Mara, Zophei, Zotung, Lautu, Senthang Hna Nih Lai Kan Si Kan Ti Khawh. Aruang?

Mara, Zophei, Zotung, Lautu hna hi Lai thengnge a si tiin ka pom.

Hi kongah Mara lei deuh in ka van tial lai.
Mara hi Lai zong an sinak ah phun kong in thok ah a fiang bik..

Mara phunmin
"Chozah" khi Lai phunmin "Cinzah" he aa khatmi a si.
"Zawtha" zong "Zaathang" he aa khatmi a si.
"Khaimiechho" zong "Khengmual" he aa khatmi a si. Cu bantukin a dang Mara phunmin hna khi Laiphun min he aa khatmi lawngte an si hna..

Halkha le Thangtlang peng phun min vialte aa semnak le a chuahnak hram cu Lai in a si ko.

Mah ruangah Mara hi Lai a si kan ti khawh. Zophei zong Lai, Zotung zong Lai, Lautu zong Lai, Senthang zong lai, Zephai zong Lai a si kan ti khawh dih ko hnga..

Thangtlang peng le Halkha peng mi hi Zotung, Zophei, Lautu, Mara, Senthang, Mi-E, Zephai tiin i then ko hna hmanh u sih law Lai kan si kan ti khawh hnga..

Asinain Thantlang, Halkha Lai nih cun Mara ka si, Zophei ka si ti cun kan ti kho hnga lo..

Lai hi um hlah seh law Mara, Zophei, Zongtung, Lautu, Senthang ti bantuk hna hi a um hnga lo...

"I Funtom Deuh U Sih" ti duhsaknak he "Pumpak Hmuhning Sawh" ka tialmi a si..

-Satu Khengmual
-Copy ngah lo..

Ka Caah Chim A har Tukmi "Mangtha" Timi Bia 😴

"Mangtha" timi hmurka hi rak theih dingmi ah cohlan nuam lo bik pawl Biakaa si dawh a si ko rua ka ti tawn. Hi bia nihhin zeiti hlangh-dih kho tiang in dah a nungmi minung hna hi a ciahneh cang hna tihi cu hngal fiang dih lo hmanh law, thinlung t'hawng tukmi hmanh khi voikhat tal cu fakpi in a khawnden ve tawn ko.

Kan i ton Nicaan te bak khan zungzal um t'i kho dingin ka rak i ruah manh. Hmanhseh,  Liam zong a za rih lo nain Ninu nih kan pahnih siannak zong hal hmasa loin kan caan a kaan i Cerlian hung chuah nolh thaizing a hung si tik ahcun atu hi kan phan cang. Nunhlun vialte an caamnak, an hmun tawnnak le duh a nung lo ngaimi hi vawlei ahhin, ziah! Hi i t'hennak thengtheng hi zunrim nunhlun ah a taang lan peng i, Ai t'hen t'han ding kan si ding hrimhrim hi ka rak ruah bal hnga lo, rak thei cia chung ninglaw cu ka caan vialte hna kha na kiangah ka rak hman ko hnga. Kan pahnih in kan saduhthah chunmang hna hi vawleipi nih hin a kan lungtlinpi ve fawn lo i, "Mangtha" timi bia te hi kan chim a hau t'han tawn, a hau zungzal dingmi bia a si rih ko lai.

Zankhat ca lawng hmanh ah "Mangtha" ti aanka ka tuar khawh lo lio ah hin, "zungzal ca mangtha" ti khi si chinchin sehlaw cu zeitinhen ka tuarthiam khawh kun hnga? Mah cu tiang lungthinkuainak aanka cohlang ding hin ka thintur hi a ngandamnak nih a tlinh lo. "Mangtha" timi biate nihhin zeitluk caan sau dah a nguh lai? Zan khat maw? Zungzal in dah? Kan hngalh t'ung lo.

Na kiang i ka um lio khan nun tampi ka cawn hna. Niih le i lawmh ka cawn i, t'ah le mitthli tlak zong ka cawn t'hiamt'hiam. Nain, nang tel lo i khuasak zungzal ding ka rak cawn chih lo hi cu a poi tuk hringhran e. Mah Cakuat na rel lio ahhin cun na hmuh khawhnak hmun/ram ah ka um ti lo. Naa tel ve lonak vawlei ah ka leng ve cang lai. Naa lawmh tuk lio muihmel dawhte kha ka hmu kho ti lai lo. Nain ka mitthlam ah cun na cuang camcin ko lai. Tlonlen bal lonak hmun ka cul a hau cang lai. A hlun cangmi kan hmanthlak zoh zong nih hin a ka tlei ter kho hlei lai lo i, Ninu a liam dingmi cuanh len zong nihhin sullam a ngei ti fawn lai lo. Hmu kho t'ung lo hin ka rak in cuanh peng i, kal t'ung lo hin na umnak kha ka hung phan lengmang ve tawn dahkaw, rak t'ih hrimhrim hlah mu.

Si e...,, Midang nihcun "Mangtha" ti tham hi cu an i harh lem lai lo i, a phichuak an tuaktan lem lai lo. Kei bel nihcun mah "bia" hi chim har tuk ka ti ve i, Ka caah sullam ngei tuk a si. Hman ding biafang dang ka kawl len i, biafang dang ka char colh kho fawn t'ung lo. Kan Laiholh dawhdawh le Biafang dangdang hna hi khoi ah hme an um kun le? Atu hi hman caan a si lo maw? A donghnak ahcun keimah hmuhmi biafang zong si lo, midang nih an rak hman zungzal cangmi bia ka char khawh cang "See You Again Good Bye" timi biafang hi tutiang ka cawn cuahmah lio. Nain ka cawn thiam dih dingmi le hngalhfian dih dingmi ahcun kaa harh tukmi Caholh a rak si fawn.

So Hard To Say Good Bye.

-Salai Thomas Lian Thinhlum

Jesuh Hi Pathian A Si Ko Nain Thiang Thlarau hi amak nak ngan deuh ah a chiah?

Jesuh nih mahtin a chim.
Mi Fapa ralchanh in bia ṭhalo a chimmi cu ngaihthiam khawh an si ko lai; sihmanhsehlaw Thiang Thlarau ralchanh in bia ṭhalo a chimmi cu tu chan ah siseh, hmailei chan ah siseh, ngaihthiam khawh an si lai lo. tiin Matthai 12:32 ah fiang tein a chim..

Hi Baibal ah Jesuh nih a tlangpi in a chim duhmi pahnih a lang.
1. Jesuh nih Thiang Thlarau amah nak ngan deuhin a chaihnak
2. Ngaihthiam khawh a si lomi sualnak kong ....hna a si.

Jesuh nih Thiang Thlarau hi amah nak ngan deuh ah a chia tak ko maw?
Careltu nih Baibal ning le nan zumh pomning rak tial ve u...

Lai Online Media Pawl Hi Daw Hna U Sih..

Kan Lai Media pawl hi thazaang kan pek khawh hna lo hmanhah soisel tanglamh tuk hna hlah u sih..

 Lai Online Media pawl hi zohchuk tuk hna hlah u sih.. Anmah pawl thawngin kan tthanchonak hmu loin tthancho lonak lawng kan hmuh i soisel tanglawmh lawng kan hmanmi tu i tinh deuh u sih.

Phaisa nan duh tuk tiin soisel mawhchiat len hna hlah u sih. Phiasa a duh ciomi kan si ko. An hmuhmi hi a tam lem lo. An hmuh chunmi Zeitin an hman ti zong kan thei lo.

$ an hmuhmi Anmah pumpak caah hmang loin thiltha tukah an hman zong a si kho. (Nai Salai Lungthli Tum kha Media a tuannak a hmuhmi in CNF a hlut kha a si kho..)

Kan Lai Media pawl hi kan rem hna lo i soisel tanglamh ding lawng kan bawmh a si cun an ca thlahmi hna hmuh lo dingin an fb..acc block ko hna u sih.. Cuti cun kanmah ca zongah a tha deuh lai..

Lai Online Media Pawl Nih Theihding le Zulhding

•Lai Online Media pawl hi caholh hrawktu nan si nakhnga lo catial ningcaang hna dik tein le ralring tein rak tial tawn hin uh..

•Kan Laica/holh in kan ngeih komi Kawlca le mirang ca kha rak hmang tuk tawn hlah u..

•Mi catial i lak(copy) lawng rian loin nanmah tein theitlei le capar tha hna tial pah ve u.

•Copy Paste lawngin Ram le miphun caah rian tuan i tim hlah u sih.

•Copy Paste lawng rian cu midang kut in rul tlaih i timh he aa lo.,

•Mi catial in pumpak miaknak cu kawl i tim hlah u sih.

