Tulio kan Lairam cuanhah kan Lairam hi Khrihfa ram a lo ruam lo, Zum lotu Ram tu a lo deuh. Kan Lairam Khrihfa ram a lawh lonak a ruang tlawnte a tang lei bangin ka rak tial.
Mifir An Tam Ruangah
Kan ram ah mifir an tam tuk. Kanmah Khrihfa lila kan si. Nai Thantlang ah Motor Cycle fir a tam kong, kilven cawk a si ti lo kong le zankhat pakhat hna a tlau te lai an ti kong thawng ka rak zamh cang. Mah ka zamhmi kongah Halkha ummi ka hawipa nih Thantlang nakin Halkha a zual a van ti cu ka lau pah. Thil dang fir zong a tamtuk hringhran..
Laimi cu Pipu chan, Khuachia biak chan in Inn tawh hrenh hmanh a rak hau lo. Tu cu Khrihfa chan kan phan cang nain fir a tam tuk ruangah Inn tawh Special le bauh khawh loding tiangin kan tuah sak len.. Nain an bauh thiam i an fir thiam.. Khuachia biak lio chan nakin Khrihfa chan hi kan zual deuh ko kan ti cun kan palh tuk lai lo.
Eih Hmuar A Tam Tuk Ruangah
Kan ram ah eihhmur in rian a tuanmi an tamtuk. Kanmah Khrihfa lila kan si. Cozah rian tuan pawl nih Cazoh nihlawh an ei komi mipi thi an dawp chap theu hna. Hmatpungtin tuahnak ah tangka pek chap lo cun an tuah piak duh lo kong hna, Inn Linecen tuah kong zongah an eihmuar ning hna keimah Thantlang kan um lio tein ka rak ton bal...
Zuuding le zuu rii an tam i an buai lengmang mi hna, Zuu rii pawl nih Zei ruang loin mi an ngiar i lung in an chehnak hna nih kan ram hi Khrihfa ram a lawhter lo..
Khua chuangah Zuu ding le zuu ri pawl nih khua mui an chiatter. Eihmuar in rian tuan pawl le mifir hna nih kan ram a muru an thurhnawmh tuk.. Lairam cu Khrihfa zatuak 99% kan si, Khrihfa ram a si nain Khrihfa ram hrim a lo ti lo. Khrihfa ram muisam keng loin Zum Lotu ram muisam tu a keng..
Nai teah Yangon um, Kawl nu nih Halkha ah rian ka sok lai tiin a van ka chimh. Tuan deuh ah Chinmi pawl a kan zohtlanak kong a rak ka chimh bal cang. Mah ruang thengah Halkha ah rian sok aa timh hi a si theu lai. A va tlun taktak tikah Chinmi a kan zohtla ning a rak si lo cun a poi tuk hnga.. Keimah hmanh ka ning a zak cia..
Tlangkawmnak ah
Kan Lairam a mui a chiatter tu le a thurhnawnh tu cu ramdang mi nakin kanmah Khrihfa a simi lila hi kan si deuh ko. Lairam a thurhnawmh tu le a mui a chiatter tu vialte hna nih kan nun kan i remh caan a zaa cang... Khrihfa kan si bang Kan Lairam hi Khrihfa ram kan lawhter caan a si cang.. Dinnak hi kan ramah lenter hna u sih law a cat lomi tiva bangin luanter camcin cang hna u sih...
-Satu