Baibal sianginn kan kaimi hna hi rian tha pakhat hmuhnak ca men ah le mi nih kan u pat hna seh ti duhnak in si hin loin Bawipa kan duh ruang le Baibal thuk deuhin kan theih hngal duh ruang tu ah Baibal sianginn kan kai hi si ko seh.
Thlacam nak ah le Hla cawnnak ah ka vaa i thawh lengmang vemi hna hi hawikom hna he i hmuh ton duh ruangah si hin loin Bawipa rian ah kan si khawh tawk tein kan i tel ve duh ruang tu ah si ko seh.
Pumh komhnak ah kan vaa i pumh lengmang vemi hna hi kan thil puan tha le kan i dawhnak mi nih kan hmu hna seh ti duhnak in si hin loin Zumtu ule nau hna he Bawipa thangthat ti duh ah le thawngtha bia kan ngaih duh ruang tu ah kan vaa i pumh lengmangnak hi si ko seh.
Pumh khomhnak ah music, ringawn kan tummi hna hi mi nih kan hmu hna seh, a thiam tuk kan ti hna seh ti duhnak in si hin loin kan thiamnak hna hi Bawipa caah kan hman duh ruang tu ah ringawn kan tum hi si ko seh.
Mi ka va dawt mi le kan van bomhmi hna hi rak kan daw ve in rak kan bawm ve hna seh ti duhnak in si hin loin Bawipa nih i dawt le i bawmh cu a duhmi le a kan fialmi a si ruang tu ah kan i dawt le kan i bawmh hi si ko seh...
