Biahmaitti-Introduction:
------------------------
Pathian bia i ruah cu Bible chungah kan hmuh bantuk in zeidang kongnak in a tha deuh caah Pakhat le khat i soinak ah siloin a ruah tuin ruahtti dingah kan sawm ve hna.A herhnak zawn teah mirang ca ka tenh pah caah phundang ruat hin lo tein.
Khrihfa mi hna kan zumhnak ah Trinity cu a biapi ngai mi kan doctrine le principal a hrampi asi.Cheukhat zumtu hna nih Zisuh zong Pathian,Pa le Thiang thlarau zong Pathian asi kun ahcun Pathian cu pathum hrawng maw asi kun lai ti mi biahalnak a um pah.Pathian (God) cu pakhat long a um nain cu Pathian chungah thumkomh Pathian ,Pa,Fapa le Thiang thlarau um zia Bible nih thuk ngaiin a kan cawn piak.Cu Pathian cu thumkomh Pathian a sinak (nature of God) cu a tawinak bikin fianter kai zuam lai.
Pathian Cu Komh mi Pathian Pakhat Sinak(Unity Of God):
---------------------------------------------------------
DEUTERONOMI 6:4
"Thei hmanh, maw Israel: Bawipa hi kan Pathian a si, Bawipa lawnglawng hi;“Hear, O Israel: The LORD our God, the LORD is one.”.Bawipa kan Pathian cu pakhat lawng a um.Komh mi Pathian an sinak kha a langhter.(Gen-1:1)
A hramthawk ah, Pathian (God) nih van le vawlei a ser hna ti kan hmuh.God cu Hebrew holh in "ELOHIM" ti nak asi."IM" hi Hebrew holh in (Plural) a tam mi ah hman mi asi.Pathian dangdang caah "IM" a hmannak ahcun (gods) a fami in a tial nain a nung mi kan Pathian caahcun "IM" hi a hman ko nain mirang ca cun "G" hi cafang ngan a hman i "s" a thlak bal lo.Tahchunhnak ah -Mirang holh in Dog,Pencil le watermelon hna cu a tam u (Plural)caah "s" thlak piak chih a ngah ko nain thlak lo zongah a ngah bantuk khi asi.
Hebrew in zohchunnak caah a tang lei hna hi,"IM"
CHERUP ____ (Exodus 25:18-20)
SERAPH ____ (Isaiah 6:2,6)
TERAPH ____ (Judges 17: 5) "Teraphim" cu gods siloah idols tinak khi asi.
Hebrew holh in Pathian taktak asi lo mi (gods)ELOHIM PLURAL biafang in a hmannak hna cu fiang deuhin a tang lei Bible cacang ah hmuh khawh asi.
"Thou shalt have no other _________ [ELOHIM] before Me" (Exodus 20:3).
"And make no mention of the name of other __________ [ELOHIM]" (Exodus 23:13).
". . .then will they turn unto other __________[ELOHIM]" (Deuteronomy 31:20; ).
"God forbid that we should forsake the LORD, to serve other _________[ELOHIM]" (Joshua 24:16;).
Gen-2:24 ah Nu/Va cu pa hnih an si ko nain pakhat ,pumkhat (One Flesh) an sinak caannak zong a kan cawn piak.Cun Gen-11:5 chungah miphun phunkhat nih inn sang pi an sak mi a hmu tikah cu miphun phunkhat cu (One People) ah a hman mi zong kan hmuh khawh.Minung tampi asi mi (Plural) kha one pakhat ah a hman.Cubantuk in Pathian kan ti langmang mi (God) zong cu Plural asi ko nain pakhat ah a hman ve.Cun Gen-1:26 ah Cun Pathian nih cun, "Atu cu minung kan ser cang hna lai; kanmah mui an keng lai i kanmah he kan i lo lai. (“Then God said, “Let US make mankind in OUR image, in OUR likeness, ) tiah Trinity thumhkomh Pathian an sinak cu a langter.IS-6:8 ah thumkomh Pathian a sinak cu kan hmuh khawh than."Ahodah ka lamkal a si lai?" (Who will go for US).Lai Bible ahcun singular a hman ,nain mirang Bible nihcun Plural (US) a hman mi kan hmuh than.
Pathian Ah Pathum An Sinak (Divine God)
--------------------------------------
Pa(Father Is God)
------------------
EXODUS 3:15-Cun Pathian nih Moses cu a thawh ṭhan i, "Israel mi cu, 'Bawipa, nan pupa hna i an Pathian, Abraham Pathian, Isak Pathian, Jakob Pathian nih khan nan sinah a ka thlah,' tiah na chimh hna lai. Mirang Bible nihcun "The Father Of God" tiah fiang tein a langhter mi kan hmuh.Khamnak caah Pa a rian hna cu -Khamhnak caah timhtuahnak a kan ngeih poak (Rom. 8:28-31).A fapa a kan thlah piak (1 John 4:9-10). A fapa a kan pek(John 3:16; Rom.8:32).
