Jun 28, 2017

Na Facebook Mi Nih an Fir(Hack) Le Fir Lo Theihnak


Comment ah space hmeh lo tein @(4:0) tiin tial law "Mark Zuckerberg" tiin a van i thlen ahcun na FB Acc...a firtu le a hmangtu(Hack) an um lo tinak a si.

Aa thlen lo i @(4:0) aa tial thiam ah cun a hmangtu(firtu) an um tinak a si lai caah
Na FB passward na thlen a hau tinak a si...

-( ) bantuk zawn ah khan bantuk [ ] in tuah ding a si lai..

-Hmantlak i aa tial ning te khin tialding a si lai..
>>>>>>Comment...
Ref: Mihlen Phunphai Le Thluak Testnak 😃

ZISUH HI A SAM A SAU KA ZUM LO


Bible ah pa a sam a sau mi hna hi Absolom le Samson an si. Absolom hi a sam a sau caah ai dawh. Asinain a sam a sau mi nih a thah. Samson hi a sam a sau. Zeicatiah Pathian nih a thawnnak kha a sam ah a chiah caah sam meh a senh lo. Zisuh hmanthlak an suai tikah Zisuh hi samsau lawngte in an suai. Hihi asi hnga maw vun ruat ve tuah!

1. Bible Biakam Thar chan ahhin zumtu ttha mi hna cu an sam an i zuah hna lo. An sam a sau lo.

2. Zisuh zultu hmanthla an suai mivial samtawi in an suai dih hna. Zisuh hmanthlak vial samsau in an suai. Bible ah Zisuh a sam a sau ti a um lo. A sam a tawi ti zong cu a um ve hlei lo. asinain:

3. Paul nih, "Thil umtuning ah hin, Pa nih sam sau cu ningzak a si" a ti (IKor. 11: 14). Zisuh kha a sam rak sau selaw Paul nih hitihin ca a ttial hnga maw? English Bible ah cu "Disgrace" ti a hman i a sullam cu "Lost of reputation and respect" tinak a si i Laiholh cun "minthannak le upatnak a thlau" tinak khi a si.

4. Biathlah ah "Khawchia cu nu bantukin an sam a sau" (Biathlam 9: 8) ah ati tthan. Zisuh hmanthlak hi nu bantuk, khawchia bantukin kan suai ko ne lo maw?

5. Zisuh hi samsau in an suai tikah "nu" a lo. Zisuh cu pa a si caah pa a lawh ding asilo maw? Nudawk padawk kan lawhter ding a si lo.

Cucaah Jesus hi a sam a sau ka zum lo

Rev. Aung Myint Thang

Jun 27, 2017

PATHIAN NIH "JEHOVAH" KA SI AI TI BAL LO

1. Pathian nih keimah ka min cu "Jehovah" ka si ai ti hrimhrim lo ti hi kan theih hmasa hna awk ah ka duh. Amin hi "Jehovah" ti tu siloin "YHWH" ti tu a si. Hi biafang hi Pathian nih Moses sinah a rak hman bak mi original biafang a si. Zeitindah "Jehovah" ahcun ai can khawh. "YHWH" biafang ah hin "J" zong ai tel lo i, "V" zong ai tel lo. Kawi ka in dah "J" le "V" in an rak chuah pi?

2. Kan ttial cang bantuk in "YHWH" he ai tlak mi tiah Judah mi hna nih an ruah mi biafang cu "Yahweh" tu hi a si. "Yahweh" ti le "Jehovah" ti hna hi cu ai dang lawlaw fawn. "Yahweh" ti mi cu aw pahnih lawng in a chuak i "Jehovah" ti cu aw thum in a chuak. Cucaah zeitindah "Yahweh" ti cu "Jehovah" tiah cun ai can khawh?

3. "Jehovah" ti mi biafang cu William Tyndale nih 1537 ceu ah khan a rak chuah pi mi biafang a si i amah nih a leh mi Tyndale Bible ah hmuh hmasa bik mi a si. Hi hlan ah hin "Jehovah" ti mi biafang hi a theih zong an thei bal lo. Geneva Bible le King James nih an i cawn ve. Revised Standard Bible nih an i cawn ve. Jehovah's Witness nih an leh mi New World Translation Bible nih an i cawn ve. Cun Evan. Rual Uk nih ai cawn ve. Asinain New International Version, New Living Translation, English Standard Version, New American Standard Bible , Holman Christian Standard Bible, International Standard Version, NET Bible, New Heart English Bible, Jubilee Bible 2000, the Amplified Bible (1987), New Jerusalem Bible (1985), the New King James Version (1982), the Contemporary English Version (1995), King James 2000 Bible alettu Bible thiamsang vialte nih cun "JEHOVAH" ti mi biafang hi an hmang hna lo.

 4. New King James zong nih hin "Jehovah" ti mi hi a hmang ti lo. "YHWH" ti mi hi "The Lord" ti tu in a leh cang. Old King James zong ah hin (Genesis 22:14; Exodus 6:3; 17:15; Judges 6:24; Psalm 83:18; Isaiah 12:2; 26:4) lawng ah hin "Jehovah" ti mi hi hmuh khawh asi. LORD ti tu in adang ahcun a leh dih. YHWH cu "LORD" (Bawipa) ti nak a si ko caah Bawipa tiu in an leh dih hna.

5. Pathian nih keimah ka min hi "Jehovah" a si ti ah original Bible Moses tial mi ah rak i ti selaw adang Bible let mi vialte zong nih "Jehovah" an ti dih ve hnga. English Bible hi version 50 hrawng a um i "Jehovah" ti a hmang mi hi cu version 5 lawng an si.

6. Zei a va si ah "YHWH" ti mi sullam cu "Bawipa" ti nak a si. "Yahweh" ti zong Bawipa ti nak a si. "Jehovah" ti zong cu Bawipa tinak a si ko i "Bawipa" ti cu Pathian i a min cu a si hna maw? Asinak tu a si ko lo maw? Eg. Aung Saan Suu Kyi cu bawi a si. "Bawi" cu Suu Kyi min a si lo. "BAWIPA" ti cu Pathian i a min a si ve lo i asinak tu a si. "Jehovah" (Bawipa) ti mi hna Pathian min a si a ti mi hicu Jehovah's Witness bak nan si.

7.Bible scholar nih an ttial mi hi rel hmanh
https://www.gotquestions.org/Jehovah.html

The vast majority of Jewish and Christian biblical scholars and linguists do not believe “Jehovah” to be the proper pronunciation of YHWH. There was no true J sound in ancient Hebrew. Even the Hebrew letter vav, which is transliterated as the W in YHWH is said to have originally had a pronunciation closer to W than the V of Jehovah. Jehovah is essentially a Germanic pronunciation of the Latinized transliteration of the Hebrew YHWH. It is the letters of the tetragrammaton, Latinized into JHVH, with vowels inserted. “Yahweh” or “Yehowah” is far more likely to be the correct pronunciation.

The form Jehovah, though, is very commonly used. It is used in the King James Version of the Bible (Genesis 22:14; Exodus 6:3; 17:15; Judges 6:24; Psalm 83:18; Isaiah 12:2; 26:4). It is also used, and strenuously promoted by, the Jehovah’s Witnesses. The Jehovah’s Witnesses emphasize the use of Jehovah to the extent that any other name or title for God is viewed as borderline idolatry or outright heresy. With all of that said, it is not crucial to the Christian faith for the proper pronunciation of YHWH to be known. Both the Old and New Testaments, inspired by God, use generic terms for “God” and “Lord,” including El, Elohim, and Adonai (Hebrew); and Theos and Kurios (Greek). If the authors of Scripture, under the inspiration of the Holy Spirit, were allowed to use these terms, it is not wrong for us to refer to Him as “God” or “Lord,” either.

In conclusion, it is highly unlikely that “Jehovah” is the correct pronunciation of YHWH. Further, it is far more important to know God through faith in Jesus Christ, than it is to know the correct pronunciation of His name in Hebrew.

Aung Myint Thang

Khrihfa Biaknak Hi Vawlei Cung Biaknak Lakah A Buai Cemmi Le Aa Thencheu Cemmi Kan Si.

Khrihfa biaknak pakhat a simi chungah Trinity, Oneness, Jehovah Wedness, RC tiin a phunphun in kan i then cheu. Cu lak ah Buu in Baptis, UPC, AG tiin phun kip in kan i thencheu chap rih hoi.

Hi ti kan i thencheunak a ruang cu Baibal kan pomning le kan zumhning aa dang cio i cu tikah bu khat in kan um ti kho lo. Trinity pawl nih Thumhkomh Pathian tiin an pom lioah Oneness nih Pa, Fa, Thiang Thlarau komh cu Jesuh a si tiin an rak pom. Jehovah Wedness nih Johovah le Jesuh tiin a dang tein an rak pom ve. Trinity pomning pakhat chung lawng hmanhah Vancung ah Pathum in kan hmuh lai ti le Pakhat in kan hmuh lai tiin an i thencheu chap rih hoi. Mah ti cun Khrihfa Biaknak Pakhat chungah kan i thencheu dih. Aa thencheu bikmi Biaknak a van si.