•Mi catial cia lak tik zongah a ran nakin i lak i mipi sin ah zamh kha si loin nanmah nih rel hamsa tawn ve u law catial ning a dik lomi hna kha rak remh pah tawn ko u..

•Mi catial zong a tialtu Nawl hal hmasa tawn hna u sih.

•Nawi hal loin i lak kan cak tuk ruangah Catial thiam thenkhat ca an tial duh pah ti lo. Online thawngzamh pawl ruangah a si.

•Lai Online Media Pawl kha nanmah le nanmah i nahchuah hlah u.. Mi catial mi an thlah cia theih ko buin thlahchih nan hman kha nan i nahchuah a lo.

•Tutan cu Online media pawl hi mi thenkhat nih zohchuk pah nan si cang, a ruang cu tial hau loin nan theih ko caah rak i ralring deuh u..

•Khrihfa kan si caah vawlei mi bang S*x thawng le S**y hmantlak hna hi zalawng tukin thlahzamh cu hrial pah u sih...

•Online Thawngzamh nan tam tuk cang caah, huaha lo, sex kong le zer kong hna, Lai Catial Cafangfonh ning hna nan thiam lo cun soisel mawhchiat le tanglamh nan si lengmang cang lai.

•Nanmah le nanmah zong thazaang na i pek khawh lo hmanhah i soisel hlah u, i tanglamh hlah u law a tha..(Nai Lai News nih Chinland News- Salai Lungthli Tum A Timi)

Lai Online Media Thenkhat Hna Hi A Caan ah Sualnak Tuah Forhtu An Si.

•Zoh lo ding phun, a tha lomi hna (S*xy) zong "Zoh hrim uh" tiah zoh fial an hmang..( The Chin News le. KAWL nu pawl an lamnak)

•Zer kong le S** kong zong zalawng takin an thlah i $$ an hmuhnak ding caah zoh u an ti ko.

•A Zoh nuam lopi zong $ ruangah a zoh nuam taktak" ti an hmang..

•Mipi caah thahnem santlai lo le huaha lo hna zong $ hmuhnak ah an tlangzamh theu. Mah ruangah hnawmtinphor ti an huah.

•Lai online media thenkhat lakah Satan hi rian a tuan ngai caah an lakah i ralring ngai a hau i Rul bangin fimkhur a hau..

Lulu Aung lo ah sexy pah in a kalnak hna,
a sexy tuknak le bis in a umnak hna an thlah lengmang nain miharsa a va vehnak le a va bawmhnak hna cu an thlah ruam lo.

Khrihfa Biaknak a simi media nih cun A sexy mi nakin miharsa a va bawmhnak tu kha thlah deuh awk a si. A sexy mi hna cu thlah a hau lo, midang sualnak ah a tlukter tu a si kho.

•Huahalo hna an tlangzamh a tamtuk i thenkhat mifim deuh pawl nih an mawhchiat tawn hna, an webs..zong kan kau duh lo an ti..

•Huahalo hna thlah cio a si ko nain midang sualnak chungah a luhter tu ding S** lei hna le Zer lei hna cu thlah lo ah a tha ko. Khrihfa a simi Laimi nih cun hrial a hau.

Lai Online Media thenkhat hna hi a caan ahcun "a tha lomi thil tuah in Phaisa a kawlmi hlawhhlang hna he an i lo ka ti cun kan palh tuk lai lo..

Khrihfa a simi, Khrihfa biaknak a simi nih cun Media tuan zongah Khrihfa biaknak le nunning he aa remning in tuan a hau hnga..

Sexy hmantlak hna hi Webs zohtu tam hna seh tiah, $ lut tamnak ah Zalong tukin thlak awk a si lo..

Hmanthlak hna nih ca tam tial hau loin an langhter.. Adang langhter lomi huahalo Kim Kardashian Tawtawk kong le adang zong tampi a um rih..

Hmantlak hna hi Zalong tein an zamh ngam ko caah zalong tein ka rak langhter ve hna.. Hi catial thlah zamh kongah Zalong tein ti khawh zong ka ka si.

Mi Depde Pawl Thawngthabia Chim Dan

1.Pulpit cungah mi lung laknak ah capo an saih, biasawng an tlorh cucu farasi le sadusi pawl thilnu i ralring u tiah a timi hna bantuk khan i ralring ve hna seh.

2. Pulpit cu mi soisel nak pulpit a si lo. Biababia le tahchunhnak bia cu chim a ttha. Pathian bia lo ning in a chim phuang mi pawl chimhrinnak le siknak le cawnpiaknak ahcun a ttha mi a si ko. Timote kha sik a herh ahcun sik hna, chimhrin a herh ahcun chim hrin hna tiah a ti mi a si.

3. Pulpit hi Calvary sumdawnnak a si lo. Paw cawmnak samagalin tuahnak a si lo.

4. Pulpit cu Pathian Thawngtha biatak chimnak le phuangnak a si.

Mi capo or Mi depde pawl cenghngia hrang bantuk tuuphaw aih in tuusa ei hmang le hmurkaa thlum ngai in lungthin tthat ttung lo Judah Isakariat bantuk hnamh in Jesuh lei rawi le Capo nak le depde nak le biasawng tlawrhnak in Jesuh rawi i timh hlah u sih.

Biatak Thawngtha chim phuang nak ah capo a um lo.
Paul nih fiang taktak in a chim. Kan nih cu bia thluang sausau le bia nem le bia dawhdawh le tuanbia kan chim lo. Kan nih kan chim mi cu biatak a si a ti.

kaalawm.
Salai Joel

Australia Um Chinmi Ralrin le fimkhur ngai in khua kan sak a hau ngaite.

Australia i media ngan taktak asimi SBS nih, "Australia ah a karh a rang bikmi miphun (fastest growing' ethnic population)", tiin an kan thanhmi cu khuaza vanrangtoi a cul. Media ngan nih hitihin vawleipi thang in an an hun kan langhter tik ah pawngkam media hna, atu lio cozah a dohmi party pawl, biaknak dangdang hna le  a kan hngahchuahmi miphun dangdang hna nih an vun kan interest ngai te lai, an vun kan ngiathlai cio lai. Cu caah ralrin le fimkhur ngai in khua kan sak a hau ngaite.

SBS thlakmi Video clip le Webpage ka zoh i, ca an tialmi comment tete ka rel hna tik ah, thatnak in an tialmi (positive comments) pawl;  Khirhfa tha an si, daihnak a duhmi, kan fale he aa kom khomi le mitha an si tiin Welcome to Australia a kan timi Australia Mirang an tam ngaingai. Hi nih a langhtermi cu Australia ram chungah a rak phan hmasami pawl hna nih Cozah zulhphung an sermi zulh, rammi he dawhriate in khuasak, riantuan le a dangdang ah tei kan mak caah asi. Rammi tha (good citizen) kan si caah asi.

Atutiang ah, miphun dang bantukin misualbu (gang) he ikop in miphun mui a chiatter dingmi, Australia ram le pawngkam a buaiter dingmi thilsual le dawhcahlo kan tuahmi kan um hraw lo. Kan naule hnihkhat hi an thawngpang kan theih pah hna nain community le khrihfabu hna thithruainak thawngin an dai than theu. Africa le Middle East leiin a rami cheukhat hna hi misualbu hna he ikop in Cozah zulhphung a buarmi an tlawmte tilo caah, visa chuhkenhmi tete an tlawmte tilo. Kanmah zong hmalei bel zei kan lawh lai hngalh asi rihlo.

Khrihfabu, community le pumpak innchungkhar a biapi hringhran. "Khrihfa tha kan sinak le kan miphun nih kan ingeihmi midang cung i zawnruahnak, chiatthat caan i kan izohkhenh ning te hna, Khrihfa nuncan ziaza te hna" kan thlaulo ding hi a biapi hringhran.

Kan hngakchiat lio ah ka theih tawnmi cu "India ram i na tlau sual ahcun a lu aa tuammi Punjab miphun pawl sinah bawmh va hal hna. Anmah cu mihlen le mi leirawi an hmanglo," an ti ka theih tawn. Cu bantukin Chin miphun cu; midang cungah dawtnak le zawnruahnak a ngeimi, daihnak a duhmi, rammi tha (Good Citizen) le Khrihfa tha (Good Christian) an si" timi hi Australia ram lawng ah siloin Chin miphun kan phaknak khuazakip ah cul ko seh.