Fapa(Jesus Christ is God)
--------------------------
1.JOHAN 1:1Vawlei hi ser a rak si hlanah Bia cu a rak um cang; cu Bia cu Pathian sinah a rak um i cu Bia cu Pathian a si.2.A hramthawk tein Bia cu Pathian he cun an um ṭi.
2.FILIPI 2:5
Nan lungput cu Khrih nih a rak ngeihmi lungput kha si seh; cucu hihi a si:(Nature of Son is God) sinak kha hi ka ah a hun langhter.Fapa a rian hna cu-
2. Khamhnak rian kha a tuan (John 17:4;19.Mi khamtu asi. (Titus 2:13-14).
Khamhnak caah kan caah a thi.A nunnak a pek(1 Tim. 2:6).
Thiang Thlarau(Holy Spirit is God)
-----------------------------------
1. GENESIS 1:2 vawlei cu mui zong a ngei lo, pungsan zong a ngei lo. Rilipi cu muihnak nih a khuh i ti cungah cun (Pathian ṭhawnnak) cu aa chawk.“and the Spirit of God was hovering over the waters.”Thiang Thlarau zong vawlei serka tein a rak um cang.
2.Lamkaltu 5:3-4 Peter nih Animias cu a thawh i zeicadah Thiang thlarau sin ahcun lih cu na chim ,Pathian sinah lih na chim asi hi a ti mi kan hmuh tikah Thiang thlarau cu Pathian asi kha kan hmuh khawh.Thiang Thlarau a riantuannak hna cu-
Nunnak thar kha a kan pek(2 Cor 3:6)
Hrinthannak a kan pek. (John 3:5; Tit. 3:5).
Kan sualnak vialte a kan thianh piak. (2 Cor 5:17)
Thianhnak le thiamcoternak in puanrang a kan aih (1 Cor. 6:11, and see 1 Cor. 1:30).
Pale Fapale Thiang Thlarau An i Dannak:
---------------------------------------
MARKA 1:10-11
1. Ti chungin a hung thawh dih kate ah khan, van kha aa cheu i Thlarau cu ṭhuro bantukin a cung i a run i fut kha Jesuh nih cun a hmuh.11Cun van in aw pakhat kha a theih i, "Nangmah hi ka Fapa dawt cu na si. Na cungah ka lung a tling ngaingai," tiah aw nih cun a ti.
2.John 14:16-Ka Pa kha ka hal lai i Bawmtu a dang, an pek hna lai i a zungzal in an umpi hna lai."And I (Jesus Christ, the Son) will pray the Father, and He shall give you another Comforter (the Holy Spirit)."
3.JOHAJOHAN 14:26-sihmanhsehlaw ka Pa nih ka min in a run thlah laimi Bawmtu, Thiang Thlarau nih cun zeizong vialte kha an cawnpiak hna lai i kan chimhmi vialte hna kha nan lung an pemter hna lai."But the Comforter, which is the Holy Ghost, whom the Father will send in My (Jesus Christ, the Son's) Name...."
4. JOHAN 15:26-"Ka Pa sinin a rami Bawmtu, biatak Phuangtu Thlarau cu a ra lai. Ka Pa sinin nan sinah ka rak thlah lai i keimah kong kha an chimh hna lai."But when the Comforter is come whom I (the Son) will send unto you from the Father, even the Spirit of truth, which proceedeth from the Father, He shall testify of Me (the Son)." In this one short verse, the Father is mentioned twice, the Son twice and the Spirit three times (counting the pronouns).
2 KORIN 13:13-Bawipa Jesuh Khrih vel le Pathian dawtnak le Thiang Thlarau he i hawikomhnak cu nan dihlak sinah um ko seh.“May the grace of the Lord Jesus Christ, and the love of God, and the fellowship of the Holy Spirit be with you all.”
Lai Bible ahcun a hme 13 asi i Mirang ahcun 14 asiA ho hlei kha a niam deuh i a ngan deuh ti a um lo.Pakhat le khat tu kha sunparnak an i pe.JOHAN 17:1-Jesuh nih bia a chim dih cun van lei kha a zoh i, "Ka Pa, a caan kha a cu cang. Na Fapa nih sunparnak kan pek ve nakhnga, na Fapa cu sunparnak ka pe ko.
Donghnak-Conclusion:Pathian biathli???
---------------------------------------
Hi thumkomh Pathian sinak hna hi theih le hngalh a har ko lai .A ruang cu Jesuh nih cathiang ahpei fiang tein a chim cang cu;
1. MATTHAI 11:25-17-Khi caan ah khan Jesuh nih aa thawh i, "Maw ka Pa, van le vawlei a uktu. A fimmi le cathiammi hna sinin na thuhmi kha cathiam lomi (Mirang Bible-Little children)hna sinah na langhter caah na cungah ka lawm.26.Asi, ka Pa, cucu nangmah nih siseh ti na duhningte a si.27.Ka Pa nih zeizong vialte kha ka kut chungah a ka pek dih. Pa dah ti lo nih cun ahohmanh nih Fapa kha an ka hngal lo i Fapa le an sinah a phuanmi hna dah ti lo nih cun ahohmanh nih Pa kha an hngal lo.
Bawipa Kan Pathian sunparnak caah si ko seh.
-by Al Bik Lian Zaathang
