A luancia kum 7-8 ah Denmark Lai pastor pakhat nih " Europa ram chung Laimi lakah Denmark um Laimi hi kan tlau hmasa te lai" tiah Norway ram Froland khua i rak tuahmi Senri phu itonnak ah a rak chim. Hihi anmah Denmark ram khuasa Laimi dirhmun in a rak chimmi a si i,Denmark chung i um Laimi lawng siloin Norway ram khuasa Laimi nih kan ton cuahmah mi a si. Miphun phunkhat dirhmun in kan tlaunak tete cu a dang cio lai nain, kan tlauning hi a tlangpi in nunphung le caholh ah si dawh bik a si.
nunphung le caholh : miphun phunkhat kan sinak hmelchun le a langhnak cu nunphung le caholh a si i,hi chungah a tlangpi in kan tlaunak hrampi cu Holh hi a si. Thingkung pakhat fek tein a dir khawh nakhnga a hram a biapi bantuk in miphun khat kan hram a feh ve nakhnga Laiholh a dirhmun hi a feh hmasa a herh.
holh le chungkhar : Atu lio Norway i a țangmi ngakchia cheukhat cu Laiholh nakin Norway an thiam i, an i ziak deuh cang. Cu chinchap ah nulepa nih Norway holh cawnnak ah fale hman a si hoi i, fale chung´n Laiholh a thiam lo a tam chin lengmang. Laimi a kan funtom kho bik tiah ruahmi Khrihfabu nih tuahmi sunday school lila hmanhah Laiholh siloin Norway in hman a si cang. Miphun pakhat i, kan hram a simi Holh inn chungkhar in a hram kan fehter lo tikah, a rauh hlanah, Norway ram um Laimi hi kan pur lai. A hram tein a thimi thingkung cu sau a nun lo.
DK LR Tluang