Ram Tinthei

Raalzaam Nun

caan nih a liam,par dawh an ziam
khua ka ruah ah, maw ka lung fah
ka lung a baa, chun ni ka tlaa
ngak ttah fa bang, kaa laawng len cang
hawi dang nih le, khuk tthi rual he
an leeng tti hna, nuam an tii kha
mah le ram cia, inn le lo cia
ah khua an saa, ka hngar tuk hna
kei nun tu cu, hi bang hin mu
fa pa tlau bang, ka hei vaih cang
zei he ka sual, ka lung faah zual?
mi ram dang ah, mi inn tang ah
ngaih chiat bu le, sii fah bu he
ka um rih lai,ka van chia ai
ka tii zawn ah, maw ka tuar fah
ka ruat tawn ee,zuun mit thli he
kaan auh leen hna, ka hawi kom ttha
nan ka let lo, nan thei rua lo
ka Ram ka ngai, ka kir cang lai
ka tii zawn ah, ruah lo pi ah
ka lung a fiim, ttah bak kai tiim
" ri fiu zi i, ram dang zaam mi"
sii kaa hngalh nolh, kaa leet tthan colh
RAAL ZAAM KAN NUN ,A FAAK BIK KHUN
ho ruang ah hme, kan rak zaam le????????

Vapual.

Zoh Ah Zaangfak Ngai A Si..

•Na sining le na Dirhhmuh ah khan na lungawi..

• Zeiti na va si hmanhah Pum Tlamtling in na chuah kha thluahchuah sung tuk a si.

•Midang nih an in dawt lo hmanhah Nangmah le Nangmah i daw.

•Mi nih zei an in rel lo zongah Pathian Dawtmi na si kha philh hlah.

•Jesuh a ngeimi nun nih hawi nun a hngar bal hnga lo. Hawi nun a hngarmi na si cun Jesuh na ngeih le ngeih lo na nun naa chek a hau tinak a si.

•Kei cu zeihmanh ka si lo ti hi a tha ngaimi a lo nain a tha lo.
Bawipa lo cun zeihmanh ka si lo ti tu hi a thami a si i kaa chim deuh ding a si.

•Mi nih zei pipa a si lo an in ti zongah, Zeitluk mi nautami na si zongah Pathian nih na sining ah khan phunzai loin na lung i lawm seh ti an duh.. Cu ti cun Thluachuah na hmu lai..

-Satu( Bawi Khengmual)

Bawipa Bianing In Kan Ttuan Maw

Atu hrawng hi FB ca hmai tete kua a nuam ngai cang, zumlotu le miphun dang nih an hmang i an ttial tawnmi hurduhcuai(sex) kong tehna, hmuh ding aum tuk ti lo. FB group kip zoh tikah ram kong le Pathian bia tehte deuh hmuh a si cang, Laimi hi hawi miphun dang thluk in kan fimthiam lo nain Bawipa a ttih i sualnak chungah i phum taktak ding cu a duhmi kan silo caah Bawipa nih a kan philh hrimhrim lo.

Mah belte, atu hrawng hi FB ah thawngttha kan ttialmi tete hi mi nuncawmtu le thazaang pe tu siloin mi thachiatnak le mi thlarau thazangdernak hi a tam ngaingai rua, atu chan rialmal ah buu(doctrine)kong te hna, Jesuh a muisam cu cuhtin khatin asi awk a si ti te hna, kan thlarau hi a thi kho, ti te hna hi a ngaingai ti ahcun, thawngttha siloin zumhnak in a derthawm rihmi vialte kan caah cun vaivuannak le thawngchia tu ah an si deuh tawn.

Marka 9:42 Keimah a ka zummi, hi ngakchia tete hna lak i pakhat hmanh hi, ka lam in a pialtertu cu, a hngawng ah facang rialnak lungtum pi kha thlaih i rili chung i thlak kha a caah a ttha deuh.

Hi caah hin, Pathian bianing loin kan ttuan sual ah cun ttih a nung ngaingai, kan thawngttha hi mi a lawmhtertu le mi thlarau thazaang petu siloin keimah bang in thlarau mit a hmu ka mi, thlarau kar a hlang ka mi, thlarau rawlhak a ei kho rih lomi hna le thlarau in ngakchia a si rihmi vialte nangmah le keimah thawngin Bawipa an pialtak sual ahcun, kan caah ttih a nungtuk hringhran.

By-Khrih ah nan unau
      Pathian Fanu

Mirang Gramar Hmanh Kan Cawn ahcun Bible Chinchin cu Nunchung Hmanh Cawn Ding

Laica dik te'n le dawh te'n kan ttial khawhnak ding ahcun, cawn hau khi asi. Cun music zong dawh te'n kan tum thiamnak dingah cun cawn hrimhrim khi ahau ve. Zeithil hmanh khi dik te'n, dawh te'n le fiang te'n kan hmuh khawhnak ding le kan hngal khawh venak dingah cun, cawn loin an rak ngah hrim lo.

Cu btk cun Pathianbia fiang te'n le dik deuh te'n le rinhchanh-tlak deuh te'n kan hmuh khawh, kan hngalh khawhnak ding le kan fian khawhnak dingah cun kan cawn hrimhrim khi an hau ko. Mitam pi nihcun Pathianbia cu cawn loin hngalh khawh asi an ti, cucu a dik ko, el leen awk aum lo. Nain mah te lawngin hngalmi bia hna cu 'ri' a nei, chim duhmi cu Pathian nih minung pakhat sin lawngah a biaphun apek dih bal lo caah asi. Cucu!

Cawnnak kan neihmi a sullam cu Pathian nih midang pakhat sinah arak pekmi Abiaphuan kha midang pakhat sinah i phawtzamh khi asi, cucaah thukdeuh le kau deuh le fiang deuh in kan theih-hngalh khawhnak dingah cun kanmah nih Pathianbia phuan kan theihmi tiang lawngin arak za lo i, arak tlingthlu kho lo. Cucaah midang pakhat sinah kan cawn i kan kawl ahau. Cucu pei Bible sianginn kai timi a sullam cu asi cu.

Bible cawn ahauh ne lo ahcun, zei cu dah thawngttha cu kan aupi leen ne hnga?thawngtha chim nih ahei sawhmi cu kanmah nih kan fianmi le kan tincomi Pathianbia kha midang sin ah pek ve or cheuhboh ve, or thei ve hna seh, i nunpi ve hna seh tiah cawnpiak kha asi ko. Chim duhmi cu Bible siahngakchia le thawngtha-ngaitu hna khi aikhatmi mipi (audience) kan si. Thawngtha chimpah in Bible sianginn kai ahau loh tiah an autawn-mi khi zeidah an bia chim duhmi asi hnga tiah kai hal ttheo tawn, a sullam kai fiang kho lo.

Bible sianginn kai ahauh ti lonak dingah cun, Pathian nih minung pakhat cio kan sinah Bible Bia, a dihlak in hrilhfiahnak akan pek hnu lawngah asi hnga. Mirang gramar hmanh cawn ahauh ahcun Athuk tukmi Pathianbia, Bible cawn ahau loh ti cu fim lo pakhat asi lawng hmanh khi si loin, Pathianbia hi pumpak pakhat te'n i fian dik khawh asi ko ti he aikhat.

Amah bal te, kan kainak sianginn nih zei btk zultu dah an hrin? titu kha kan zoh ahau, cun akai mi zong nih sianginn nih akal pimi tleihtleng theih hmasa khawhtu biapi asi ko. Na zulhmi Saya apial ahcun nang zong na pial ve ko lai.

Zaan khualtlawn pah umhar pah thaimi asi caah rel har deuh kho men........

Ukpi Cz

Jesuh Hi Cawrawl Einak Kuang Ah Maw A Chuah Tak Ko?.?.?

Mi tampi nih Jesuh cu caw rawl einak kuangah a chuak kan ti.  Baibal ning zong a si tiah kan ruah. Hla tiangin kan phuah.  Nain Mah hi ruah set cun a dik lo i Baibal ning zong a si lo. Phuahchop bia men a si ko.

Baibal ah Jesuh cu Caw rawl einak kuangah a chuak ti pakhat hmanh a um lo. A chuah khawhin Caw rawl einak kuangah an thlim(ihter)ti lawng a um.
...ngakchiate pakhat kha puan in an zual i caw rawl einak kuang chung i an thlim kha nan va hmuh lai,”.. Luka 2:12

Jesuh a chuah khawh in Ihkhun cungah thlim(ihter) hna seh law Jesuh cu ihkhun cungah a chuak kan ti lai maw? Kan ti cun nihchuak bia men a si hnga..

Nang zong kha na chuah khawh in Ek-inn ah in ihter(thlim) hna seh law anih cu ek-inn ah a chuak tiin chim hna seh law na duh lai maw? Na duh hnga lo..

