Dear,
Miphun dawtu Chin unau hna,
Chin Idol & Music Festival program a tawinak in kan thanh hna.
A hmun: Carson Hall, Hakha, Chin State
Nithla : 2017 October 26-29 tiang
#Nithum le zanthum chung a si lai.
Chun caan hmannak:
* Chin Idol & Music Festival puai onnak a um lai. Chin cozah lei in minung pakhat le CACC lei in minung pakhat nih caan an hmaan lai.
*Chin Nunphunglam a phunphun hmusaknak, Hlasak thiam mihlun le mithar he sawm mi an um i cu hna nih hlasaknak an ngeih lai. Rin-awn tumtu zong special in kan sawm hna. Cun Hlaremh dawh saknak a um lai. Hlaremh sakding zong sawm an si. Hlarem sakding hla phantu cu Rev. Lai Ram Hu a si.
*Special Talk kan ti i biatawi chimtu an um te lai. Cu tin cun zing 10:00- zanlei 4:00 tiang caan hman a si lai.
Zan caan hmannak
Solo zuamnak (Chin Idol) in caan hman a si lai.
Duh mi hla poh sak khawh a si lai.
October 2-22 tiang khi hla aa zuam hnga mi hlasakthiam cawnpinak a um lai. Cu chung in minung 10 (Top 10) kha an thim lai. Cu thim mi hna nih Idol zuamnak puai taktak ah an sa te lai. Vocal lei a thiammi nih cawnpi a si lai.
Top 10 thimmi hna nih an sakding cu Hla mark petu hna nih an thim piak te lai. Zeihla dah an thim piak lai hngalhcia a si lo.
Hla mark petu hna
1. Pi Sung Tin Par
2. Pu Cung Aung
3. Pu Herh Lian
*CACC, Chin Idol a hmutu cu MMK 5, 000,000 (sing sawmnga le Trophy ) pek a si te lai. Salai Lung Thlitum nih a kan hlut. A cung ah kan in lawm taktak.
*Pakhatnak, pahnihnak le pathumnak a cotu hna minung pathum cu CACC nih special in hlaphel kan chuah piak te hna lai.
Hlasak aa zuam ding mi min peknak
Email. pakhar.sn@ gmail.com, rev.pawluh@gmail.com, laicung@gmail.com
Phone. +959422536099; +959400301576
Kaa lawm,
Khar Ling
CACC, Hakha
