Ngaihthiamnak Hnu Chit Aa Timi Laimi Zumtu Khrihfa

Ngaihthiam timi hi minung kan nunnak ah a biapi tuk. Minung le minung kan i pehtlaihnak ah si seh, Minung le Pathian kan i pehtlaihnak ah si seh, a biapi tuk. Pathian nih cun Hell thla ding misual hna kha a Fapa Jesuh Khrih thawng in a kan ngaihthiam. Amen.

Cu caah "Pathian nih an ngaihthiam hna bantukin Pakhat le pakhat kha i nan sualnak i ngaihthiam ve u" tiah Jesuh nih a kan cawnpiak chin.

Jesuh nih "Na unau nih Ni khat ah na cungah voi sarih a sual i voi sarih ningin, ‘Kaa ngaichih,’ a ti ahcun na ngaihthiam hrimhrim lai,” tiah bia a kan cah ta ( Luka 17:4 )

Asinain tuchan Laimi Khrihfa thenkhat cu Voikhat kan palh sual hmanhah kan i ngaithiam duh ti lo. A kan lem, I ngaihthiam ding a si ti lo kan ti colh i a sual pah mi kha Thong ah thla colh u, Biachia kha rel cawk lo in kan soisel i kan tlanglamh colh hna. Voikhat palh hmanh ah "a nung ti lai lo" a timi hna um a van si. Voihnih palh chinchin a sual palh mi nun cun a dih ko hnga..


Laimi Zumtu Khrihfa thenkhat hna nih Jesuh cawnpiaknak le Baibal bia hi kan zul duh ti lo. A poi tuk. Jesuh nih a kan cawnpiak mi hi kan zulh khawh lo a si lo. A zulh hrim in kan zul duh ti lo hi teh ti hi Baibal zoh chih in ka hmuhning a si.

Zeitin kan zulh duh lo.

Nai Malaysia CND 2018, Jenevy Sui hla a sak lioah Zuu ri pa pakhat nih a kut in a dawh i Stage cungin a tlak lo lawng a si.
Mah cu ngaithiam bak hlah u, a nun hmanh nunter ding a si lo a timi hna an um. Mah cu kai ngaihchih, ka palh tuk, a ti hlan tein Jenevy Sui nih cun a rak ngaihthiam diam i a zaang a fak lehlam lio ah Zei hmanh aa pehtlai(san) lomi pawl nih kan rak ngaithiam kho lo i biachiakha rel cawk lo le rel ngam lo bia zaza in an rak thangchiat i ka ngaithiam u ka palh tuk a ti hnu zongah kan rak ngaithiam duh bak lo. Hi zawn ah hin Jesuh nih a kan cawnpiak mi kan zulh duh lo cu a lang ngaingai. Ngaihthiamnak hi hnuchit kan timh diam ko.

" Mi nih kan cung i an sualmi kan ngaih thiam hna bangin kan sualnak zong kan ngaithhiam ve tuah" timi BAWIPA  Thlacam hi zarhchiar te le nichiar te ti awk in kan cam nain kan cungah a sual lomi hmanh kan rak ngaithiam duh lo. Kan cungah a sual theng mi lawng ngaihthiam ding ah kan ruah rua. Bawipa thlacam cu kan cam sawhsawh lawng a rak si ko.

A kan lem, i ngaihthiam ding a si lo, Tazacuai colh ko u timi bia hi thenkhat nih "a hmaan tuk, a dik tuk" an ti len. Hi bia hi Baibal he cun aa kalh diam, aa kalh tuk.

 Peter nih Jesuh kha hitin a hal.
“Bawipa, ka unau pakhatkhat nih ka cungah sualnak tuah seh law voi zeizat dah ka ngaihthiam lai? Voi sarih tiang maw?” tiah a hal.  Jesuh nih cun, “Sihlah, voi sarih si loin voi sawm sarih voi sarih, tiah a leh. Mat 18:21‭-‬22 A sullam cu "a sual palh mi paoh  ngaihthiam peng ding, a dong lomi ngaihthiamnak" a si tiah Thenkhat kan Pastor hna nih an hrilhfiah.

Jesuh nih "Na unau nih Ni khat ah na cungah voi sarih a sual i voi sarih ningin, ‘Kaa ngaichih,’ a ti ahcun na ngaihthiam hrimhrim lai,” Luka 17:4 tiah a kan cawnpiak lio ah Laimi cu kan i ngaithiam duh ti bak lo. A poi tuk. Jesuh cawnpiaknak le Baibal bia thenkhat cu hnu kan chit diam.

Laimi hi a hlan ahcun thihlohnak ton tiang hmanh kha a rak i ngaithiam mi miphun, ngaihthiam nun a ngei mi kan si. Atu ahcun nemnam kan si cang rua..

Jesuh cawnpiaknak hmanh a zul duh bak ti lomi nih hin maw Jesuh a zumtu Khrihfa kan i ti ko lai? Laimi Khrihfa hna nih kan nun i chek than kan herh tuk.

Zumtu nih cun ngaihthiam nun kan ngeih a herh. Pathian zong nih amah zumh lo sualnak dah lo cu sualnak paoh a kan ngaihthiam khawh dih.

Hmailei kan kalnak lamtluan ah ngaihthiam ding tampi a um rih lai. Cu tikah Ngaihthiam ding in i tim cia u sih.

Ngaihthiamnak kha kan ngawng ah Thi bantukin i oih u sih law kan cung i an sual palh tikah ngaihthiamnak hngawng ngerh kan i oih mi kha zo hnawh colh hna u sih law ngaithiam lengmang ko hna u sih. Cucu Pathian duh tuk mi a si.