Tlangkawmhnak ah-
Baibal ningin a fiangmi cu Jesuh cu Caw Rawl einak kuangah a chuak lo, an thlim tu a si.
Tu hnu cun Jesuh cu Caw rawl einak kuangah a chuak timi bia hi Baibal ning si loin phuachop bia men a si caah kan chim lengmang awk a si ti lo. A chuah khawh in caw rawl einak kuangah an thlim ti tu in Baibal ning in kan chim awk a si.
Puan in a zual i caw rawl einak kuang chungah khan a thlim, riahnak khualbuk ah khan an caah hmun a um lo. Luka 2:7

_____________________________
(Jesuh cu Siangpahrang inn ah chuak loin caw rawl einak kuang ah a chuak ti nakin Siangpahrang inn ah chuak loin Caw-Inn ah a chuak ti hmanh a dik deuh lai)

Doctrine Kong I Al Hi Santlai Lo A Si- Ro Lan Fambawl

Tulio cu doctrine (trinity le oneness) kong bia i alnak a tam ngai ngai. Ka timeline ah a tu le tu a lang i hitihin kei nih ka hmuhning ka hun langhter ve. A tang caa tawite hi van reel ve ulaw doctrine kong i alnak hi rak ngol cang uh. 

Doctrine timi cu minung pahnih nih cafang pakhat an hmuh i cu an hmuhmi cafang cu an hmuhning aa lo lomi he aa khat. Pakhat nih "W' a si" ati i pakhat deuh nih "M' a si" tiah a ti ve. An hmuhning aa dang. Pakhat pa ca ahcun amah hmuhning kha a dik i, a hawipa hmuhning kha a palh, asinain pakhat deuh pa ve ca ahcun amah hmuhning kha a dik ve i a hawipa hmuhning kha a palh ve. Zeiruang ah an hmuhning aa dan ti ahcun an umnak hmun aa dan caah a si. An umhmun le an hmuhmi cafang zoh tikah ahohmanh thiamcoter awk le palh phawt awk an ttha veve lo. Zeiruang ti ahcun  cu an hmuhmi cafang cu "W" maw a si "M" ti cu a ttialtu pa lawnglawng nih a hngalh. Cucaah ahodah a palh i ahodah a dik ti cu a ttialtu pa an hmuh tik lawng  ah an hal lai i a fiang te dingmi a si.

Cu ve bantuk in doctrine zong hi kanmah le doctrine cio kha a dik bik cio ko i  midang doctrine kha kan caah a palh cio ko. Amahbelte cunglei in kan hun cuanh a si ahcun cafang pakhat a hmumi hna pahnih bantuk khan kanmah hmuhning a dik ruang ah midang hmuhning kha a palh ti awk a ttha lo. Cucaah trinity maw a dik oneness dah ti cu cafang a ttialtu pa kan hmuh tik lawnglawng ah a fiang te dingmi a si. Cucaah nang na palh, kei ka dik tiah i al awk a ttha lo. Baibal chung i aa ttialmi paoh paoh cu chim deuh deuh ah chim ding a chuak chin lengmangmi a si caah kan i al deuh deuh lai i a phi hmu ttung loin kan ttanhmi doctrine kong chimding tu kha a chuak chin lengmang lai. Cu nih cun dawtnak le remnak chuahpi loin huatnak, thinhunnak le i komh khawh lonak tu a chuahpi lai. Cucaah a herh lomi kong i al len nakin Pathian nih zeitluk in dah a kan dawt timi kong tu kha chim hna usihlaw Pathian zong aa lawm deuh lai. Doctrine cu vanram kainak zong a si lo, Pathian lunglawmhternak zong a si lo. Baibal kan reel i Pathian kan hei hmuhning sawh sawh lawng a si. Cucaah a herh lomi ah i al len loin a herhmi Pathian dawtnak kong tu kha kan chimrel deuh awk a si.

Lung sau in ka caa nan ka reelpiak caah kaa lawm. Pathian nih thluachuah in pe ko hna seh!

-Ro Lan Fambawl

Baibal Sianginn Chuak Kan Tamtukmi Nih---(.........)

Lairam lawng si loin Kawlram huap in cozah a rak thatlo ruangah fimcawnnaklei ah kan rak paam ngaingai. Kum 2010 tiang hrawng, Kawlram University a rak kai mi tamdeuh cu rawkral le zuding an rak tam. Cun, cathiam ngaingai zong an tlawm.

Kum 2003 in 2008 tiang hrawng hi Kalaymyo ah ka um pah lengmang tawn. Khualtlawn tlungkalnak le thilri duh herh zalhnak a rak si. Cu lio hrawng i kan rak tihzah lem hna lo nain kan rak tihmi minung hna cu Hakha khuatelei le Thantlang khuate lei hrawng in Kalay University sianginn kai pawl an rak si. An bike mongh a rak ciancian taktak. Line Bus cung tiangah buai le vuak an rak hmang. Bike a su an ti paoh ah University Student pawl an si ngawt.

Catial thiam Aung Cinzah hna nih cun Laikua Express Magazine ah "Kawlram in Engineer a dih cang mi nakin Malaysia ah kum 3 hrawng aa hlawhfa mi rian an thiam deuh" tiah a tial phah. Doctor line luhnak dingah mark an rak thumh tikah a kai mi an hong karh ngaingai nain Kawlram i doctor tampi ngeih cu mi damhtu karh si loin mithat lainawngtu karh he aa lo, an fak ti. Cucu, Cozah ruangah tampi a rak si. Fimcawnnak a rak thatlo tikah cazuam huamnak thinlung tiang a rak tlau ve. A ngaingai ahcun a thli tein thluak tawl an rak kan timh bia kha a rak si. Cu ruangah cun Sihni Hrang Uk zong nih, "Ne Win: Kawlram hrawk Cikcek Tu" tiah capar a rak tial phah ve. U Ni Vun (Ne Win) le U Thang Sui (Thang Sui) hi Kawlram hrawktu cu an rak si bik ko rua?

Cozah sianginn University level tiangin a that lo tikah Baibal sianginn kai a hong laar ngaingai. A taktak ahcun Sarampore University le Yangon University hna khi level bak an rak si. Nain, kum rau lo te ah faak tukin India nih a kan thlau. Kum 1990 hrawng khan Baibal sianginn kai a hong laar ngaingai. Laimi chungin Baibal sianginn dirh kho zong tampi a hong chuak. Atu ah hin Yangon lawnglawng hmanh Baibal sianginn 100 leng a um lai dah? (Nai kum hnih thum balte khan a hon zawr deuh). B. A a dihmi nakin B.Th kum hnihnak a kai liomi hi zatuak in English an thiam deuh. Cu tik ah nu le pa thinlung zingah an fa le kha University kaiter nakin Baibal sianginn kaiter an beisei deuh. Tanghra awng mi hmanh nih English holh thiam ruah ah Baibal sianginn kai a rak.

Cu tlawnpal cun Degree a hong laar. Kum tlawmte chung ah Degree tampi laak a hon paw. Kai lemlo in Doctorate degree laa zong an hon karh thluahmah. India hrawngah kum 3 hrawng kai i Baibal lei Doctor zong hmuh awk an tampi cang. Lai lei nu le pa le Khrihfabu zong nih Degree sang deuh paoh kha thiam deuh ah ruah an si i rian hmuh zong an i olh deuh fawn. A ngaingai ahcun, sianginn nih ATA le Sarampore nih kum 3 asiloh 4 cawn ding, tiah an tuahmi hmanh khi cawnchap ding a tam tuk rih. A cu i cheukhat nih kum 1 hrawng hna i kan dihmi khi cu a rak si deuh lo. Value of Education kan ngeihmi cu a tlawm deuh hrimhrim lai. Cu zing cu, Lai lei um Khrihfabu cheukhat nih an hrawhmi a rak si. Cu nih cun quality si tung loin quantity lei ah kar a kan hlanpi.

Laimi chungin kum 1 ah Baibal degree laa hi minung 300 ral kai peng an um. Nain riantuan ngaingai hi an tlawmte. Cu pinah, Khrihfabu a buai chin lengmang. Cheukhat pawl nih an chimmi cu "Yangon hi Pastor, Saya, Missionary le Baibal sianginn tamnak cem asi nain Hell tla ding an tamnak cem hmun zong asi lai" an ti.

