Phone Number Deu(Atuh အတု) Tuahning

Hi kong hi cu a thei lomi tampi kan um lai tiah ka ruah caah siaherhnak he ka van in chiah piak hna. Phone number deu(atuh) ti tikah zeihmanh thinphan awk le tuah hngam lo awk le tih awk a um lo. Ram Thumnak US a ummi Simcard a ngei lomi hna caah a tha khun. Ahlei in a rak phan tharmi hna caah a tha khun lai. Phone number ngeih lonak cun mah hi hman hi a letin a tha. A tuahnak caah Nextplus App a hau i mah kha na dawnload lai i a tuahning cu a tangah hmanthlak ka rak langhter ning tein a si lai. Langhtermi an fian lo cun PDF in Dawnload nak Kaa Hin ka van chiah chih. Mah Phone number deu tuahmi tein Viber le Snapchat le Whatapp hna zong tuah khawh a si dih. Na online paoh cun Free call le Free chat khawh a si. Nan tlamtling ko seh. Like, Comment, Share tein thazaang ka pe ve u law...

Nextplus Dawnload Link
Start Dawnload

 Tuahning PDF Dawnload

Nextplus App Dawnload Link
  Start Dawnload

Tuahning PDF Dawnload Nak

Like, Comment, Share...

Mobile Phone Ti A Luh/Cinh Tikah T,ha T,han Dingin Tuahning

Kan hmanmi Mobile Phone chung ah ti a luh sual a si loah Phone ti chungah a tlak sual a si ahcun zeitindah kan tuah lai timi ka van langhter. Tu ka van langhtermi hi hmanbikmi le a thabikmi a si ti ning law ka palh lem lai lo.

1. Power off Colh
Phone chung ah ti a lut ti na hngalh le cangka in power on ti hlah. Aa on sual ahcun power off colh. Cun Battery tunnak hri zong bunh ti hlah.

2. Card aa bunhmi laa dih
Phone chung i SIM card le Memory card pawl kha chuah dih. Ti nih tlawmpal a ciah ahcun a rawk kho caah card na poih dih hnu ah roter colh.

3. Battery Phoih colh
Phone ti a cinh le cangka in Phone battery kha phoih colh(khulrang in) Ti a cinnak pohpoh kha tit-su in hnawhpiak law Tit-su nih hin a cinmi a dawp kho ngai ti a si. Tit-su a um lo cun puan in hnawt.

4. Thli chemnak in chem
Phone chung i a cinmi Ti pawl kha a ro nakding ah thli chemnak hman a herh. Sam chemnak na hman sual a si ahcun lumter loin na hman lai. A ruang cu a lummi dat nih Phone Circuit pawl a rawhter khawh caah a si.

5. Phone kha Suimilam 24 chung facang chungah chia
Na Phone a ro dih hnu Battery kha bunh than law facang chung ah nikhat chung va chia. Facang nih Ti dat le Ti-khu pawl a dawp khawh caah suimilam 24 chung na chiah ahcun atha cang ko lai.

Like, Comment, Share in thazaang rak chuah ve u..

BAWIPA Nih An Sermi Na Sining Ah Naa Lawm Maw?

Hi vawlei ah ahohmanh an sining hi si a duhmi an um lai lo tiin mi pakhat nih a ti. Mah cu ruah ahcun a dikmi (hmaan) a si ve ko. Mi tampi kan sining kan i ruah ah a lung a rawkmi, kan sining si a duh lomi kan tampi. Micheu kan pum a tling lo, micheu nih kan nak tuk, micheu nih kan niam tuk, michei nih kan thau tuk, micheu nih kan i dawh lo tuk, micheu nih kan sam a kir tuk ti tiangin le kan kut aa dawh lo tuk, kan lu a zawl, kan mit a cei e tiin a phunphun in kan sining ah kan phunzai cio hna. Kan mawh ve lo nain kan phunzai ding a rak si lo. 

Ka catial cu Laimi lawng nih kan rel khawh lai bang hi vawlei ah Laimi kanmah nakin pum tling lo deuhmi an tampi, Laimi nakin a letin a nakmi Nakgaru an tampi, kan nakin a thau deuhmi an tampi, kan nakin a niam deuhmi an tampi, kan nakin a sam a kir deuhmi samkir pawl an tampi ko hna caah ruah taktak cun kan sining hi chim awk a um lo. Pathian nih Chinmi a kan serning hi khuaruah har a si. Chinmi a kan serning hi vawlei cung mi hna he van tahchun cun a thalei hrim a si ko. A kan sertu Pathian nih kan caah a tha bikin a kan ser i khua a khan cangmi a si hrim ko. Kan sining te ah phunzai lem loin kan i lawmh i Pathian kan lawmh tukding a si ko.

