Kan dam lo zongah, Thihlonh Ngahchiatnak le lungretheihnak phunkip kan ton zongah Sungh zatlaknak hna kan ton lengmang zongah, kan khuasaknak a tlamtling lo zongah, Nikhua a chiat zongah Pathian cu a chia hlei lo, tha in a um zungzal ko. Amen
Baibal ah "Bawipa cu a tha" timi hi voi tam taktak aa tial nain "Bawipa cu a chia" "Bawipa cu a thalo" ti bel cu pakhat te hmanh aa tial lo.
Mahnih a fiantermi cu "Bawipa cu a tha zungzal" ti kha a si ko. "Bawipa cu a that caah lawm tuah u, a dawtnak fek cu zungzal in a hmun." Amen SALM 118:29
Pathian cu a tha zungzal ko. Amah ning a si zungzal ko. "Jesuh Khrih cu nizan le nihin le zungzal in amah ning a si ko." Amen. HEBRU 13:8
•Bawipa cu a tha zungazal caah Mirang ca in a lar tukmi le mi tampi nih kan uar tukmi cu "God Is Good All The Time" ti hi a si.
Bawipa cu nihin ah a tha, nizan ah a tha, thazing zongah a tha rih lai i a ra laimi caan vialte zong ah a tha peng rih lai. Amen...
Bawipa hi zeitluk in dah a that ti kha nanmah tein va kawl cio hmanh u, amah chungah him tein a ummi cu a lung aa lawm. SALM 34:8 Amen...
***********
Ruah Chih ding le Khelhhlai ding:
Baibal ah BAWIPA nih a sual lomi ngakchia tampi zong misual hna ruangah dan tatmi ah an i tel ve i an nunnak a laknak(thah) hna kan hmuh nain BAWIPA cu a tha lo, a chia kan ti sual nakhnga lo i ralring u sih. (Hi kong hi capar dang in fianh hau phun a si)