Laimi caah Baibal sianginn kai hi zeimawzat tiang cu a rak tha ngai ko nain atu pin cu asi khawh ahcun Baibal Sianginn hi cu kai ti hna hlah sih. Baibal sianginn thar zong dirh ti hlah sih (Khrihfa thar caah dah ti lo). Laimi hi kan theology zong a rak sang tuk. Ramdang professor pawl thawngthac chimmi khi zeipi an si lo. Cucu, cozah nih ramkhel kong ceih a rak kan onh lo ruang zongah dang khat, cun Baibal dah ti lo cu iceih awk le kan ceih khawhmi dang hrimhrim a rak um cio hna lo (mitam u cu). Baibal kong ti ahcun zutama hmanh nih chim awk an thei. Cucu, Pathian thluachuah kan ti hnga maw? A tuah le tuantu hi kan bau.

Lai mino caah ka saduhthah cu Cozah sianginn ah biatak tein thazaang chuah in sianginn kai hi asi. Line dang--Political Science, Social Science, Engineer, Commercial ...... tbk.,hna hi kan ceihpi ve cang u. Baibal kong cu, Khrihfa chungkhar in a thanglian mi kan si pinah Biakinn ah zarhchiar Thawngtha chim kan ngai i Sunday School hna kan cawn ahcun a za ko. Baibal tialnak Hebru le Grik tiang hna thiam tung lo le Theology taktak purh huam tung lo ahcun  kai lo ah a tha deuh.

Baibal sianginn cu a kai mi kan tamtuk cang le Khrihfabu lawng si ti loin FB le Media kip tiangah kan buai phaah cang hi. Nan kai chap cun lohtlau..

Lungthiang tein,

By

Henry Nawlthangbik Hlawnceu
Denmark, Europe.

Vancung khua, Mithi Khua le Vulei Thar Kong Fianternak

Minung kan pum hi a thih cangka tein thlarau cu a chuak lai i, Vancung asilo ah Hell ah a kal colh lai tiah tampi nih an zumh. Laimi chung in mithi an um tikah topi an si. Laimi cu Khrifa kan si bantuk in Pastor asilo ah midang hnemtu hna nih mithi ruak cungah an chim bikmi cu, "a nih cu Pathian ttang cungah aa din cang" an ti. "Zungzal kan umnak ding, Vancung khua ah aa din cang" tiah an ti. Mithi chungkhar hna hnemnak cacun, bia dawh le biathlum-al ngai a si. Asinain mah ihnemnak hi Pathian's bia ning  asilo caah ka sia a rem lo.

Minung hi kan thih cangka te ah kan thlarau cu "direct in Pathian sin/ vancung ah a phan ahcun, Bible hi aa palhmi a um colh tinak a si. Na thih cangka tein Pathian sin phan ding naa ruah ahcun, "Thianghlimhlawr" (1 Thessalonians 4:17) hi na zumh lo tinak a si. Ni dongnak bik Ni biaceihnak (Matthew 25:31-46) hi na zumh lo tinak a si. Zeicatiah, Pathian sinah a phan cangmi, Pathian ttang cungah aa din cangmi thalrau cu, zeitindah a biaceih a si ti hnga, zeitindah thianghlimhlawr cu a um thiam ti hnga. Cucaah, "thih cangka tein thlarau cu Pathian sinah aa din cang' timi bia hi a hman lomi cawnpiaknak a si. Asi ahcun, khawika dah thlarau cu a kal ne lai?

Van/ Heavens Kong

Jesuh a rak ttum tthan hlan ah a thimi vialte thlarau an kalnak ding "hmun" kong kan langhter hlan ah "Van" cung kong hi kan zoh hmasa lai. Bible chung ah "Van" kong hi tampi a tial. Van/ Heavens hi tampi an um. 1st Heaven, 2nd Heaven, 3rd Heaven tiah a langhter hna. Tulio Pathian a umnak "Van" khua hi, Bible ah "3rd Heaven" tiah a langhtermi hi a si. Paul nih 2 Corinthians 12:2 ah a chim. 3rd a um caah, 2nd le 1st zong a um tinak a si.

Bible ah Van/ Heaven a timi hi phun 3 in an tthen. 1nk cu Vulei in cunglei, minmei  a umnak tiang hrawnghang khi "Van/ heaven tiah an auh. Phun dang in chim ahcun, vulei in cunglei paoh kha, "van' tiah auh  a si ko.  2nk cu galaxies pawl hi Van/heaven tiah an auh. Exampel ah Arfi, thlapa le planet dang tampi  hna khi Van/heaven tiah Bible ah a langhter. 3nk Van/Heaven cu Pathian umnak, "Van cung khua" timi cu a si. Hika zawn ciah hi langhter duhmi a si. Laimi tampi nih mah Pathian umnak, 3rd Heaven lei kai colh ding ahhin kan iruah! No!No!  A silo. Aho hmanh hika "3rd Heaven" ahhin an phan lai lo. Pathian nih minung hna umnak ding ah a timhmi/ a remruatmi a si lo. (Ref: 1st Heaven;- Deut. 11:17, Deut. 28:12, Judges 5:4, Acts 14:17. 2nd Heavens;-Psalm 19:4, 6, Jeremiah 8:2,Isaiah 13:10. 3rd Heaven;- 1 Kings 8:30, Psalm 2:4, Matthew 5:16)

Zeitindah 3rd Heaven Kan Phan Lo Ding Kan Hngalh?

Jesuh a rak chuah hlan ahhin minung tampi an rak thi cang. Adam, Noah, Abraham, Jacop, Joseph, David tiah Pathian mi hna tampi an rak thi cang. Enoch le Elijah zong an nung in lak an si tiah kan hngalh. Mah a thi cangmi thlarau vialte hna hi, 3rd heaven/ Pathian umnak Vancung khua cu an phan maw? Phan hlah! Zeitindah kan theih.? Jesuh Khrih nih a chim. "Vancung in a rung ttummi Mi Fapa dah ti lo cu, aho hmanh Vancung i a kaimi an um bal lo/John 3:13" tiah Jesuh nih thate in a fehter ko. Asi ahcun, Abraham siseh, Jacop siseh, Jesuh chuah hlan ah a thi cangmi thlarau vialte kha, Khawika dah an phan dih?  Khawika a phan hmasa ding in dah Bible nih a chim? kan zoh tthan lai.

Paradise Le Hell/ Tempolary Rest/Prinson

"Paradise" hi "mithi khua" tiah lai holh in ka leh. "Paradise" hi Pathian umnak "Van cung khua" siloin, mithi thlarau thawhter an si hlan chung umnak, an idinnak hmun a si. Jesuh cu Vailam cungah an tlai lio, a thaw a cat laite ah amah pawngah an thlai vemi, misual pakhat cu, "mah hihi kan chimh; nihin ah Paradise/ Mithikhua ah keimah sinah na um lai/Luke 23:43" tiah a ti.  Cucaah, a fiangmi cu misual pa thlarau cu Paradise a phan. Jesuh Thlarau zong a phan ve. 2nk cu mirum pa le lazaruh tuanbia (Luke 16:19–31), Jesuh nih a chimmi ahkhan "Abraham thlarau" umnak a lang. Lazaruh le Abraham umnak hi "Paradise" a si i, mirum pa umnak hi "Hell" a si. An karlak ah hawrkuang thukpi nih a dan hna nain an a lang in an ichawnh khawh caah, aa tlaimi hmun a si timi a fiang. 3nk. Jesuh cu,  thlarau in a nunnak cun thong i thlakmi thlarau hna sinah khan a kal i phung a chim/1 Peter 3:19.

Jesuh cu ni 3 le zan 3 thlan chung ah a um lio ah khan thlarau in Paradise ah a kal. Cun, thlarau in hell ah thongtla pawl sinah phung a va chim. Phung a chimnak hmun hi, Hell a sinak cu, 2 Peter 2:4 ah a lang. Cucaah, Mirum pa le Lazaruh tuanbia ning in Paradise le Hell hi hmun khat ah an um i, mithi thlarau vialte hi miding an si ahcun,  Abraham sinah an phan i, misual an si ahcun, mirum pa sinah an phan tinak a si. Hi hmun hi zungzal in zungzal umnak hmun a si lo. Biaceihnak ni a phak hlan chung idinnak hmun a si. Misual hna umnak "Hell" hi, "hell" taktak a si rih lo. Thonginn a si.
Satan sinah a ttangmi vancungmi si hna seh, misual thlarau paoh cu, hika hell thong chung ahhin, biaceihnak ni hngak in thong thlak an si ko. Nihin ah Jesuh khamhnak na co ahcun, Abraham sinah na phan lai i, na co lo ahcun, "hell" thong ahhin na phan ve lai tinak a si.

