein i zoh lengmang, cun mah nih catial pah tawn cun Lai catial cafang fonhkomh ning cu thiam colh a si ko lai.

CACC Laica tialning le Baibal ca an tialning cu aa kalh lo, aa khat, aa lo ti ning law ka palh lai lo. CACC Laica tialning hi a zoh zong kaa zoh bal lem lo i Lai catial cafang fonhkomh lei ka thiam pah hi Baibal ka relnak le kaa zohnak in a si bik ko. Baibal hi a zeipaoh ah kaa zoh biknak a si. Zeitin cafang fonhkomh hmanding ti hna ka theih lo cun Baibal ah ka kawl. Laica le Lai Baibal rel ngai ko i catial tikah cafang fonhkomh a thiam lomi hna hi ca an relmi cafang fonhkomh ning tha tein an zoh lo caah a si ko lai ti ning law ka palh tuk lai lo.
 
Lai catial cafang fonhkomh a thiam rih lomi hna cu an catial relnakin theih a si bang a thiammi hna nih zoh sawh loin kan thiam chunte chimh pah i zuam hna u sih. Cun a thiam rih lomi hna zong nih chimhmi i fahsak loin lak khawh i zuam cio hna u sihlaw mahti si cun kan Lai catial ah kan thangcho thluahmah ko lai.

Caholh dawt cu Miphun dawt a si ti si bang Chinmi kip nih kan Caholh hi daw hna u sih law kan Laica kan tial tikah mab duh paohin tial loin cafang fonhkomh ningcang te le ralring tein tial u zuam cio hna u sih. Cafang fonhkomh mah duh poah tial cu kan ca upat lo le man ngei lo ah kan lawhter a si ko.

Laimi a simi le Laica a tial tawnmi paoh Lai catial cafang fonhkomh a thiammi si hna seh ti duhsaknak he hi ca hi ka van tial. Ca holh a tanhmi le caholh a dawmi hna nih thazaang rak chuah ve u law rak share ve hram u..

Lawmnak he
Bawi Hrin Sang