Zumh pomning aa dan ruangah Trinity lei nih Bible cang i char in cutin a si tiin Trinity zumh pomning a dik tiin a van tial. Oneness le Johovah Wedness nih van i thawh colh in, a si lo, cutin a si tiin Baibal i char in anmah zumh pom ningtu hi a dik, tiin an rak ti ve. Mah ti cun tlawnpal ah bia fakfakin Pumpak pakhat le pakhat kan i thuat, Dr le Dr, Pastor le Pastor le na lih lawng te, na pial sual cg, Baibal a zum lomi na si, cu e kha e tiin kan i soi, na zumh pomning a dik lo tiin a phuphun in kan i el hna i kan buai hna. Cu caah Khrihfa kan biaknak hi a buai taktak, a buai cemmi biaknak a si lai ka timi hi a si taktak ko rua ka ti.

Aa fiang lomi pakhat nih Trinity Zumhnak a pommi Saya pa kha a hal cun Saya pa nih a zumh pomning in a rak leh lai. Oneness a val hal le cu thiam. Johovah Wedness a va hal zongah cu thiam. Pual kha Baptis nih kanmah zumh ning a pommi a si an ti lioah UPC nih Pual cu kanmah zumhning in a pommi a si a rak ti ve. Johovah Wedness nih cu thiam..

Hi bantuk konglei ah hin a hlan deuh zongah kan rak buai ngai bal cang, nai tein kan van buai pah than. Biafak in Heresy ti hna in kan i phomh. Khrihfa biaknak pakhat hmanhah zumh pomning phun thum li in kan i then cu si kaw Vawlei cung Khrihfa dang le miphun dang hna zong hi kongah an rak buai bal cio lai i bia fakfak in an i ti bal cio hna lai ka zumh. Buai tlak zong cu a si ve hrim cu mu. Nain bia faktuk in kan i ti loding a biapi ngai. Pathian fa cio ah, na pial sual, Baibal na zum lo, Heresy na si ti hna in kan i ti hi cu aa dawhcah lo tuk. Pathian ruangah pakhat le pakhat kan i soi, aa rem komi zong kan i huat ding cu Pathian nih a duh lai ka zum lo. Cucaah kan i ti hna hmanhah midang zumh pomhning hnursuan loin bia ruah phun deuh le nemnak tein kan i ti ding a si. Pathian fa hna cu zei thil paoh a nemnak tein va tuah u tiin pei fial kan si kha. Cu ti si lo cun mah zumh pomning in dai ziar i zuam ah a tha..

Keizong Baibal ka rel hnu, Trinity le Oneness kong hi nai ah ka rak i fiang ve lo. Ka rak buai kho taktak. Ka lung a rak rawk tuk. Aho sin ah thla ka cam zong i fiang lo tiangin ka rak um. Baibal rel zong ka rak ngol chung. Nain ahohmanh ka va hnursuan hna lo. Tlawmpal hnu in ka van i fiang deuh than. Pathian nih a rem lo a ti ruangah a si lai. Ka dai bak! Nai an buai pah kong zongah kai thlak duh ti lo. A ruang cu "Minung nih anmah fimnak in Pathian hngalh khawh lo ding kha Pathian nih a fimnak in a rak tuahmi a si...." 1 korin 1:21. Pathian sining dihlak cu a ser chommi minung thlukin theih-hngalh khawh dih a si lo ti kha a cung Baibal nih a fianter ngaingai. Pathian cu theih-hngalh khawh dih a si lo caah a zumh in zumh ding tu a si. An chim ka theih balmi cu Kan khua Ngaphaipi ah pakhat pa nih Pathian sining theih-hngalh dih a duh i a rak i zuam. A nehhnu ah a hrut beh ti a si.

Ka Ruah Tawnmi
Buddist pakhat cu kum saupi Buddhist biaknak a zummi a si. Nai teah Khrih thawngtha a theih i Jesuh Khrih a van zumh i ka khamhtu le ka Bawipa tiah cohlan. Mah hi Jesuh a cohlan hnu, caan zei maw zat a kal hnuin Pathian sining, Jesuh nih ka Pa a timi, Phundang in Jesuh Le Pa, (Trinity le Oneness) kongah van i fiang loin a van buai pah te theo lai ti hi ka ruah tawn...

Zeiruang ko ah dah "Bawipa pakhat lawng a um, zumhnak pakhat lawng a um, tipilinnak pakhat lawng a um" Efesa 4:5 (Pathian Pakhat, Zumhnak Pakhat, Tipil Innak Pakhat) ti a si komi Khrihfa biaknak pakhat chungah hitluk hin kan i thencheu hnga????? Mah hi a sawhsawh te a si hrim lo. Pathian khuakhan a si tiin ka ruah i ka pom. Cu caah Trinity, Oneness, Johovah Wedness ti kong hna ah buai hi ka hrial cang. Baibal ning le keimah zumh pomh ning tein a um ka thiam cang.. Pathian nih a rem a ti cun Hikong ka zumh pomning tawi tein ka rak tial than te lai... Zei pipa a si lomi ka hmuhning ka tialmi lungsau in a rak ka rel piaktu cungah kaalawm..

-Satu(Bawi Khengmual)

Vancung Ah Zeitin Dah Pathian Kan Hmuh Te Lai: Baibal Ning

Hmanthlak: Dr. Thomas Hwang(Ph.D)
Vancung ah Pathian hi Pathum(3) in maw kan hmuh lai? Pakhat in dah kan hmuh lai? Tuufa(Jesuh) le Pa Pathian hi a dang tein kan hmu lai maw ti a fianter cikcek tu Baibal caang a si. Baibal ah Pathian pakhat lawng a hmuh lo zong kha a fiang ngai ko. A tang Baibal hi Thiang Thlarau Bawmh hal in Thlacam bu tein dihtiang in rak rel cio hrim u....
 Biathlam 4,5,6
Vancung Pumhnak
4
1 Cu hnu cun ka hun zoh i, zohhmanh u, van ah innka hun ciami ka hmuh! Cun, hmasa ah a rak ka chawnmi aw nih khan muko tum thawng bantukin, “Hika ah hin rung tuah, hi thil hna a cang hrimhrin laimi hi kan hmuhsak lai,” a ka ti.
 
2 Cun, chikkhatte ah Thlarau in ka hung um; zohhmanh u, van ah bawi òhutdan aa hung ko i cu bawi òhutdan ah cun mipa pakhat a òhu!
 
3 A mui cu jasper le carnelian lungvar mui bantuk a simi bawi òhutdan cu emeral lungvar mui bantuk chuncha nih ceu pum in a kulh.
 
4 Cu bawi òhutdan velchum ah cun bawi òhutdan pakul le pali an um i an cungah cun upa pakul le pali an òhu, puan rang an i aih i an lu ah sui bawi luchin an i chinh.
 
5 Bawi òhutdan cun nimtlau aa lek zukmak i aw le khuari zong an tur dulmal. Bawi òhutdan hmaiah cun meifar pasarih an i vang hluahmah ko; cucu Pathian Thlarau pasarih an si,
 
6 Bawi òhutdan hmailei ah cun cristal lungvar bantukin a ceumi rili thlalang a um fawn.
A laifang i bawi òhutdan velchum ah cun an hnulei he an hmailei he mit lawng tein a khatmi thilnung pali an dir.
7 Tonter bik thilnung cu chiandeih bantuk a si i a changtu cu cawtum bantuk a si; a pathumnak cu minung hmai bantuk a pu i a palinak cu a zuang liomi murapi bantuk a si.
 
8 An pali cun thla paruk cio an ngei i an chunglei he an lenglei he mit in an khat i chun he zan he ngol loin hla an sa.
“A thiang, a thiang, a thiang.
Lianngan bik Bawipa Pathian cu
A um cangmi le um liomi le a um laimi a si,”
an ti.
 
9 Bawipa òhutdan ah a òhumi, a zungzal a nungmi cu thilnung pali hna nih cun sunparnak le upatnak le thangòhatnak hla in an hlawi tikah upa pakul le pali hna nih a hmaiah bawk in an biak.
 
10 An bawi luchin cu a hmaiah an chiah i,
11 “Kan bawipa le kan Pathian,
Sunparnak le upatnak le lianhngannak cu,
Na hmuh awkah aa tlak.
Zeizong vialte na ser i
Nangmah nawl in an chuak i an nung,”
tiah hla an sa.
Cazual Le Tuufa
5
1 Bawi òhutdan ah a òhumi orhlei kut ah a chung he a leng he ca aa òial i a phaw ah chingchiahnak khenh sarih in aa khenhmi cazual ka hmuh.
 