Mah le sining teah i lawmh cu Pathian nih a duhmi le a kan duh piakmi hrim a si. Mah le sining ah i lawmh loin phunzai cu Pathian nih a duh lo ti cu Baibal relnak in a fiang ko. JEREMIAH 18:6 ah “.... umsertu nih tlak kha a duhduh in a tuah bantuk hin kaan tuah kho hna lo maw? A kut chung i a ummi tlak bantuk khi ka kut chungah hin nan si '' tiah Bawipa nih a ti. Umsertu nih tlak cu a duhduh in a ser khawh i tlak nih a zaih mahtin na ka ser tiin Umsertu kha a ti khawh lo bang minung nih Pathian cu azaih mahtin na ka ser kan ti kho ve lo. Cu caah Bawipa Umsertu na si. Kei cu tlak men ka si caah nangmah duh bang in ka ser ko tiin a ti khomi le Bawipa nih a kan sermi ah aa lawmmi si cio ko hna u sih..


Nangmah duh bang ka siter ko,
Umsertu na si, Kei tlak ka si
Thlacam in Nangmah kan hngah lioah, Nangmah duh ning tein ka ser ko...Amen

Lawmhnak he..Bawipa nih sunparnak co ko seh..Amen.

Ahlan ah ka rak tialmi Mahle Sining Teah I Lawmh timi ah relchap khawh a si. Relnak Link

MahLe Sining Teah I Lawmh

(a saupah caah lungsau tein rak rel u law..)

•Hawi bang fimnak a ngeimi kan si lo zongah fimnak tlawmte tal cu kan ngei ve ko.

•Hawi bangin thiamnak a ngeimi kan si lo zongah thiamnak tlawmte tal cu kan ngei ve ko.

•Hawi bang thazaang thawnnak a ngeimi kan si lo zongah thazang thawnnak cu kan ngei ve ko.

•Hawi bang degree sang le catang sangmi kan si lo zongah catang te tal cu kan ngei ve ko.

•Hawi bang catial a thiammi kan si lo zongah ABC tial cu kan thiam ve ko.

•Hawi bang santlaimi kan si lo zongah tlawmte tal cu san kan tlai ve ko.

•Hawibang bochanmi kan si lo zongah tlawmte tal cu bochan kan si ve ko.

•Hawi bang a thlukthami kan si lo zongah thluak cu kan ngei ve ko.

•Hawi bang dawtnak a ngeimi kan si lo zongah dawtnak tetal cu ka ngei ve ko.

•Hawi bang hawikom tam a ngeimi kan si lo zongah hawikom tlawmte tal cu kan ngei ve ko.

•Hawi bang theihmi kan si lo zongah theihtu tlawmte tal cu kan ngei ve ko.

•Hawi bang theihnak a ngeimi kan si lo zongah theihmi tlawm te tal cu kan ngei ve ko.

•Hawi bang aa dawhmi kan si lo zongah dawhnak tlawmte tal cu kan ngei ve ko.

•Hawi bang minthang kan si lo zongah Min cu kan ngei ve ko.

#Hawi nih an ngeihmi fimnak le thiamnak tbk... hna kha kan hnahchuah/hngar i kanmah kan ngeimi fimnak le thiamnak tbk... te ah kan i lawmh lo si cun a ka sertu cu kan cungah zeiti hmanhin aa lawm bal lai lo. Voi tampi cu mah le sining teah i lawmh loin kan phunzai tawn. Hawi bang fimnak le thiamnak tbk...hna kan ngeih lo ruangah kan siningah ah hin kan phunzai ding a rak si lo. Kan sining te tu ah hin kan i lawmh ding a si. A kan sertu Pathian nih kan caah a tha bikin a kan ser i khua a khan cangmi a si ti kha kan philh lo ding a si. Kan sining teah i lawmh ding hi a kan sertu nih a kan duh piakmi a si caah kan sining ah kan i lawmh si cun a kan sertu zong kan cungah aa lawm lai i Thluachuah cu rel cawk loin a kan pek ko lai.

      #Minung cu a kan sertu lunglawmhter awkah ser kan si. Hawi bang fimnak le thiamnak tbk... ngeih duh ruangah le thluachuah hmuh duh ruangah kan sining ah i lawmh hin loin mah le sining cioah i lawmh hi a thami le a hmaanmi, a kan sertu Pathian zong nih a kan duhpiakmi, a kan ser hnawnh chanmi pakhat a si ve ca tu ah kan sining te ah hin i lawm ko hna u sih.