Rapture/ Thianghlimhlawr

Paul nih thianghlimhlawr kong hi fiangte in a tial.  Zeicatiah, Jesuh nih nan umnak ding hmun kan "timhtuahpiak" hna lai i, cun ka rak in lak tthan hna lai tiah, rat tthan lai nak kong, John 14:3 ah a chim. Jesuh cu tulio a umnak, van cung khua (3rd Heaven) in a rung ttum lai i, Vulei a phak hlan, minmei cung hrawng a phak ah khin Khri nunnak he a thimi vialte/ Paradise ah a ummi vialte an tho hmasa lai.(Thessalonians 4:17). Cun, cu caan lio ah a nungmi, Khri zumhtu vialte cu pumh an si lai i, mittthep ah an pum cu a rawk kho ti lomi, thlarau pum ah an ithleng dih lai i, van ah Bawi Jesuh cu an hung ton hna lai. (1Corinthians 15:51-53.) Jesuh zumtu vialte hi hi ni thawk in Jesuh he kan itthen ti lai lo. Amah sinah zungzal kan um cang lai. Hika zawnte ah theih awk cu, direct in zungzal kan umnak ding hmun thar ah a kan kalpi rih lai lo. Vuleicung hi kum 1000 a uk hmasa ve lai i, Vuleicung ahhin kum 1000 kan um rih lai tinak a si cu!

Hmasabik ah direct in Van cung khua, Pathian umnak hmun kan phan lo timi ka chimmi kha, hika thianghlimhlawr, mithi an tho hmasa lai i, a nung liomi zong ithelngnak ding event/ bible cacang nih hin a fehter.  

Jesuh Cu Mount Olives A rak Tum Lai

Jesuh Khri cu nichuah lei Jerusalem ah a ummi, Olives tlang in Vancung khua, Pa Pathian umnak ah minmei tawm in a kai. Cun, a rak kir tik zong ah amah Olive tlang thiam ahhin a rak ttum te lai. (Acts 1:9-12 le Zechariah 14:4-5). Jesuh Khri a rak ttum hlan deuh te ah ahhin prophet ezekiel nih a chimmi, "armageddon" (World War 3) a um hmasa lai. Hi kong hi  a dangte in tial a haumi a si. Bible bia hi an tling pah dih ngawt cang hna i, "mah armageddon" ral hi a tling chawm ding, tulio ah a lar bakmi, a chuak chawm ko lai e, an ti lengmangmi cu a si. Mah armageddone ral he jesuh tumnak hi aa pehmi event an si lai. Hi ral hi, kum 7 chung a um lai. Phun dang in, Judgement of the world or Renovation of the world tiah min an pekmi a si. Ka langhtak rih lai.

New Heavens and New Earth

Van thar le Vulei  thar kong hi Isaiah 66, 2 Peter 3:12-13 le Revelation 21 ah aa tial. Hihi Jesuh a rak ttum tthan hnu ah kan umnak ding kong an si. Vulei thar ahhin zungzal in kan um cang lai. Vulei thar ahhin, Pathian n ih Jerusalem thar cu a sak lai. Pathian hrim hrim cu, a umnak 3rd heaven/ Vancung khua in a rung ttum lai i, mi hna sinah a um lai. mah Vulei thar/ Jerusalem thar ah kan umnak ding hi, laimi nih a awlnak in, "Van ram" tiah kan auhmi cu a si. Hika vulei thar ahcun, Kanmah tein kan lut rih lai lo. Jesuh nih a kan luhpi te lai. Jesuh he kan itong tthan hlan belte ahcun, tempolary in, Paradise/ mithi khua ah Jesuh tum lai kan hngak lai.

New Earth Kong Biahalnak A Um Khomi

New Earth kong ah Isaiah a chimmi le Revelation le Peter nih an chimmi hi an i khat hnga maw? timi hi scholars tampi nih an i almi a si. A cheu nih an idang an ti. A cheu nih aa khatmi kong an chim an ti ve. An i alnaka ruang bik cu,

Isaiah nih a tialmi Vulei Thar ahcun, nupi pasal ngeih a um lai. Ngakchia zong an um lai. Tar tlungte in an nung lai. Thihnak zong a um rih lai. Ngakchia le saram zong lente an icelh lai.  Mithalo kha kum no deuh in an thi lai tbk  minung umtuning ding fiangte in a tial. Tulio kan vulei sining he aa dangnak a um lo. Aa dangnak cu, a dai lai. Buainak a um lai lo. Asinain, Peter le Revelation tu ahcun, zungzal umnak ding vulei thar ti lawng bak an langhter.  Hika zawnah ruah dingmi cu, Zungzal in a nung cangmi thlarau pum in nun hnu ahcun, nupi/pasal ngeih a um ti lai maw? Fa ngeih te a um ti lai maw? Jesuh he zungzal in um cang hnu ah, nupi pasal ngei a um ti lai lo ahcun, Isaiah nih a tialmi, vulei thar ah ah a um dingmi hi, zeibantuk minung dah an si lai? hihi  hal awk tlak a si. Hi kong hi research tampi ka tuah i, bible chung thiam in, zumh awktlak answer a um. Bible cu, Bible in answer kawl a hau i, pakhat hmanh an ikalhlo.

Biafunnak:  Jesuh a rak ttum tthan hlan ah a thimi paoh hi, misual he miding he paradise ah kan kal. Paradise ahhin miding umnak cu a nuam. Abhram tang cungah kan um lai. Misual belte cu, Hell thong ah an um lai. Jesuh a rak ttum tikah zumtu thlarau vialte an tho tthan dih lai. Cu lio caan ah a nungmi paohkha, thi loin an pum an ithleng lai. Asinain, misual hna, hell thong ah thlakmi cu an tho rih lai lo. Kum 1000 uknak a dih hnu ah thawhter an si ve te lai i, an biaceih an si lai. Cu hnu ah Satan le a party vialte cu, Hell taktak ah peih an si lai i, miding vialte cu, Jesuh he vulei thar/ Jerusalem thar ah kal a si te lai.(Revelation 20)

Note: A tawinak in tialmi a si tikah a bultan ngai. Armagadone ral, Kum 1000 uknak le Thutdan Rang biaceihnak vialte ka langhtak dih. Bible a relmi nih cun nan theithiam lai ka zumh. Nan pawm le pawmlo lehlam cu phungdang a si lai.

-Za Sang

Vanram/Heaven Ah Aho Hmanh Kai Dawh Kan Si lo!

Nihin cu Bible ca ka rel. Bible ah aa tialmi le Laimi nih kan zumhning hi aa pialkal hlah maw, tiah ka zumh tete a um. Cucu, Vancung khua ah kai le kailo kong hi a si. Kan ngakchia tein kan rak zumhmi, "thih hnu kalnak cu, "Vancung khua a si lai tiah rak zumh pengmi hi a dik rua lo e! Pathian nih minung hi Vancung khua ah kai ding  le Vancung khua ah khuasa ve te ding in a sermi kan si rua lo. Fiangte in chim ahcun, minung paoh/zumhtu paoh kan thih tikah, "Vancung khua kai" timi a um lai lo' tinak a si. Na thih tikah Vancung kai ding in na ruah ahcun, ka chim mi hi, "ah! a si kho lo tuk mi a si" na ti ko lai. Asinain palh sual a fawi hi mu! Bible hi thate in rel hna usih!

Khrifa a timi Laimi 100 chung ah 90% cu Vancung khua ah kaite ding in aa ruatmi kan si kho men caah, Vancung khua ah kan kai bak ko lai, tiah a zummi paoh nih, khawika dah vancung khua a um i, zeitik ah dah kan kai lai? Vancung khua ahcun, zeidah kan tuah lai? Vancung khua ahcun, a zungzal in  maw kan um lai or caan zeimawzat chung dah? timi na zumhnak a ruang kha fiangte in comment ah rak tial ding in kan sawm hna.

Kan Bible cauk, "Genesis" in "Revelation" tiang ka relmi ah minung hi "Vanram" kai ding in Pathian nih a kan ser lo hi ta tiah biafunnak ka tuah. A ruang cu tulio kan umnak vulei (earth) hi a hrawh te lai i, zungzal kan umnak ding vulei (earth) thar a kan ser piak te lai. Phundang in chim ahcun, "Genesis" ah a sermi vulei ah minung a kan chiah i, "Revelation" ah a kan promise mi, Vulei thar ah kan itthial te lai tinak a si. Cucaah, Vulei hlun in, Vulei thar ah kan itthial te lai tinak a si cu!