2 Cun a lianngan vanmi ka hmuh i “Ahodah hi cazual hi samh awk le chingchiahnak khenhmi phoih awkah aa tlakmi a um?” tiah fak piin a au.
 
3 Vancung le vawlei cung le vawlei tang zongah cazual a kau khomi le a zoh khomi ahohmanh an um lo.
 
4 Cun ahohmanh cazual samh i zoh awkah aa tlakmi an um lo caah fak piin ka òap.
 
5 Cun upa lak i pakhat nih a ka thawh i “Òap hlah, Judah phun chiandeih, David hrimhrim nih a tei cang, cazual le a cakhenh pasarih kha a phoih khawh cang lai khih,” a ka ti.
6 Cun bawi òhutdan le thilnung pali hna karlak le upa hna lakah cun thahcia a lomi Tuufa a dir ko kha ka hmuh. Tuufa nih cun mit pasarih, ki pasarih a ngeih; cucu vawlei cung pumpuluk ah thlahmi Pathian Thlarau pasarih an si.
 
7 Tuufa cu bawi òhutdan cungah a òhumi orhlei kut i cazual cu lak awkin a ra.
 
8 A rak lak ah cun thilnung pali le upa pakul le pali hna cu Tuufa hmaiah cun an bawk, tingtang le mithiang hna thlacamnak rimhmui in a khatmi sui kanto cio an i put i hla thar an sa.
9 “Nangmah cu cazual lak awk le
Chingchiahnak phoih dingah naa tlak;
Zeitintiah na thi i na thisen in
Miphun kip, holh phun kip le ram kip hna zong
Pathian caah na cawk hna.
10 Pennak ah na ser hna i
Pathian tlangbawi ah na canter hna.
Hi vawlei hi an uk hna lai,”
an ti.
11 Cun, ka hei zoh i bawi òhutdan le thilnung hna le upa hna velchum ah cun vanmi a thong a sang in an dir i aw ka theih. Fak piin an au i.
12 “Tuufa thahmi cu
Nawlngeihnak, rumnak, fimnak
Òhawnnak, upatnak,
sunparnak le thluachuahnak
ngeih awkah aa tlak,”
an ti.
13 Vancung le vawlei cung le vawlei tang le rili chung le cuka chung i a ummi thilnung kip sinin aw ka theih:
“Bawi òhutdan cungah a òhumi le Tuufa cungah
Thluachuahnak le upatnak
Sunparnak le òhawnnak
A zungzal in a zungzal tiang
Um thluangthluan ko seh,” an ti.
14 Cun thilnung pali hna nih “Amen,” an ti. Upa kul le pali hna nih cun an bawk i an biak.

Thiang Thlarau Nih Kan Fianter Hram Seh...
Cakhenh Pasarih
6
1 Cun Tuufa nih cakhenh pasarih lakah pakhat a phoih khi ka hmuh i thilnung pali lak i pakhat nih khuari tor bantukin “Ra chuak,” a ti khi ka theih.
2 Ka hei zoh i rang rang ka hmuh, a cungah aa citmi nih cun likuk aa put; cun bawi luchin an pek, cucun tei chin thluahmah awkin a chuak.
3 Cakhenh a pahnihnak cu a hun phoih i thilnung a pahnihnak nih cun “Ra chuak,” a ti ka theih.
 
4 Ka hei zoh i rang sen tleu ngai pakhat a hung chuak. A cungah aa citmi pa cu pakhat le pakhat i sam dih awkin vawlei i daihnak chuhnak nawl an pek. Vainam nganpi pakhat an pek fawn.
5 Cakhenh a pathumnak a phoih òhan i thilnung pathumnak nih “Ra chuak,” a ti kha ka theih. Zohhmanh, ka hei zoh i rang nak pakhat ka hmuh.
 
6 A cungah aa citmi nih cun cuaithlainak aa put, thilnung pali hna lakah pakhat aw si dawh ngaimi ka theih i “Ni khat hlawh chiti cu tawng hlah,” a ti.
 
7 Cakhenh a palinak a phoih i thilnung a palinak nih cun, “Ra chuak,” a ti ka theih.
 
8 Ka hei zoh i rang rau ka hmuh, a cungah aa citmi cu a min ah Thihnak a si i Mithi khua nih a hun zulh. Vainam, mangòam, hrirai le sahrang hna in vawlei cheu li cheukhat cung i mithah khawhnak nawl pek a si.
9 Cakhenh a panganak a phoih ah cun biakòheng tangah Pathian ca le phungchim ruangah thahmi mithiang thlarau ka hmuh hna.
 
10 Aw thangpi in an au i “A Liannganmi Bawipa a thiangmi le a dikmi, vawlei i a ummi hna cungah kan thisen phu na hlam le an cungah bia na ceih hlan hi zei can hen a rauh rih lai?” tiah an au.
 
11 Cun puan rang an pek cio hna i anmah bantukin thahnak a ing dingmi an hawile an tlin tiang cu tlawmpal in hngak ko rih u, an ti hna.
12 Cakhenh a paruknak a phoih òhan ahcun li aa hnin ciamman i sahmul nak bantukin ni a mui i thlapa cu thisen bantukin a sen dih.
 
13 Thlichia nih theipi nawl a òhilh bantukin van in arfi cu vawlei ah an tla thluahmah.
 
14 Van cu cazual bantukin aa zual zuahmah i tlang le tikulh vialte hna cu òhial dih an si.
15 Cun vawlei cung siangpahrang hna le mi lianngan le ralbawi lian le mirum hna le mi òhawngòha hna le a mi kip, sal le miluat hna cu lungkua le thingkung ngan pipi phenah an i thup.
 
16 Tlang le lung ngan pipi hna cu, “Rak kan cimh hnawh u law bawi òhutdan i a òhumi hmai le Tuufa thinhunnak cun rak kan thup ko u;
 
17 zeitintiah an thinhunnak ni òihnung cu a phan cang i ahodah a celh lai?” tiah an au.

Jun 26, 2017

Kan Tuanmi Rian Kan I Fiang Rua Lo.

KAN BIBLE HI UK (66)A UM.
CU CAUK CU THEN HRA AH THEN ASI.

1.PATHIAN KONG
2.ZISUH KONG
3.THIANG THLARAU KONG
4.BIBLE KONG
5.VANCUNGMI LE SATAN KONG
6.MINUNG KONG
7.SUAL KONG
8 KHAMHNAK KONG
9.KHRIHFA BU KONG
10.A RA LAI MI CHAN KONG.

Hi vial te konglam hna lak ah hin nihin kannih "ZAANGFAHNAK""KHRIHFA BU"chan ah hin Khrih nih kan khamh hna nak kong THAWNGTHA hi Vulei cung khuaza ram kip ah vachim hna uh tiah ''nawl a kan pek'' a kan ti lio ah kannih laimi DR..REV..PASTOR..EVAN pawl hi kanmah le kanmah ii doh,ii soi,,ii thangchiat,,Pakhat chimmi ngeih zau in dohding le soiding kawl in kan um hnga?

KHRIH NIH NAWLPEK mi Pathian riantuan tu kan si rua hna lo.. Vawlei ah Laar le Minthang ding ah akan thlah lo i a kan fialmi asi lo.. Khrihfabu le zumtu hna cawmtu ding le a thei rih lomi hna,nunnak, khamhnak aco rih lo mi hna le Pathian dawtnak, a nung Pathian a thei lomi hna sin ah Thlahmi tu kan si hi philh hna hlah usih.

Kan TUURUN kan mipi an buaituk cang, kalnak lam an thei tilo khih. Bible BIATAK tu chim ko hna usih law Thawngtha bia tu hin mipi cawm i zuam ko hna usih law Bawipa kan cung ah ai lawm lai i kan ram a dam deuh lai. Dawtmi Bawipa rian tuantu hna i soi ti hna hlah usih.. Pathian nih a kan soi ve sual lai phan a um tuk ee.

Khrih ah nan Unau
John F.Thawng
Christ for Myanmar Mission

Billy Graham Bia Maw Na Zumh Deuh Lai, Jesuh(Baibal)Bia Dah?

Nai ah Vawlei Cung Evan Minthang Billy Graham nih ngaihthiam khawh a si lomi sualnak pakhat kong a chim. Mah cu “Pathian  zangfahnak el/hnulei tolh le a zaangfahnak el hi a si,” tiin a chim tiah Chin Hill News nih a tial.. Hi kongah Laimi tampi nih Amen, a hmaan tuk e an ti len i an share len.

