“Chan he aa tlakmi Pastor dirhmun” timi tlangtar in CBA ram chung Pastorte cawnpiaknak ka ngeih hna. Cu lioah Pastorte biahalnak ka tuah hna i an ka lehmi tete rak rel ve. Na nun an remh khawh.
1. Pastor nih pumpak zulphung i ser a tha maw? Na ruahnak tial tuah?
A tha tuk. A ruang cu nunzia (Siikan) a thatter; nun a thianter; midang caah zohchunh tlak si awkah nunbawmtu a si; rian upatnak a si; mi nih tih zahnak a si. Zulh phung ngeih lo cun daithlannak a si. Pumpak nun hruaitu le thanchonak caah a tha tuk. Kan nun a kan vengtu or ralrin pektu a si.
2. Pastor nun he aa tlaklo tiah ruahmi vialte kha tial hna usih ?
Zuu, zukhmawm, mi thlendan ngeih, nahchuah ziar ngeih, a dikmi tanh ngam lo, nuar hman, nu le pa sualnak phungning lo in hmangmi, aa dawh tlak lomi fenh aih, Phu(party) ngeih, that hut, dinfelnak ngeih lo( tangka, lihchim, mihlen…). Capo tamtuk chim, zir kong ceih hmang, midang upat pek lo, caan upat lo, thintawi, dawtnak ngeih lo, ngut hman tuk, Khrihfabu rian nakin a lenglei rian ah tha pek deuh, thinlung put tha lo, duh khunmi ngeih, midang nih ruahnak cheih khawh lomi, mithmai panhlo peng um, biaduh hmur sau, baibal rel le thlacam huam lo, holh dawh cah lo chim.
3. Midang he pehtlaihnak ah an dawntu thil tete hna tial na ruahmi?
Thin tawi; chimtu lawng si i mi bia ngeih duh lo; chim ning in tuah lo; Phone chawnh /hman thiam lo; hmurka tlawm – holh tam tuk; mah le mah sang tuk ah i chiah; caan upat lo, mi zei rel lo. Keimah tinak lungut, phawrhlawt, mi bia ngeih piak duh lo, caan upat lo, mah ruahnak lawng i rinh( midang bia lak piak duh lo), bia ceih lio dai tein a ummi, i uahnak, mi chawnh biak thiam lo, mi bia thli phun hmangmi, mi bia chimmi ngeih zuam lo le biachim i cuh duhnak, riantuannak ah i sawhkalh tuk, zumh tlak lo in nun, mi huat ngeih, miruahnak i hrawm duh lo,midang he nun hrawm khawh lo, midang sining hngalh thiam khawh lo,mi zumh khawh lo, keimah tinak ngeih i midang he nun hrawm khawh lo, ningzahnak.
4. Bochan tlak pastor tiah na ruahmi a dirhmun kha tial i zuam tuah?
Dirhmun a ngeimi, a chim ning in a tuahmi, aa pum pemi, nun ai hrawm khomi, mi chawnh biak thiammi, Baibal a ngal bakmi, vawlei cung thil sining zong a theih bakmi, thithruai a thiammi. Thlacammi, inn kip lengkaimi, thatnak lei i thil a hmu kho mi, a daithlang lomi, mi bia thli chim phunglomi, member nih a herhmi thlarau ti le rawl a pe khomi, member cungah dawtnak le zawnruahnak a ngeimi, pumpek nun, Khrihfabu cawlcanghnak ah ai leklakmi/ vikvakmi/ tawphawh zaangmi, pawngkam sining a zoh thiammi, thatnak lei ah a ral a thami, Program a ngeihmi paoh tel peng i zuam i a dih tiang tein ai telmi, zei rian poah ah ai bia takmi,lungsaumi, dawtnak ngeimi, bia khiah a thiammi, a chim bantuk in a tuahmi, ca rel a huammi, member tha tein a leng kai khomi, a rian a upatmi, hruk aih a thiammi, nun thianhlimnak a ngeimi, chungkhar tha tein a hruaimi, midang sining a hngal khomi, mi zei paoh he nun ai hrawm khomi, chiat/that ni ah ai tel kho pengmi, lungput a pui tlingmi, biachim holhrel thiammi, biakhiah a thiammi, lungthin saumi, midang buainak a daihter khomi, lungthin thiangmi, mi bawmh duhnak lungthin a ngeimi, hmailei thil sining a cuan khomi.
5. Pastor nih kan nun thanternak dingah zei bantuk in dah kar kan hlan lai?:
Devotion, Khur khua ruahnak caan(quit time) ngeih ding, ca tampi relmi, nun cawnnak a dih pengmi, thathutlo(baibal rel, thlacam…), khinhmi rian ah lungthin dihlak in a tuan i a pemi, umtu, hawiher le mithmai panh tein ummi, aa pumpemi le pekchanhnak lei zongah hmai ah kalmi, chimh tikah mah le mah cohlannak nun a ngeimi, nun in thawngtha a phungmi, cawn a duh pengnak, Baibal rel le thlacamnak, pumpak zulhphung tha tein i ngeh peng i zulh i zuam peng, timhtuah chungnak tha tein ngeih peng, chan tiluan zulh khawh, teimaak le i hnek nun ngeih, lungsaunak, mah sining i theih peng, Thawngpang a theih kho pengmi.
Sang Uk Cung