Phungchimtu 6:9.... Ngeihmi cungah lungawi tein um hi ngeih chin lengmang duhnak nakin a ṭha deuh. Amen...

Bawipa nih sunparnak co ko seh law Bawipa nih mah le sining teah aa lawmmi kan siter ko seh..Amen.

Andriod Phone I Sofware Pawl Sofware Loin Thuh(hide) Ning

Kan Andriod i Sofware pawl kha lang lo dingin tuahning(hide) a si. Kan hawile nih kan Phone an zoh tikah hmu hna hlah seh ti kan duhmi app hna le Sex app hna kha sofware hau lo tein thuh(hide) ning a si. Hi kong hi a thiam cangmi caah cun nihchuak a si lai nain a thiam rih lomi hna nih thahnemnak a si ko lai. Atu ka van chiahmi hi sofware a hau caah Phone zong a zaang deuh lai. Hmanthlak a fian locun Hi Kaa Hin PDF in Dawnload nak ka van chiah chih. Nan tlamtling ko seh..

Dawnload PDF

Pumtling Lo Authawng

Hi vawlei kan nun hi kan caah a har tuk e,
Ahohmanh nih si an duh lomi kan sining hi kan nun nih Hawi sin a panh kho lo, lawmhnak le nuamhnak hawi bang kan hmu kho lo. Hawi soisel le nihsawh men dingah maw kan semchan a si kan ti. Kan chungchuak unau cingla rualchan tiang nih an kan zohchuk fah cu, mihrut le a molh pahmi bangin an kan zoh i an kan ruah hi tuar a har e. Chuah chan ngei lo maw kan si tiin kan i ruat caan a tlawm lo. Kannih kan nun nih a duhmi cu hi vawlei ah rak i sem hlah u sih law ti hi a si ko lo maw? Kan sining hi a fak ko. Tuar a har ko.

Maw Khuazing, Bantuk kan sining hi zei ruang ko ah hen a si? Kan sual ruang le that lo ruangah hei sihmanhsehlaw kanmah nak misual le mi tha lo an tampi ko tung, annih vial pumtling in an um ve ko tung. Aziah kannih vial mahtihin cun kan sining hi a fah e.

Kan lungfah le ngaihchiat caan a tam tuk cang, kanmah lawng kan um ah kan i nuam deuh kan ti nain hawi hngar vansang in kan um hoi tung. Tuah kan duhmi kan tuah kho lo, panh kan duhmi kan panh kho lo, kan saduhthah le kan lungthlitum a tling kho lo. Hi vawlei kan nun hi kan caah thlum alnak a ngei kho lo e, Bawipa zeitin dah kan nunning hi a si hnga..?

Nangmah duh bang ka siter ko,
Umsertu na si kei tlak ka si,
thlacam in nangmah kan hngah lioah,
nangmah duh ning tein ka ser ko..

By~ Bawi Hrin Sang

Tangka Duhtuk Hi Ṭih A Nung Tuk

Tuchan kan chanchia ahcun tangka a duh lomi cu kan um lai lo. Kan paw cawmnak caah kan herhmi a si fawn. Asinain a hleihluat tukin duh loding kha Baibal he tlawm tein ka van tial.

Baibal ah aa tial bang Tangkaa ngeih duh tuk ruangah zumhnak tiang kal tak cu tih a nung hrim ko.

Tuchan ahcun Chinmi thenkhat hna zong cozah rian an tuannak ah ningcang lo le din fel loin loin an tuanman nihlawh an pek komi hna mipi thi a dawp chapmi hna an um ti theih a simi hi lung a fak hrim ko. Mah i a hram zong cu Tangka duh tuk ruangah a si ko.

Ram thangcho hna ahcun Tangka an duh tuk ruangah sualnak hmanh kha sualnak ah a rel lomi an um i tangka an hmuhding a si cang ahcun tuah ngam lomi tiangin a ngei lomi an um. Tangka an duh tuk ruangah lih an chim i an hrawkhrol. Mi he an i si, an i vuai i Tangka an duh tuk ruangah gongstar hna an lut i an fir. Tangka an duh tuk ruangah mithah tiang hmanh kha a ngamhmi an um i minung thah zong zei ah a rel lomi le a poi ah a chia ti lomi zong an um hna.

Cucaah Tangka duhnak cu hell ram lei panh pitu le that lonak phun kip chuahnak hram a si taktak ko ti kha....Pual nih Timote sin ca a kuatmi kuatkhatnak chungah. "Tangka duhnak hi thatlonak phunkip chuahnak hram a si" a ti i A van peh rihmi cu "Tangka duhnak hi hrial hna"  tiin hrial dingin ca a kuat.