Nain Billy Graham nih a chimmi hi Jesuh nih a chimmi he aa dang deuh ko. Jesuh nih a chimmi cu "Thiang Thlarau ralchanh in bia thalo a chimmi cu tu chan ah siseh, hmailei chan ah siseh, ngaihthiam khawh an si lai lo." Tiin MATTHAI 12:32 ah fiang tein a chim.  Billy Graham he An biafang hmanning in aa dang ngai ko.

Mahtin ka tialmi hi Billy Graham ka doh a si hrimhrim lo.

Careltu hna nih Billy Graham chimmi hi Jesuh nih A chimmi he a sullam aa khat ko tiah nan ruat maw?

Hakha Baibal App Thar A Chuakmi A Tha Ngaingai

Mah Baibal App hi Nai May 20,2017 ah an serchuahmi a si. Uar a um ngai i A tha ngai. App Guilty hrim a tha tuk. Lai Baibal phunkip ka hman nain hitluk Gruility thami ka hmu rih lo. Baibal tlangkhenh, tcnk: "Sernak Kong" tiin tlang aa khenh chih viar. A duhmi nih alak(free) in lak(dawnload) khawh a si cang. 
Dawnload Link:

Mah Hakha Baibal hi

-Off Line in hman khawhmi a si.

-Baibal caang theih lomi biafang in Kawl (Searh) khawh a si.

- Internet line um loin hman khawh le duhmi kawl zoh khawh a si.

-Baibal Copy khawh zong a si.

-A cafang aa hmetter kho i aa nganter kho.

-A Zawng(muici) zong phun thum in aa thlen kho.

A duhmi nih a tang link Play Store ah Alak in rak i lak cio u..

Dawnlaod Nak Link: Play Store
https://play.google.com/store/apps/details?id=org.open3905.hakhabible
Baibal Cauk
Baibal Dal

PA, FA, THIANG THLARAU HI A MIN AH ZISUH A SI LO


1. Minung le Pathian kan idannak pakhat cu Pathian cu pakhat a si nain, pum pathum in ai langh, pum pathum in rian a ttuan I, pum pathum in a um mi Pathian a si. Hihi minung ruahnak nih a phan kho lo. Cucu trinity ti a si. Trinity ti mi biafang hi Baibal ah a um lo. Tertulian nih "trinity" ti mi biafang hi hman ah a hman bik, a khen bik a ti caah a hman hmasa bik mi asi. Atu ahcun a tam deuh nih cun “A triune God “ ti ah an hman deuh cang. Asullam cu “Thum-komh mi Pathian pakhat” ti nak a si.

2. Kan biakmi Pathian pakhat ah hin Pathian sinak tlamtling tein a ngei mi pathum an um ti cu Baibal kan zoh ah a fiang. Pa Pathian cu Pathian sinak tlamtling te in angei. Fapa Pathian (Zisuh) cu Pathian sinak tlamtling te in a ngei ve. Thiang Tlarau Pathian zong Pathian sinak tlamtling te in a ngei ve. Eg. Zisuh (Fapa Pathian) cu Johan nih tipil a pek, Thiang Thlarau Pathian cu thuro bantukin a liang cung ah ai fu, Pa Pathian nih van in “hihi ka dawt mi ka Fapa a si” a vun ti fawn (Matthai 3: 11-17). Hi ka zawn ah hin Pa le Fapa le Thiang Thlarau a dang cio in voikhat lo ah an langh hi hmuh khawh a si. Kha Fapa, Thiang Thlarau le Pa Pathian kha Pathian pakhat an si. Cucaah kan biakmi kan Pathian cu thumkomh Pathian pakhat a si ti cu a fiang.

3. (A). Zisuh cu zeicadah Fapa Pathian kan ti? (1) Mary nih a pawi i a hrin mi Fapa a si caah a si. (2) Pa Pathian nih ka Fapa a ti. Cucaah Fapa Pathian a si. (B) Pa Pathian cu zeicadah Pa Pathian kan ti tiahcun (1) Zisuh nih ka pa a ti (2) Pa Pathian nih Ka Fa a ti ve (3) Kanmah nih kan Pa kan ti (4) Amah nih ka fale a Kan ti ve fawn caah Pa Pathian tiah kan auh nak a si. (C) Zeicadah Thiang Thlarau Pathian kan ti ve? (1) Bible nih Thiang Thlarau cu Pathian a si a ti (Lam. 5: 3-4). (2) Thiang Thlarau nih Pathian sinak tling te in a ngeih ve. Cucaah kan biak mi Pathian hi Pa, Fa, Thiang Thlarau pathum in a um mi Pathian pakhat a si. Vawlei minung nih cun nan lungpian a har ngai lai.

4. Cu thumkomh Pathian pakhat cu a min ah Zisuh a si maw? Bible zoh u sih. Kan ruahnak in zum hna hlah usih. "Mary nih fa a hrin i a min ah Zisuh an sak" a ti (Matthai 1: 21, 25). Pum pathum (Three persons) in rian a ttuan mi Pathian ah Thiang Thlarau hmangin Mary nih a pawi i a hrin mi nau te lawng hi Zisuh tiah min an sak mi a si. Thiang Thlarau hi zeitikhmanhah Zisuh ti ah min an sak bal lo. Pa Pathian zong hi Bible ah Zisuh ti in auh asi bal fawn lo.

5. Isai. 9: 6 ah Zisuh (Fapa Pathian) kong Prophet Isaiah nih achim mi ah hin amah cu "zungzal hmun mi pa" (The everlasting Father) ti a si lai ti mi khi Zisuh cu Pa Pathian a si tinak a si lo. Kan caah zungzal in pa le nih fale a kan zohkhenh bantukin a kan zohkhentu, pale bantuk in kan i bochan mi, umpi tu, fimchimtu, khuakhan pitu, bochan awk tlak a si lai ti nak a si. Zisuh hi Pa Pathian a si ko na ti ahcun, Zisuh nih Ka Pa a ti mi (Pa Pathian) khi na pu a si a hau hnga? Pa Pathian tu ngei lo in, Pu Pathian tu a ngeih mi na si ne hnga.
 6. Mi tampi nihcun Biakam Hlun ah Pa in ai langh I, Biakam Thar ah fapa in ai langh I, atu ahcun Thiang Thlarau in ai langh. Pathian cu Pakhat lawng in ai langh ko a ti mi, mitlau pawl, an um lengmang. Kan theih ding mi cu Biakam Hlun zongah Pa, Fapa le Thiang Thlarau in ai langh. Sernak (creation) zong ah an pathum in an ser tti, rian an ttuan tti. Cun Biakam Thar cung ah Pa, Fapa le Thiang Thlarau, pathum tthiamtthiam in ai langh I, atu kan caan zong ah hin Pa le Fapa le Thing Thlarau tthiamtthiam in ai langh I rian a ttuan. Zisuh nih a thisen in an tlanh I, Pa Pathian nih an cohlan I, Thiang Thlarau nih an um pi. An pathum te in rian an ttuan peng.
7. Cu Pa le Fapa le Thiang Thlarau ahcun Fapa Pathian hi minung sinak hrawm in vawlei ah a rak rat caah min an sak I cuc Zisuh tiah min an sak. Thiang Tlarau kha zeitikhmanhah Zisuh ti ah min an sak bal lo I, Pa Pathian zong kha Zisuh ti a si bal fawn lo. Fapa Pathian (The second person of trinity) lawng hi Zisuh a si. Pa le Fapa le Thiang Thlarau ai komh ah Pathian pakhat a si mi zong hi Zisuh tiah an auhnak Baibal caang nan hmu kho lai lo.

Aung Thang

Note: Catialtu Saya Aung Thang nih comment an tuahmi ka'hmuh khawh tawn lo caah News Agency in thlah lo ding in a kan nawl. Zamh tlak tuk a si ko caah FB cahmai ah comment hna a hmuh khawhnak caah a min ka tag i ka rak thlahm

Jun 25, 2017

Baibal Lehmi Kongah I Soi Hna Hlah Sihlaw A Tha!


Kan hnulei deuh pi ah khan Laimi nih kan ngeihmi Doctor, doctor hei ti ah Baibal lei doctor mu (Baptist lei kan pa Dr. Cung Lian Hup nih 'ti aa cawh deuhmi doctor le ti cawh lo, a sit, doctor kan um sual hnga maw? a rak ti na cha in,' ti cawhmi doctor asi sual hlah maw, doctor a kainak sianginn kan hngal lo an ti caah). Cu nih cun, Doctor pakhat nih a rak lehmi Baibal cu a dik lo, a tling lo, tiah a rak soi ngaingai. A hnu pi ah keimah zong nih a soi lio ka theih ve, 'cu ka cu English nih cu tin a ti, Greek nih a ti' a von ti i an i dannak tete cu a hon sawh duahmah hna. A nih hi King James Version a uar ngai mi asi rua.