Fiangkhun in ka langhter rih lai. Genesis ah Vulei hi a ser. Minung zong a kan ser. Vulei he minung he, thianghlim tein sermi kan si ko. Asinain Satan nih Addam a tukforh khawh ruang ah Vulei ah sualnak a tlung. Tulio kan umnak Vulei a hrawh hlan chung paoh cu, misual he, miding he, Satan le Khuachia he, vulei ahhin a  kan umter. Tulio kan umnak Vulei hi Apartment building pakhat bantuk sisehlaw, mah building ahhin, Satan he, khuachia he, misual he, miding he cawh hrup in inn kan hlang ti tinak a si cu! Cucaah, vuleicung a buai tuknak hi a si.

Asinain Revelation cauk ah Pathian nih promise mi aum. Tulio ahcun icawh hrup in nan um ko lai nain, partment thar ah nan itthial tik ahcun, umnak a dangte in kan ser piak te hna lai, a ti. Misual le Miding kha hmunkhat ah a kan chiah ti lai lo.  Cucu, tu le meheh tthennak timi kha a si. Miding/ zumhtu paoh cu Sui in sakmi, brand new apartment building ah kan itthial te lai i, Khuachia le Misual vialte cu "Hell" ah zungzal in thong a thlak te hna lai.

Hika zawnah biahalnak nan tuah  khawhmi cu, Vulei thar ah kan itthial hlan ah a thimi vialte thalrau hi ta, khawika dah a um nan ti khawh! Brand new bak in a sermi, Sui le lungvar in a sakmi apartment/ siangpahrang inn ah kan itthial hlan ah a thimi vialte thalrau hna cu, "mithi khua" ah an um. Vulei thar itthial hlan ah a thimi thlarau umnak hi, khawika set ahdah a um timi cu hngalh a si lo. Pathian umnak Vancung khua cu a silo. Zeicatiah, mithi thlarau ahhin miding le misual tiah an um. A dingmi thlarau he, a sualmi thlarau he,  hmunhma pakhat sermi ah an um. Asinain, cuka hmun chung ahcun, a dang te veve in an um. Miding le misual thalrau umnak karlak ah tiva hawrkuang thukpi/ ipal khawh lo dingmi nih a dan hna. Mah an umnak hmun, "mithi khua" hin caan aphak tikah an hung tho tthan ve te lai.  Cucaah, zumtu hi Vancung khua kan kai lai timi hi a dik rua lo, Vulei hlun in, Vulei thar tu ah kan itthial te lai tinak a si.

-Za Sang

Minung Nih A Thi Kho Lomi Thlarau Kan Ngei Maw? BAWI LIAN THANG

Buddha biaknak ningin Laimi cheukhat nih minung le saram cu aa khatmi thlarau ngei in ca an rak ttial. Saram cu a thih tikah leidip ah a kir i, thlarau nung or thlarau thi kongah bia-al len awk a um lo. Minung cu a thaw a dih tik poah kha a donghni a si ko, athi kho lomi thlarau a ngei lo, tiin Buddha biaknak nih cun an zumh (Buddhist nu pakhat nih a zumh ning a chimmi). Laimi chungin Buddha biaknak pomning aa hrawmmi um dawh kan si? 
http://www.thechinnews.com/minung-nih-thi-kho-lomi-thlarau-kan-ngei-lo/ 

Genesis 2:7 ah, “Cun Bawipa Pathian nih vawlei khan tlak tlawmpal a lak i mipa ah a ser; nunnak petu thaw kha a hnar chungah a chuahhnawh i mipa cu a hung nung” tiin kan hmuh. Pathian nih a chuahhnawh mi thaw hmangin mipa cu a hung nung tinak a si. Cu thaw cu a thi/loral kho ma kho lo?

Acunglei Link ka rak chiahmi ah ka relmi cu, “Pathian nih thaw a kan pekmi a dih lai i khikhi kan thih cu a si ko, kan thih cun zei thlarau cu dah a um ti hnga … Soul = Spirit timi zong cu kan thih cun a dih ve ko lai” ti a si. Phundang in chim cun, Pathian nih minung cu leidip in a ser i nunnak petu thaw kha a har chungah a chuahhnawh. Cun, mipa thaw cu a dih tikah a thi, a thaw cu a dih ve an ti ahcun, thawh tthannak ah a tho tthanmi cu amah kha si ti loin midang piin a tho tthan lai an ti he khin aa khat bakmi a si?

Pathian nih minung cu leidip in a ser i, a thih tikah a takpum cu leidip ah a kir tthan lai, ticu biafiang le biadik a si (Gen. 3: 19). Asiah, Pathian nih nunnak petu thaw, mipa hnar ah a chuahhawh mi kha Pathian sin kir loin maw a loralh beh kun lai? Matthai 16:26, “Mi nih hin vawlei pumpi hi co hmanh seh law, a nunnak a sungh ttung ahcun zeital a miak hnga maw?”? Mirang Bible ah a fiang tuk hih, “And what do you benefit if you gain the whole world but lose your own soul? Is anything worth more than your soul?” (NLT).

Taksa thihnak timi sullam hi “takpum le nunnak thaw or thlarau tthennak” kha a si. Biakam Hlun ah ‘Verb’ le ‘Noun’ in voi900 ringlo a hman. Biakam Thar ahcun, ‘Verb’ in voi75, phundang deuh in voi7 ahman hnu ah, ‘Noun’ in voi115 a langhnak hmuh khawh a si.

Asiah, thihnak hi Bible nih zeitin dah a chim chap timi kan zoh hna lai. Thih timi hi ‘i hngilh’ tizong in Bible nih a hman. Biakam Hlun nih a hmanmi Hebrew biafang phunhnih nih thihnak cu ‘i hngilh’ timi sullam a langhter. Biakam Hlun chan siangpahrang an thih tikah, an pale sin ah an ‘i hngilh’ or ‘i din’ tiin a hmannak Bible cacang a tam ngai (1 Kings 2:10; 11:43; 14:20; 31; 22:40; 50; 2 Kings 10:35; 13:13; 14:29; 15:38; 16:20/ESV). ‘I hngilh’ timi Hebrew biafang nih a chimmi dang zoh chih tikah thlan ‘Grave’ he aa pehtlaiin thihnak kha a chim duhnak a si. Leidip ah kir i thlarau tlaulan or loralh lan or dih kha a chim duhnak a si hrimhrim lo. Minung kan thih hi kan donghnak a si lo, kan i hngilh i kan tho tthan te lai tinak a si deuh.

Biakam Thar ah Jesuh nih Jairus fanu a thih tikah, a thi lo, aa hngilh tiin a rak chim (Mark 5:39). Lazarus thihnak zong kha aa hngilh tiin Jesuh nih a chim (John 11:11/ESV). Paul zong nih athi ciami hna kha aa hngilhmi hna tiin a hman (1 Thess. 4:13).

Minung nih a thi kho lomi thlarau kan ngei maw, ngei lo? Leidip sermi cu leidip ah a kir tthan lai, Pathian thaw chuahhnawhmi zong Pathian sinah a kir tthan lai. Kan thi lan lai lo. Kan lo thai lai lo. Kan i hngilh tu khi a si. Kan i hngilh timi a sullam cu kan tho tthan te lai tinak a si ve. Kan thawh tik zongah kanmah tthiamtthiam kan si lai. Aa dangmi pakhat cu thihhlan pumsa le thawhtthannak pumsa cu a rawk khomi tiin le a rawk kho lomi pumsa tiin an i dang lai (1 Korin 15: 50-58; 1 Thesalon 4:13-18).

Note: 

1. Hebrew le Greek biafang ttial chih awk ah, a ttialtu cale a rel tucaah hna a hnok deuh caah ka rak ttial lonak a si (Source ka hmanmi ah tlingten fianternak a um).

2. Zumtu le zumlotu thihnak le thawhtthannak kong aa dang tein ka ttialmi a si lo caah nan lung a buai sual nak hnga lo ka van langhter ta.

3. Source a check duhmi nan um sual ah pumpak in pehtlaih khawh ka si.

https://christianfaithfoundation.wordpress.com/2017/07/09/minung-nih-athi-kho-lomi-thlarau-kan-ngei-maw/

-Bawilianthang

Thlarau (Spirit) Hi Thleidan Thiam A Hau

Thlarau ti hi Hebrew holh (Ru'ach leh Greek holh Pneu'ma)tiin a ra mi a si.Ru'ach leh Pneu'ma nih cun 1.Thli.....2.Vawlei Cung minung leh saram vial te nun Nak...3.Minung kan thin lung in a Chuak ter tu thawnnak thluak...4.Thlarau Pum in a nung mi Van Cung um mi....5.Pathian thawnnak/Thiang Thlarau; 6..Pathian thawchuah hnawh mi Cathiang"""ti in a phunphun in sullam tam Pi a ngei.

Phone Cung,computer chung lawng si lo in Bible bak kha Kau ve ding in kaan sawm.