Cu caah tangka hi duh tuk hna hlah u sih. Zeicatiah kan Baibal ah tangkaa duh tuk hlah u tiin HEBRU 13:5 ah "Tangka hi duh tuk hlah u, nan ngeihmi ah khan nan lung awi ko u. Zeicahtiah Pathian nih, “Kan kaltak bal hna lai lo i kan hlaw bal fawn hna lai lo,” tiin Pathian nih a ti.

Tangka a duh tukmi nih cun zat an hngal lo ti zong PHUNGCHIMTU 5:10 ah
Tangka duhmi na si ahcun, zeitikhmanh ah kaa za cang na ti kho bal lai lo; rum a duhmi na si ahcun, na duhmi vialte kha cu na hmu kho bal lai lo. Pakpalawng a si ko.

Cun Phungthlukbia 23:5 ah
"Na tangka cu mitthep ah an lo kho ko,
Thla kha i serh duak in mupi bangin
an zuang kho ko" tiin kan hmun fawn.

Tangka duhnak cu ṭhatlonak phunkip chuahnak hram a si caah tangka hi duh tuk hna hlah u sih..

A tang Hmanthlak nih hin Tangka duh tuk cu Rap bantuk a si ti a langhter..

Lawmhnak he....

Adf.ly Account Le Paypal Account Pehtlaihter Ning Cawnnak

Adf.ly le Paypal Account zeitin dah kan pehtlaihter lai ti a thiam lomi hna caah a tangah ka van langhter. A hmanthlak tete an fian lo si cun file in dawnload kho ding zongin Hikaa Ah ka van chiah chih. Nan tlamtling ko seh. Na caah t'hahnemnak an pek cun Like, Comment, Share in thazaang ka pe ve u law...

PDF in Dawnload Nak
DAWNLOAD START

                              A dih cang...

Android Phone In Calendar Tuahnak App

Naa Tlaihmi Phone tein Calendar Fawi tein tuah na duh maw? Na hmantlak in Calendar tuah na duh cun mah App tein fawi tein tuah khawh a si. Mah hmantlak in Calendar fawi tein tuah a duhmi hna caah Calendar Tuahnak App ka van in chiah piak hna..

 >>Dawnload Nak<<

Phone Puak Lo Dingin Phone Zohkhenh Ning (Iphone A Puak Lio CCTV)

Phone ruangah nunnak a liammi tiangin an um cang tiin theih cio a si caah ahopaoh Phone hi i ralring kan hau. Phone a puaknak a ruang hi phone chungah chiahmi thil a tamtuk ruang le a linh tuk ruangah le Battery tha rawn pah in tawngh ruangah a si bik. Minung zong kan eimi phun a tamtuk i kan paw khim tuk tiangin thil phunkip kan ei cun kan paw a kan puarh i kan paw fak, kan ek a chuak bantuk in Phone zongah thil tam tuk chiah i a linh tuk tiangin tawngh cun a lin a lin i a puak ko.

Kan Phone a puaknak hnga lo:

1. Battery tha rawn pah in Phone tawngh hrial ding.

2. Phone chungah Virus a um ahcun Virus hlawnh colh ding.

3. Phone chungah hman lomi App pawl hlawnh ding.

4 Phone chungah App le A herh lomi hmantlak Video tamtuk in chiah lo ding.

5. Phone a linh tuk tiangin tongh loding, Phone a linh cun tongh ngol ding.

Fak Taktak In Facebook Report Tuah Ning

Tuchan ahcun FB ah mi thalo hna, Fak account a hmangmi hna le Sex account hna si seh kan hmantlak hmangin a tha lomi hna tuah a hmangmi an tamtuk cang. Hmantlak tha lo le video tha lo kuat a hmangmi hna an um len. Mah bantuk kan ton si cun an FB kha block loin Report tuah ah a tha. Report tuah cu an FB rawk seh tiin tuah khi a si ko. Report tuah hi a thiam cangmi tampi nan um ko lai nain a thiam rih lomi hna caah cun thahnemnak a si ko lai tiin siaherhnak he atangah Facebook Report Tuah ning ka van chiah. Blog ah a ca a fian lo cun PDF in Hikaa Ah Hin dawnload khoding zongin ka van chiah chih. Na caah tha hnemnak an pek cun Like, Comment, Share in thazaang ka pe ve u.. 

Nan tlamtling ko seh. Tlamtlin lo cun rak hal khawh a si. 

PDF in Dawnload nak >> PDF Dawnload