Naite tatak ah khan Doctor pakhat nih Baibal a hon chuah/namh thanmi kha Doctor pakhat nih a soi tuk than ve hoi, an ti.

Asinain, hi ti an i soi lenmi kha mipi niha thlite in an thangchiat ngai hna, an ti. " A ngaingai ahcun Laimi cu kan i thei dih ko hna i Hebru, Grik le Latin original cu um rih seh, English Baibal hmanh hi zapi rel awk tlak in  Hakha holh in an let kho ngai hnga maw, an ti, Mizo, Kawl le Hakha Baibal; an soimi te kha, zohchih awk um hlah sehlaw, an ti rih.

Baibal hi an mah le sining cio in an tling dih i an tling lonak tete zong an ngei cio kho. King James Version bak a tling bik. Zeicahtiah, Original Greek he aa naih bik, ti awk a tha lo. A lehmi Greek he cun aa naih bik taktak ko lai nain a lehmi le aa chirhchanmi Greek lila zong kha chanbaunak a ngei kho. Zeicahtiah, King James Version nih a chirhchanmi Greek cu Byzantine Community nih an rak khomhmi an si i Baibal scholar pawl nih an zohfel than tikah a hngakchia ngaingai mi Greek texts an si, an ti. Byzantine community nih khomhmi text nakin Alexanderia community nih an khomhmi text pawl hi a let tampi in an upa deuh. Papyrus cung tialmi hna aa tel. Asinain, papyrus lila hmanh kha caan saupi a nguhmi asi lo caah thlen than le i tleng than lengmang an hau tikah biafang zong an palhmi tete a um len ko lai. A dang tampi ka tial ti lai lo.

Chim duhmi cu 'ka lehmi Baibal hi a tling bik, a tha bik' timi ruahnak hi cu a dik lo. Zeibantuk Baibal Version hmanh, zei holh i an leh hmanh ah Pathian biatak phunnak ahcun an rak tling dih ko ti kha kan hngalh awk asi.

Doctor le doctor i soi lengmang hlah u. Nan quality cu zapi nih hngalh nan si caah khan. Nan duh ahcun nan duhmi version let cio ko u, a thar chuah than ko u. Baibal phun tampi ngeih a poi lo. Kan duhmi paoh kan rak hman ve lai. Baibal hrilhfiahnak zongah tampi a kan bawmh khawh lai.

Lunthiang tein,
By Henry NawlthangbikHlawnceu

Pathian Nih A Ngaihthiam Khawh Lomi Sualnak A Um Maw?

'Pathian nih ngaihthiam khawh lomi sualnak a ngei lo, Sualnak vialte a ngaihthiam khawh dih' tiin Pastor le Evan le mi tampi nih kan chim theu. Nain Baibal ah "ngaihthiam khawh lomi sualnak a um lo", "Pathian nih sualnak vialte a ngaihthiam khawh dih" ti hi a um deuh lo. Ngaihthiam khawh a si lomi sualnak kong Jesuh nih fiang taktakin azultu sin ah a chimh hna..

Matthai 12:31
"Cucaah hihi kan chimh hna: minung hi sualnak zeipaoh an tuahmi le thil ṭhalo a chimmi cu ngaihthiam khawh an si ko lai; sihmanhsehlaw Thiang Thlarau ralchanh in bia ṭhalo a chimmi cu tu chan ah siseh, hmailei chan ah siseh, ngaihthiam khawh an si lai lo. 

Hi Baibal ah Jesuh nih Thiang Thlarau ralchanh in bia ṭhalo a chimmi cu tuchan ah si seh, hmailei chan ah si seh ngaihthiam khawh an si lai lo tiin a chim.

Hi Baibal caang ah Jesuh nih zeidah a chim duhmi a si ti catialtu nih kai fian lo zong a si kho men.  Nain Ngaihthiam khawnh an si lai lo tiin Jesuh nih fiang tein a ti. 

Hi Baibal caang in Bia tam taktak le Biahalnak tamtuk a chuak. Ca reltu nih Baibal ning le nan hmuhning le nan zumh pom ning rak tial ve hin uh.. Van i ceih cio ko hna u sih..

Salai Phua Thawng hi Duhdawtnak Leiah Zohchun Tlak A Si.

Nai Sui Sui kan duh tuk ti hla a phuahmi kongah a uar lotu le a soisel tu an tam ngai hna. Soisel le nihsawh hi Khrihfa nun he aa remmi a si lo. Sui Sui hla kha ni kum kum chin ah khual a tlawn pah Motor cung ah amah tein aa thlak i a sakmi si. Naite ah a van thar chuah thanmi zoh tikah Sui Sui a duhdawtnak hi kum le caan a liam nain a zor deuh hlei rua lo ti ruah a van um. Cucaah duh dawtnak lei ah Thenkhat Salai pawl nakin soisel a tong lenmi Salai Phua Thawng hi zohchun tlak deuh a si i uar a um deuh... Mah ruangah ခ်င္​းသစၥာ ti hla zong a van phuah ngam.

Thenkhat Salai pawl cu duh dawtnak leiah zumh tlak lo kan tam. Kum khat cu chim lo, thla 6 hmanh a nguh lomi kan um len. Mah ruangah 'Rolan Thang Fambawl' nih cun "micheu khat an i duh caan nakin ka hngawng a sau deuh" a ti phanh...

Cu lakah Nuamhnak men in duh le Voikhat ih pi hnu in kal tak a hmangmi Salai zong an rak um hoi. Kumkhat pakhat a ngeimi le voikhat ah pahnih bakin a ngeimi zong an um ti a si. Duhdawtnak kongah Zum tlak lo Salai pawl hi cu hrial hrim an hau. Luak chuak an si.

Salai Phua Thawng a soitu nan tam tuk i kei ka van fak.. Hi catial kongah aa fimter nan ti le zalawng tein ti khawh ka si..

Sui Sui Kan Duh Tuk

ခ်င္​းသစၥာ(Chin Titsa)


Salai Phua Thawng: ကိုယ့္ထမင္ကို စားတာမေဝဖန္ၾကပါနဲ႔

Salai Pau Thawng Uar a um ngai..
​A soisel tu pawl A lehrulh ruam hna lo.
Nai cu Salai Pau Thawng a van lar ngai. A larnak cu Sui Sui kan duh tuk ti hla le ခ်င္​းသစၥာ le A chit Toyota ti hla a phauhmi hna ruangah a si bik. Hi a hla phuahmi pawl hi a ngaingai ti cun nih an chuak pah ko hna.

Mah ruangah A hla phauhmi a uar lotu le fak ngaiin a soitu tam lakte an van um..  Hi a soitu le a uar lotu pawl hi Salai Pau Thawng nih bia kakhat hmanh a ti hna lo. A timi pakhat bel cu "Keimah rawl te ka eimi rak ka ti tuk hlah u" a ti... Kawlca in. ကုိယ္​့ထမင္​း ကုိယ္​ စားတာကုိ မ​ေဝဖန္​ ၾကပါနဲ႔ tiin a fb status ah a tial.


Laimi Online Cattialtu Ca'h Fimchimhnak tal Siseh

June 14, zaanttim hnu ah, White City, London Grenfell innsang, dot 22 cu, Fridge Electric mei in ai awt i, minutes 15 chung ahcun kham-awk tha loin a lawn, minung 17 an thi cang tiah an thanh, nain 100 lengkai an si kho men tiah an ruah damh.

Cu inn-kanghnak he pehpar in cattial cio le hmanthlak tar cio an si. Mi pakhat nihcun mithi hmanthlak le miruak a hmuhmi kha hman a thlak hna i, a web ah atar, cucaah tuhi cozah nih an tleih i, thong an thlak lio asi. Cu an tleihmi cu zeitin dah tazacuainak caah bia an hman ti ahcun, midang zeirel lo, midang ngeihchiatnak zeirel piak lo, mithi upat lo, mah tangka hmuhnak ah midang ngeihchiahnak hmanpiak tbk case in tazacuai asi.

Laimi Online cattial zong si ko uhsih, social media hmang pohpoh nih kan theih a haumi cu, duhpoh in midang ngeihchiahnak an ton tik ah, biafiang zong hlet lem loin thawngthanh le mithi hmanthlak tiangin tarpiak kan hmang hna, hihi mipi kan tthat caah maw?kan theihnak a thlawm deuh caah maw?sikcak nan tong rih lo i asi. Hmailei ahcun hiti tein kan zia akal peng ko ahcun na web in tangka na hmuhmi nak in na cawiliam dingmi atam deuh te lai ti kha theihcia le ruahcia kan hau.

Nai US ah thah a tuarmi kan naupa thihnak kong zongah chungkhar lei zeihmanh theihnak pek loin thawng nan thanh pin ah a hmanthalk zong nan tar chih, khakha nan i ralrin lo ahcun, nan ruah bal lomi court ah nan chuah hau te lai.

