Jesuh kaa chuak bak ti an chim i an i ziah ngaingai. Mathai 28:19 Pa le Fapa le Thiang thlarau min in tipil va pek hna u a ti tiah an ti.
Marka 16:16 A zumh i tipilnak a ing mi poah nih khamhnak an hmu lai, a zum lo mi poah nih sual phawtnak an hmuh lai.
Rom 6:3,4,5 Khrih Jesuh he kan i pehtlaihnak chung i tipil kan in ah khan a thihnak he i pehtlaihnak chungah kan i hnim ti kha nan philh cang dahra? 4 Cucaah tichung i tipilnak kan vung in ah khan amah he vui tti kan si i a thihnak ah khan kan thi ve; cu bantuk tthiamthiam in Khrih cu Pa sunparnak tthawnnak nih a thawhter bang khan kannih zong nunnak thar ah kan nun ve lai. 5 a thihnak ah amah he kan thih tti ahcun, nunnak i thawhter a sinak ah kannih zong thawhter kan si ve lai.
Johan 3:3,4,5 Jesuh nih cun, " Biatak tein kan chimh; Ahohmanh hrin tthan a si lo ahcun Pathian pennak kha a hmu kho lai lo," tiah a leh.
4 Nikodemu nih cun, " Zeitindah patling a si cangmi cu hrintthan cu a si khawh lai? A nu paw chungah cun lut tthan in hrin tthan cu a si kho lo," tiah a leh.
5 Jesuh nih cun, " Biatak tein kan chimh; ahohmanh ti le thlarau in hrin a si lo ahcun Pathian Pennak chungah a lut kho lai lo.
Lamkaltu 2:38 Peter nih annih cu a thawh hna i," Nan dihlak in, pakhat hmanh bau loin , nan sual nak khan i mer u law Jesuh Khrih min in tipilnak rak ing tuah u; cun Pathian laksawng thiang Thlarau kha nan hmuh lai.
1Peter 3:20 Cu thlarau hna nih cun, Noah nih tilawng a ser lio i lungsau in Pathian nih a ngan hna lio ah khan, Pathian nawl cu an Ngai duh lo. Lawng chungah a lutmi mi tlawmte - minung an dihlak ah pa 8 hna kha-ti chung cun khamh an si i,
21 cucu atu i nanmah an khamhtu hna tipil innak a rak sawhtu hi a si. Tipil innak cu pum hnawm kholh hi a si lo., chittha thleidannak thiang nih Pathian sin i biakamnak a tuahmi tu hi a si. Tipil innak nih cun Jesuh Khrih thihnak in a thawh tthannak thanwgin an khamh hna i 22 amah cu vancung ah a kai i Pathian orhlei kam ah a um i vancungmi vialte le vancung nawl ngeihnak vialte le tthawnnak vialte kha a uk dih hna.
Galati 3:27 Khrih chungah tipil nan ing i Khrih nunnak in nan i thuam.
Bible ah Jesuh min in tipil an pek hna ti le an ing ti hi a um. A pek tu hna hi Peter, Paul, Filip an si. Cun anmah hnu zultu ah UPC kan si. Bible ah a um bak mi te a si.
Khamhnak caah zumhnak he ing mi a si.
Baptist nih Pa, Fap le Thiang Thlarau min in tipil an pek hna nak le an ing nak bible cang van ttial ve u law a ttha lai dah.
kaalawm.
-Salai Joel