            (1)............GENESIS 1:2
vawlei cu mui zong a ngei lo, pungsan zong a ngei lo. Rilipi cu muihnak nih a khuh i ti cungah cun Pathian ṭhawnnak cu aa chawk."

          Common English Bible
Genesin1:2 The earth was without shape or form, it was dark over the deep sea, and God’s wind swept over the waters—
Hi ka ah Common English Bible nih "Thli"(wind) tiah a leh

 "Hi Ka Ah hin Lai Bible ah Pathian Thawnnak a ti mi zawn te ah hin ( b ) tiah aa Tial lai i a tang ah Patian thawnnak thlipi/ Pathian Thlarau ti Zawng in leh khawh a si tiah aa tial lai.
         
                (2)........PHUNGCHIMTU 12:7
Kan pum cu vawlei leidip ah a kir ṭhan lai i kan thaw cu a kan petu Pathian sinah a kir ṭhan lai.
            King James Bible
Ecclesiastes12:7 Thenshall the dust return to the earth as it was: and the spirit shall return unto God who gave it.Vanity of vanities, saith the preacher; all is vanity.
Hi ka ah hin King James Bible nih "Thaw"kha Thlarau (Spirit) tiah a leh.

     (3).......2 CHANRELNAK 9:4

a cabuai i rawl le a bawi pawl an ṭhut-umning le a sinum hna nih an tuammuai hna ning le an hnipuan le a hrai putu hna le an hnipuan le Bawipa inn i a pekchanhmi a khangh thawinak hna kha a hmuh tikah, a chungah thlarau a tang ti lo.
           New International Version
2chronicle9:4 the food on his table, the seating of his officials, the attending servants in their robes, the cupbearers in their robes and the burnt offerings he made ata the temple of the Lord, she was overwhelmed.

NAMBAR 14:24
Sihmanhsehlaw ka sal Kaleb cu lungthin dang a ngei i tling tein a ka zulh caah, a va kalnak ram ah khan ka luhpi lai i a tefa hna nih an co lai.

New International Version
Numbers 14:24 But because my servant Caleb has a different spirit and follows me wholeheartedly, I will bring him into the land he went to, and his descendants will inherit it.

New Living Translation
Numbers 14:24 But my servant Caleb has a different attitude than the others have. He has remained loyal to me, so I will bring him into the land he explored. His descendants will possess their full share of that land.

Hi ka ah hin Thlarau a um ti lo zawn ah hin "a khua ruah a har tuk tiin a leh.kawl Bible zawng ah mah tiin a leh ve.a chim duh mi cu Sheba siangpahrang Nu ih Solomon Siangpahrang i a si ning kha a ruah Nak le a thluak nih a Phan lo mi kha a si i,Caleb ruahnak a dang a ngeih mi kha Bible dangnih cun phundang thlaraua ngrih tiah a leh.

    (4).......1 KORIN 15:46

A um hmasami cu thlarau pum kha si loin vawlei pum kha a si deuh, vawlei pum hnuah khan thlarau pum cu a ra.
         New Living Translation
    1 Corinthians 15:46 What comes first is the natural body, then the spiritual body

     (5)........LUKA 11:13

Hi tluk i nan ṭhalo ko na hin nan fale kha thil ṭha pek cu nan hngalh ahcun, vancung i a ummi nan Pa nih cun amah kha Thiang Thlarau a halmi cu zeitluk in dah a pek chinchin hna lai," tiah a ti.

           NAMBAR 11:17
 ka rung ṭum lai i khika ah nangmah he kan i chawn lai; cun nangmah cungah a ummi thlarau cu tlawmpal in ka lak lai i an cungah ka chiah lai i nangmah lawng nih na phorh nakhnga lo, mi hna thil cu an in phorhpi lai.

A Cung lei i Bible cang Ka tar hna ban tuk in thlarau ti hi a phunphun in a um.(Thiang thlarau,Thlarau pum,Ruah nak thin lung,Nun nak thaw hna hi thlarau (Spirit ) tiin an leh tawn i khakha thlei dan lo i cawh dih ah cun Thlarau kong i ruah khawh a si lo.cu Thlarau tiah Bible chung i aa Tial mi hna hi kan thlei dan hna lo i kan cawh dih hna a si ah cun Thlarau kawng hi i chimh leh i ruah a har ngai ngai mi a si.

••Bible cangkhat loin Comment hna tial lo ding kan nawl.••

- Khinmawnghtwe Conzo

Pathian Bia Ah Capo A Um Maw?

                 YouTube ah siseh, Hmai tonh in siseh, Online in siseh Pathian Thawngtha bia hi Pathian dawtnak thawngin ka ngai tam pah ve cang. 

                 Thawngtha chim thiam tiah kan ruahmi hna le Cawnnak sang a ngei tiah kan I Bochan mi hna, thlarau lei ah mi a hlip hlau tiah Even tha tha kan I neih mi hna An thawngtha chim mi ah hin Capo a tam ngai. Sermon he peh tlai in tah chunhnak le Bianabia asi kan ti si ahcun Jesuh nih tah chunhnak le bianabia tampi a hman mi kan hmuh ko tung Capo a um Ttung lo. 

                HEBRU 4:12

Pathian bia cu a nung i a ṭhawng. Kap hnih har vainam nakin a haar deuh. Hlang lak in a cheu khawh, nunnak le thlarau an i tonnak tiang, hliahcang le thlik an i tonnak tiang a cheu khawh. Minung lungthin duhnak le ruahnak vialte kha a hngalh dih. A nung i a thawng mi kan Pathian bia nih Laimi kum 117 khrih fa asi cangmi kan Nunnak ah Ziah Hlang lakin a kan Cheu khoh ne hnga lo. Pathian mi Hman mi sinak in Minung mi hman mi, Pathian nih Sunpar nak hmuh nakin minung nih sunpar nak hmuh kan duh deuh caah asi hnga maw?. 

               Tam ka chim ti lai lo, 

Flipi 1:15 A cheu cu hnahchuahnak an ngeih ca le mi he I al duhnak lungthin an ngeih ruangah Thawngtha bia a chimmi an si taktak, Sihmanhsehlaw A cheu cu lungthin tha te he a chim mi an si. 

                   A cung Bible kan rel cun kan fiang dih ko lai dah ka ti, Pathian mi le Pathian mi hman mi zawng hi kan i dang, Tu Chun ni ah kan ram ah Tgawngtha chim mi hi i ral rin ding tampi zum tu nih kan nei cang hna. 

                   A donghnak bik ah hawi dawt Nu le pa hna kan mah le Pathian kan I peh tlaihnak ah a hram a fek bik cem mi cu Thawngtha chim thiam tu pa lawng kha asi lo, PhD le Dr pa zong kha asi lo an nih nih cun an hmuh ning le pomning in an kan hruai lai, cu caah Nifatin te kan nunnak ah a herh bik cem mi cu a nungmi a bia Capo a um bak lomi Kan Bible thlacam nak te he kan i tlaih hi asi ko. Amen. 

By: Rual Hei Thang.

Jesuh Nih Pa A Ngei Lo. Pa A Ngei Ahcun Jesuh Nih Lih A Chim A Si Hnga.

1.Tuzan hrimhrim ah David khua chungah ah nan khamh tu kha a chuah cang Khrih Bawipa cu! Luke 1:11
2.. A Pa ttangcung ah a pom tiah a um tthan.
3. Ka Pa sin in ka ra a ti.
4. Keimah le ka Pa cu pakhat kan si.
5. Keimah cu ka Pa chungah ka um I ka Pa cu keimah chungah a um kha na zum lo maw,Filip? Johan 14:10.
6. Van in a rung ttum mi Mi Fapa a hmu mi lawng Pa a hmu bal mi cu an si a ti.
7. A ka thlahtu cu ka sinah a um I a duh mi kha ka tuah zungzal caah a ka kaltak bal lo, " tiah a ti. Johan 8:29.
8. Mi Fapa hi hmasa I ka rak um hmun I ka kai kha ka hmu u law tah zeitindah nan um kun hnga?
9. Ka chim duh mi cu Pathian ahmuh mi an um bal ka ti duh nak a si lo, Pathian sinin a rungttum mi lawnglawng kha Pa a hmu bal mi cu an si.
10. Keimah a ka hmutu nih keimah a ka thlahtu zong kha a hmuh a si. Johan 12:45.
11. Ka Pa ka bia na ka theih piak caah na cungah ka lung aa lawm. Johan 10:39.

Jesuh nih Pa a ngei lo cu a fiang tuk.
Pa ngei sehlaw a Pa min hi voi khat tal bible ah an ttial hnga.

-Salai Joel