Aw,  asi tak hiteh na ti khawh lo hmanh ah a kuihlei tu cu kan hrialpiak hram ko. Biadang ah, Kan hnu ah UN nih Chin miphun minung tong 10  (10,000) June hlan ah UN card an chuh hna lai tiah an rak ttial,  nain June cenceo kan pha cang zei cu silem lo, cucaah lomhbia chim ko uhsih. Kha btk thawngpang cu laimi caah cun kan hrial an hau.

Ka share mi article chungah hmanthlak tarnak kong he pehpar in an tleihnak le sining aum, rel duh nih rel khawh asi.
http://www.telegraph.co.uk/news/2017/06/16/man-jailed-sharing-photo-dead-grenfell-tower-fire-victim-facebook/
.....
.....

Ukpi Cz

Online Media Thenkhat Nih Rel Hrim Ding

Chan Tiluan ai-thlen bang laimi nih tangka kan kawl ningcang zong duhsah tete in avan i thleng viahmah ve. Cu lak ah Laimi nih tangka kan kawl ningcang ai-thlennak kan hmuhnak bik hmun cu, Pathianbia in an si.

Hlan deuh ahcun Pathianbia chimnak in tangka kawl an rak um ttheo ve (zapi tinak asi lo). Cu zong cu an pawcawmnak ah a tthat ter deuh ko ahcun, sawi leen awk cu an si hnga lo. Evan cheukhat cu tangka kawlnak ah Pathianbia an hman timi hi mikip hmur ah atlai ttheo tawn. Nain Evan cu anmah pumpak hrimhrim nih harnak tuar le caanpek in an rak aupi i, micheu caah hlawknak zong tampi arak chuahpi taktak ko, cun micheu caah buu tthencheunak zong cu arak chuah ter ve tthiamthiam ve. Chim duhmi cu tangka kawlnak ah Pathianbia an hman ko hmanh ah, an nih cu anmah thazang chuah in an tuahmi asi caah hmuh awk ah an i tlak kan ti ko hnga.

Nain tuchan mino tampi nih kan tangka kawlning bal cu lungrawk ngaingai asi ko. Media min kan i bunh riangmang i, heh tiah tangka kan kawl cang, cucu thilttha ngai cu asi ko. Amah bal te, Pathian min hmangin media nih heh tiah tangka kawl cio asi. Media min ai bunhter vemi, puanzar phen in tangka duh ah Pathian min le kan zumhnak a hrawk khotu ca, santleihnak a neibak lomi nan vorh peng komi cu ngeihchia ngaingai cu asi.

Mah tein catlang hmaikhat ttial hmanh zuam loin, facebook timeline sawhsawh ah tarmi ca kha copy hei tuah riangmangin, mab web ah tar a hmangmi Media min ai-bunh termi laimi kan tam ngai cang. Hihi laimi kan zawtnak lak ah ttih a nungcemmi sii-ai nih damh khawh lomi zawtnak phunkhat asi.

Puanzar phen in a aukhuangmi hrat cu, nan duhpoh in cattial khawh cu asi, mipi nih kan in thei kho fawm hna lo cuteh. Nain an hmu zungzaltu Pathian a um tikha na philh lo dingah cah kan duh. Na tangka hmuhminak in na tuhmi thei na zuun te dingkhi cuanh ziathiam law tthathnemnak tampi asi deuh lai.

Ukpi Cz

Jun 24, 2017

Jesuh Khrih Interview Ah Caan Dongh Kong An Hal i Hitihin A Leh Hna


Zultu nih Jesuh Interview an tuah lio ah Jesuh nih a lehmi hna pinah bia a cahmi hna hi zumtu nih rel nolh tthan lengmang awk ah a tha taktak. Cucaah, zumtu kan si bantuk in Jesuh nih caan dong kong a chimmi le a biacah in thazaang lak tthan awk ah ka taar. Rel huam loin lanhtak duhnak thinlung na ngei sual ahcun Jesuh zultu na sinak ah adeu maw na si atak mahlemah biahalnak ituah colh ding:!

Jesuh le zultu hna cu Jerusalem i Biakinn chung khan an chuak i an kal pah cun "Biakinn le Biakinn kulh vialte hi nan hmu ko hna lo mei? Hi biakinn hi a rawk te lai. Tuhi nan hmuhmi lung pakhat hmanh hi a umnak kel ah a um te lai lo; an dihlak tein hrawh an si dih lai" tiah a ti hna. Cuticun Olive tlangpar lei ahcun an kal. Olive tlang an phak tikah zultu nih Jesuh cu interview an tuah. Biakinn rawh lainak kong na chimmi hi zeitik ah a si te lai? Cun, na ratnak ding hmelchunhnak le atu chan donghnak ding hmelchunhnak ah zeithil dah a um hna lai? tiah an hal. Jesuh nih a lehmi hna cu:

“iralring ulaw ahohmanh ihlenter hlah u. Zeicahtiah ka min in mi tampi an ra lai i ‘Keimah hi Messiah cu ka si,’ tiah an ti lai i mi tampi kha an hlen hna lai.  Lamnai i an ituknak/idohnak thawng le lam hla i an itukna/idohnak thawngpang kha nan theih hna lai; sihmanhsehlaw nan awlokchong hlah u. Cu bantuk thil cu an um hrimhrim awk a si ko. Asinain a donghnak a phan cang tinak a si lo. Ram khat le ram khat an i do lai. Peng khat le peng khat an i tu lai. A kenkip ah mangttam le lihnin a tlung lai. Hi thil vialte hi nauchuah lai nganfah a hmasa bik bantuk an si" tiah a chim.

Jesuh nih a lehmi hna ahhin "Hi thil vialte hi nauchuah lai nganfah a hmasa bik bantuk an si" a timi hi iching chiah awk tlak taktak cu a si. I tuknak, Idonak, mangttam le lihnih tbk hi nau chuah lai pawfah a caan a naih deuhdeuh bantuk khi a si lai tinak a si i caan donghnak a phan dengmang timi cu wawleicung thil umtuning in nan rak hngalh khawh lai tinak a si. cun, a pehmi cu:

“Cun, mi nih an in tlaih hna lai i dantat awkah an in chanh hna lai i an in thah hna lai. Keimah ruangah mi vialte nih an in huat hna lai. Cu caan ahcun mi tampi nih an zumhnak kha an hlawt lai i pakhat le pakhat an i rawi lai i pakhat le pakhat an i hua lai. Cun nal profet tampi an chuak lai i mi tampi an hlen hna lai. TThat lonak kha a karh tuk lai caah mi tampi cu an dawtnak kha a dai lai. Sihmanhsehlaw a dongh tiangin a fekmi cu khamh an si lai. Cun, miphun vialte hna ca i tehte si awkah Vancung Pennak kong Thawng ttha hi khuazakip ah chim a si lai. Cun, cu hnu lawngah cun donghnak cu a si lai!' tiah a ti.

"Cu hnu lawng ah donghnak cu a si te lai" a ti tikah a caan/date hi a chim ti lo. Cutikah zultu hi an biahal pang ngai ve dawh a si. Ziah, a date/nicaan cu na kan chim kho lai lo maw? tiah CNN i Larry King biahal in hal chap hna sehlaw a dawh! Zeicatiah Jesuh nih a nicaan/date kong cu hitihin a leh chap hna:

“ Cu Ni le cu Caan [date] cu zeitik ah dah a si lai ti kha ahohmanh nih an hngal lo. Vancungmi zong nih an hngal lo. Fapa zong nih a hngal hlei lo. Pa lawnglawng nih a hngalh, tiah a ti hna. " Mi Fapa a rat cu Noah chan i thil umtuning bantuk kha a si lai. Tilian a tlun hlan, Noah lawng chung i a luh ni tiang kha, an ei an ding an itthi an ium i tilian a hung tlun taktak i a fenh dih hna hlan tiang kha cu zeihmanh an hngal lo' tiah a ti.

Cun, Jesuh nih a von peh rihmi pakhat cu: Mi fapa a rat tik caan ahcun mi pahnih lo ah rian a ttuanmi hna lakah pakhat cu kalpi a si lai i pakhat cu nganhta a si lai. Nu pahnih sum a sumi hna lakah pakhat cu kalpi a si lai i pakhat cu nganhta a si lai. Cucaah nan Bawipa a rat lai ni nan hngalh lo caah ralringte in um ko u. Hihi philh hlah u: Inn ngeitu nih mifir a rat lai caan kha hngal seh law hngilh lote in a rak um hnga i mifir kha a inn chungah a luhter hnga lo.  Cu ruangahcun nannih zong timh ciate in nan um zungzal awk a si. Zeicahtiah Mi Fapa cu nan irin lo caan ah khin a ra ko lai." tiah a leh hna.

CC: Mathai 24: zultu le Jesuh Interview

Zasang Cinzah

KHRIHFA BIAKINN CU MUSLIM PAWL NIH AN CAWK


Hi Inn hi Khrihfa hna nih Pathian thangțhat nak dingah an rak sakmi a si i, kum saupi an rak hman hnu, a luan ciami kumthum hrawng ahkhan aa pum khomi minung an um ti lo caah Mei man, Ti man le a herhmi dangdang Bill an pe kho ti lo i Bank nih an lakpiak/chuh hna. Cuticun, Bank nih an zuar i Muslim nih an cawk.

US ram, Illinois State, Chicago khualipi chung Wheaton khuaah a ummi a si.
Ka rianțuan kalnak lam ah a um mi a si i, ni chiar tein ka hmuh pah lengmang tawn. A caan ahcun ka mitthli a tla tawn.

-Khamtung Motor

Jun 23, 2017

KAN BIAKMI KAN PATHIAN HI A MIN AH "JEHOVAH" A SI LO- Rev. AUNG THANG

Khrihfa nih nihin ni tiang kan i fian lo mi cu kan biakmi kan Pathian kawhnak ding a min hi a si. Cucaah kan biakmi kan Pathian a min hi ahodah a si ti chimh kan duh hna.

1. Kan Baibal kokek (Orginical Bible) ah hin "Jehovah" ti mi biafang hi a um lo. OT zong ah a um lo. NT zong ah a um lo. "Jehovah" ti mi hi a theih zong an theih mi biafang a si bal lo. Moses zong nih a theih mi a si lo i, David zong nih a theih mi a si lo i, Paul te hna zong nih an theih mi biafang a si bal lo. Origianl Bible ah hin a um in a um lo mi min a si ti hi kan theih hmasa hna awk ah ka duh.

2. Moses nih Pathian hi "YHWH" ti in a rak ttial hmasa bik. Zeicatiahcun Hebrew mi hna nih hin vowels (a, e, i, o, u) hi an rak ngeih lo caah consonants lawng in ca hi an rak ttial. Hebrew mi hi ca lei (liternature) i a vun tthancho tikah vowels cu an vun ser ve tthan hna. "YHWH" cu vowel an vun hman in a aw an chuah hna tih ah "Yehowah" ti zong asi kho an ti, "Yehuweh" ti zong asi kho an ti. Atu tiang an thei fiang thai ti lo.  Moses kha Pathian nih zeiti set in dah an chimh, vun hal tthan sih tiah le a thi cang fawn.

3. Cucaah Hebrew mi hna nih hin Pathian hi a min a si lo ningpi in kan auh sual lai i Pathian a ngeih a chia sual lai ti an phan caah "Elohim" ti le "Adonai" (Bawipa) ti tu in an rak auh deuh.

4. "Jehovah" ti mi biafang hi AD 1537 ceu ah khan hman hram an thawk mi biafang a si. William Tyndale nih a rak hman hmasa bik mi asi i a leh mi Bible, Tyndale Bible (English verson) ah hmuh hmasa bik a rak si. Hi hlan ah hin "Jehovah" ti mi min hi theih a rak si bal lo. Hi Tyndale nih hin MT ti zongah a tawinak in auh mi Hebrew Masoretes Bible a lehnak in a hman hmasa bik mi biafang a si. MT Bible cu vowel ai bunlo mi original OT kha vowel an bunh tthan mi Hebrew Biakam Hlun Bible a si.

5. Cu hnu ahcun adang English Bibal cheukhat Geneva Bible le King James te hna zong nih an vun i cawn ve. Asinain Pathian tinak zawn poh ah hin "Jehovah" ti mi hi a zapi tein an hmang hna lo. Zeimaw can te ah khin an hman hna. Atam deuh ahcun "God" ti mi tu hi an hman deuh.

6.  Original ah Pathian min an ttial mi cu YWHW a si ko caah Yehuweh maw a hman, Yehowah maw a hman, Jehovah dah a hman ti hi nihin ni tiang theih fian khawh lo mi thil ah ai cang. YHWH cu pathian tinak a si ko. Jehovah ti zong Pathian tinak thiamthiam a si ko. Pathian i a min tu siloin "Pathian" tinak tu khi a si. Cucaah YHWH te hna Jehovah ti mi pawl vialte hi Pathian ti in leh dih ding khi a si ko. Mirang holh cun "God" tiah leh dih ding khi a si ko.

7.Jehovah Witness nih hin "Jehovah" hi ka biakmi Pathian i a mi ah an rel caah, an Bible leh mi New World Translation Bible ah khin Pathian tinak zawn poh ah Jehovah ti an hman dih ve. Zeicatiah cun Pathian hi God ti an duh lo Jehovah hi Pathian i a min a si an ti i Jehovah ti lawnglawng in an auh. Cucaah an mah zong hi God's Witness i ti lo in Jehovah's Witness tiah an i auh ve lawlaw.

 7. Asiah Jehovah le YHWH ti cu Pathian ti mi biafang he a sullam ai khat ko ahcun pathian cu an tampi cu ta, kan biak mi Pathian thengmang auh kan duh ah tah zeitindah kan auh ne lai ti mi bia halnak a rak chauk. Alehnak cu kan Pathian nih hin minung min a ngei lo. Pathian ti hi a title (Asinak) a si ko i cu asinak a title cun auh ding khi a si. Kan pastor cu a min in au lo in "Pastor pa" ti i kan auh bantuk khi a si hnga. Zeicadah Pathian nihcun minung nih kan ngeih bantuk in min hi a ngeih ve lo kan ti ahcun Pathian cu minung ah ai can lo caah minung min ai sak lo. Thumkomh pathian pakhat lakah, Fapa Pathian belte hi minung ah a rak i can caah minung min "Zisuh" ti mi min hi a ngei. Pa Pathian le Thiang Tlarau Pathian cu minung titsa in hrin i minung ah ai cang mi an si lo caah minung min an ngei lo. Cucaah Jehovah ti cu Pathian nih ai sak mi min a si lo, Pathian tinak tthiamtthiam khi a si ko. Cun , a nung mi Pathian cu thumkomh Pathian Pathat lawng a si caah, a nung mi Pathian dang zong an um lo caah, Pathian ti i kan auk ti ah hin Pathian nih ai theih ko.

8. Jehovah ti mi hi Pathian i a min ai sak mi si selaw AD 1539 hlan minung vilate hi Pathian mi thei lo in maw a um dih hnga? Evan. Rual Uk i Baibal a leh mi hna hi Pathian tinak zawn poh i "Jehovah" a ti dih mi khi cu a si te a si lo. Jehovah ti a sullam cu "Pathian" tinak tthaimtthiam a si. Eg. keimah zong hi minung ka si. Minung hi ka min a si lo. Ka sining tu a si. Asinain minung cu an tampi caah min ngeih ka hau. anung mi Pathian cu a mah lawng a nung mi a si caah min a ngeih a hau lo i, min ai sak lo. Pathian ti in auh ding khi a si ko.

KAN BIAK MI THUM-KOMH PATHIAN NIH HIN MIN A NGEI LO. CUCAAH A SINAK "PATHIAN" TI IN AUH A SI. THUMKOMH PATHIAM LAK AH PAKHAT A SI MI FAPA PATHIAN LAWNG NIH HIN MIN A NGEIH I CUCU ZISUH A SI. ZEICADAH FAPA PATHIAN LAWNG NIH MINUNG MIN A NGEIH? FAPA PATHIAN LAWNG MINUNG I AI CAN CAAH A MAH LAWNG NIH MINUNG MIN A NGEIH.

Aung Thang

Thantlang Ah Motor Cycle Fir A Tam Tuk, Khuami Thenkhat An Lungrawk

Nai Thantlang Khua ah Motor Saikal fir a tam ngaingai. Zankhat pakhat hna a tlau te lai an ti panh. A poinak cu Cycle firtu pawl hi a fir ning an thiam tuk, cun a firtu hna hi mi zeidah an si hna, an thei kho tawn hna lo.

Thantlang um pakhat nih a tang bangin Cycle kilven cawk a si lo tiin FB ah a tial.

Motor Saikal "125 cycle phun pawl hi an fir i khua leng hei ti ah hin kan va hmuh tawn" tiin Thantlang ummi nih Lian Bawi(min din) nih a chim.

Cun "India Cycle phun pawl hi cu a hmu thanmi nakin a hmu than lomi hi an tam deuh" tiah a ti chap.

Zaan ah an fir bik tawn, Cun... Zaan mi in va len nak i Cycle chikhat Chiah chung nak hna in a tlau tawn..

Motor Cycle fir hi an thiam tuk i
"Cycle a lu tawh kan hrenh ko nain a lu tawh an Chiah I... A key line an phoih Le mah ti cun an fir tawn hna.. tiin an fir thiamning zong a tial.

Kan hnu thla hrawng ko ah khan cycle tlau hi a tam khun...

Jun 22, 2017

SEHTAN RIAN BAWMTU..ZUUMTU. Lian Hre


Pathian nih Amah sunparnak ca le Khrihfabu tungtlaang ah a sermi hna, a hman cuahmahmi hna nih kan hngalh lo karah sehtan rian kan bomh tawn, Pathian lung kan fahter tawn! Peter nih, "Jesuh zawnruah in bia a chim na in, "Sehtan ka hnu ah i thawn" a rak ti bang, kan i hngalh lo-in sehtan nih a kan hmang sual maw?

1.Lucifer bang hawihlei cungcuang kan sinak nih kan lung a puamter sual maw?
2.Kan fiimnak kha a pingah kan hmang sual maw?
3.Pastor te doh le soisel kan hmang maw?
4.Midang kha lung dong ding tlu dingin kan tuukforh hna maw?
5.Khrifabu chungah rem lonak thlaici kan tuh maw?
6.Hnahchuah ziarngeih nak kan ngei maw?
7.Cheuhra cheukhat peek lo-in kan hmang maw?
8.Rian truan lo, Na dam ko bu ah Zarhpini na fir maw? Nangmah herh men ah na hmang maw?
9.Zudin sa ei nakah na nunnak na hmang maw?
10.Bible ceih lo-in mi kong lawng na caih peng deuh maw! Na rawk sual lai(Ezekiel 28:17-19).

Ruah lo karah sehtan rian a bawmmi nun cu trial cawk ding si lo! Peter nun a remhtu arkhuan aw bang hi nih hin ralrin in pee cio hraam hna seh!

Lian Hre

Nupa sualnak na tuah lai lo" tiah kan fanu le fapa cawnpiak ngam a herh cang!



Nihin ah, "Thla 5 Chung ah Yangon ramtthen in tlaihhrem case 117 a phan" thawng kan theih. A mak ko; a tam ngaingai!

Ram pakhat ah, social media internet le online in pehtlaihnak phunphun hmanhram thok kaa ahhin, tlaihhrem hi a karh peng.
Tahchunhnak ah, India ram I tlaihhrem a karh le social media/mobile/internet pawl biatak tein hman hram an thok Caan aa zul bak!

A ruang a um...

Mikip nih hor-duh-cuainak hmanthlak le video phunphun an zoh khawh cang tik ah, an lung nih zeizongte a hngalh, an zer, sual ve le tuah ve nak caan rem an kawl i tlaihhrem in an vak! Tlaihrem a tam tik ah, khat le khat i thahnak a karh ve. Cu pawl cu kan ton chin thluahmah cang lai.

Hi pawl hi ram pakhat nih tthancho an hun thokkaa hrawng ah an ton tawnmi zatlang buainak a si.

Hi dirhmun hin, kan tthangcho te rih lai i nu le pa i tlaihrem len hau lem loin duhtawk in nupa sualnak tuahnak Chan le dirhmun kan phan te lai. Nupa sualnak cu, Rawl ei bantuk ah an ruah te lai. Naite ah, 2017 nikhat chung nu ihpi tam bikmi PA nikhat ah nu 57 a ihpi khawh caah mintthatnak an pek khah!  Minung phung zong si ti maw mah cu? Aaa ram thangcho ah ningcang tein khuaruanak pei an thlau cang hi!

Nupa sualnak tuah hi kan nih mipi zong nih sual le ningzak thil ah an ruah ti lo caan kan phan te lai. Cu dirhmun ahcun nihin vawlei ram tampi an um cang khih!

Tlaihrem chan ahcun, nupa sualnak cu ningzak cu sual a si, timi lungput kan ngei rih. Sihmanhsehlaw kan phanh te laimi chan ahcun sual a si, ningzak a si, timi lungput kan thlau te lai!

Nupa sualnak timi biafang kan miphun nih fale sin ah chim lo phun, hrial phun ah kan ruahmi hi thlen hauh dawh a si cang.  Fanu le fapa a Caan tlai tuk hlan ah, "nupa sualnak na tuah lai lo" tiah a min tein i Cawnpiak ngamh kan hau cang!

Cucaah kan thih hnu i cu chan chung ah a rung lut te dingmi kan tefa hna lungthin ah, Pathian bia hram thukpi in kan phun lo ahcun kan miphun nih Pathian kan thlau te lai!

Nihin,  kan tefa hna ruahnak le an lungput ah Pathian duhmi lungput, Bawipa lawngtertu lungput thlaici kan tuh a herh hringhran. Cu pakhat te lawng cu ruahchannak kan ngei ko cang tiah ka ruah...

By

Hrambik Lian

Maivan catialtu le careltu karlak


Hi bantuk tiangtiang nan kan tlangzarh hnawh cu ka pom lo ngai (Nan duh le a mi thim in group i ser uhlaw i post ko ngat uh- Mihor post nak le thawngpang post nak cu ai dang- ai khat lo khah). Maivan ah caleh rian kan ṭuan nan ti vevek ah cun mipi caah san a tlai mi nan tial awk a si. Cun nan ṭuan vevek a si ah cun zulhphung theih hmaisa i zuam uh.  Atu ka rak langhter mi THECHINNEWS timi ah hin avoi tam nawn ka hmuh  cang. A ngaingai ti ah cun Lai News  (Laiholh in thawngzamh nak a tuah mi) dihlak nih hi bantuk an tial lem lo, Nangmah pakhat ruangah midang an min nan chiatter chih hna ti zong kha philh hlah. (Maivan ah a thiang lo mi, zoh dawh lo thehdarh na duh ah cun News tibantuk zong nan min ah hmanghlah law a ttha lai)

Cun a dang pakhat, Mipi carel tawntu nih an chim tawn mi, Laimi News, blog pawl nih Phaisa kawl nak ah an kan hman hei tibantuk,, Na phaisa an i hal hna lo, an ca na rel man cu an hmuh taktak ko hnga ( cu hmanh ah cawngia cu na hmeh piak duh nemmam fawn hna lo),  hramhram in rel an i fial hna lo khah,  ninghngal ngai in lai news le blog dihlak sual puh in phaisa kawl nak ah an kan hman ti tuk lem hlah. Community chung, biaknak chung, a bu rian ttuan nak ah phaisa kholh riangmang in mah nih a ei dih mi an si lo.

News tialtu: Mipi caah a tthahmen lo mi cu tial len duh hlah, fimchim tu a si ah cun a tha tuk, thawngpang theih awk a tlak mi  a si ah cun a ttha tuk, an tuah lio, an vei lio hei ti pin ah an tuah cuahmah lio hna nan tar taktak cu nan mawh lawlaw, nangmang ruangah catial tu dang tampi thangchiat an tong, nan hnorsuan hna. Aherh mi le santlai mi na tial ah cun careltu tampi na ngeih lai pinah kan miphun zatlang caah thahmen mi na si ve tinak a si lai..

.....
.....

Salai Cung Dawt

Jun 20, 2017

Breaking News : Lainu kan zuar

Ram țhatnak, a tawi fiannak in cun US, Europa tbk ram pawl ahcun rian kha a biapi in chiah a si i, nupi tbk va tbk a ngei lo an tam. Cu tikah wibsite a phunphun an ser. Cuti cun pa nih nu an kawl. Nu zong cu țhiamthiam. Cu bantuk in nu nih pa kawlnak pa nih nu kawlnak Website cu a man liam haumi zong a um i, a hau lomi zong a um. A dang cio nain, mit hlangtu tiah nu nih sexy taktak mi an hmanthlak an tar. Nu nih maivan in an i zuar. Cu bantuk zoh cawk lo nu hmanthlak chung in, a duh nih duhmi thim. Lung iton thiam sile a lengah iton. ( cu bantuk zongah cu a hlenmi veizat) Sihmanhseh, website a ngeitu ca cun tangka hmuhnak a si tikah, tangka a hmuh ding lawng kha ruat i nu hna sining kha ruah a um ti lo. Nungak caah cun tlangval a duhtu an ton sual le a miak, an hmuh lo one night stand sile a zik. Cu bantu in ram țhatnak ahcun nu nih nu an sinak kha website an zuar.

Atu lio, maivan i Lai website fa tete a ngeitu hi cu bantuk a lomi kan tam. Lainu pakhat khat hmanthlak mi zei a si hngalh theng lomi hmanthlak tar. Hmanthlak tar a simi Lainu nih hin zeitindah a hei ruah ve hnga? A hei duh ve ko hnga ma? A silole hmaikhah loin dah " aw" ati hna? Cu bantuk cu zei he dah a lawh tiah hika hin Lainu kan zuar, kan caw ve uh ti he a khat.

Dk LR Tluang