Chim U Sih

Mi dang cungah kan sual palh tikah
Ka palh, ka ngaithiam ti hi chim u sih. Kan ningzak hlah seh. Sorry ti lawng chim hi cu Laimi kan sinak ah a zaa deuh lo. Di a riam lo. Ka ngaithiam, ka palh ti chim fim a si i Laimi kan sinak ah di a riam bik. ±±±


Careltu cungah kailawm.

-Satu Kmc

Minung kan Thil ton hi Hmuh thiam a biapi

Minung cu

kan i nuamh lio ahcun thazaang pek kan herh lo.
Kan lungdongh caan ah thazaang pek kan herh tuk.

Kan tluk rilh lo caan ahcun thawh kan herh lo.
Kan tluk rilh caan bel ah thawh kan herh.

A sual lomi cu ngaihthiam an herh lo.
A sual mi lawng ngaihthiam an herh.

Cu bantuk in Kan sual palh caan le kan tluk rilh caan ah thawh i thazaang pek kan herh tuk. Bantuk caan ah soisel nihsawh capo saih i thangchiat lehlam cu Zumtu Khrihfa nun a si lo. Pathian huat mi lehlam a si.

An sual palh lio le Ngaihthiam an herh lio caan ah ngaihthiam loin thangchiat chih i thawh an herh caan ah thawh lo cu kanmah Fim lo(Molh) a si.

Mi pakhat a thil ton lio mi ah khin Thazaang pek a herh lio a si maw?  bawmh a herh lio a si maw? A si loah cawnpiak dah a herh? ti bantuk kan hmuh thiam ding a biapi tuk.

-Satu Kmc

Ramkip Um Chin Mino fonh in Cauk Chuah Hna U Sih

Tuchan Mino hna hi kan men lo bang Mino catial thiam an chauk lengluang.
Lai Cauk chuahmi hna ah Mino catialmi hi a tlawm ngai tiawk a si. Ka lung a tha lo ngai. Catial sawm zong an si fawn lo i an pahrang chiah sawh ko cu a paam tuk.

Ramkip um Chin mino pawl i fonh in cauk chuah hna u sih law..

Kum khat voikhat chuah khawh lo hmanh ah, kum hnih voikhat in chuah peng si seh law...

Cahmai a tam bik 200 hrawng si seh law $10 hrawng in zuar si seh law... (kum hnih voikhat chuah si cun cahmai 300 zong si ko seh law..., a man zong $20 hrawng zong si ko seh law...)

Cauk cu chuah tawn ciomi bang Sermon, Hmuhning, Capar, Lenhlio, Biazai, Muitawn, Capo le a dangdang Phunkip fonh si seh law...

CYO si lo, CACC si lo, "Chin mino catial phu" zong dirh i a ngeitu in tuanvo van la seh law, van thok colh seh law, hmaikum in chuah khawh si colh seh law a thatuk hnga...

Cauk cu amin ah "Miphun Caah Mino" si lo, "Chin Mino" ti bantuk, a dawhmi a picalmi si seh law... Single a si mi papek in, mino kum 15-35 kar mino paoh i fonh in chuah si seh law. (Fa ngei cang pawl, kum 30 cung lei cu telh bak lo)

Ramkip Um Mino fonh in cauk hei chuah khawh cun a that lai ning. Phundang tawn i cauk chuahmi nakin a Cawtu an tam deuh lai.

Kan Chin Miphun caah thahnem santlai a si lai i mino pawl zong upat hmaizah an si deuh lai.

Tuchan Mino kan men ti lo. Thu sawh i caan liamter sawh ding a si ti lo.
Tho i thilpipa zong tuan caan a si cang..

Rawlhulh thlacam nakin Pathian Nawlngaih ding hi Baibal nih a kan forh deuh.

•Nihin tiang kan nun rih hi "BAWIPA nih a ka dawt tuk" ruangah a si.

•Bawipa lo cun vawlei kan nun hi pakpalawng men a si caah kan nunnak ah kan herh bikmi cu "Bawipa" a si.

•Vawlei ah a ummi kan si caah Hawikom tha le Hawikom tampi ngeih kan herh. Mah hna nakin "Bawipa ngeih" kan herh deuh.

•Baibal bia bang Dawtnak kan ngeih lo ahcun zeihmanh kan si lo.

•Kan nun lioah a kan sertu a Nawlngai in kan nun a herh hringhran.
•Rawlhulh thlacam nakin Pathian Nawlngaih ding hi Baibal nih a kan forh deuh.

•Kan nun lioah hin Tuanbia tha kan tial a herh hringhran.
•Kan nun lioah nun can tha in ka nun a herh hringhran...

Zoh Ah Zaangfak Ngai A Si..

•Na sining le na Dirhhmuh ah khan na lungawi..

• Zeiti na va si hmanhah Pum Tlamtling in na chuah kha thluahchuah sung tuk a si.

•Midang nih an in dawt lo hmanhah Nangmah le Nangmah i daw.

•Mi nih zei an in rel lo zongah Pathian Dawtmi na si kha philh hlah.

•Jesuh a ngeimi nun nih hawi nun a hngar bal hnga lo. Hawi nun a hngarmi na si cun Jesuh na ngeih le ngeih lo na nun naa chek a hau tinak a si.

•Kei cu zeihmanh ka si lo ti hi a tha ngaimi a lo nain a tha lo.
Bawipa lo cun zeihmanh ka si lo ti tu hi a thami a si i kaa chim deuh ding a si.

•Mi nih zei pipa a si lo an in ti zongah, Zeitluk mi nautami na si zongah Pathian nih na sining ah khan phunzai loin na lung i lawm seh ti an duh.. Cu ti cun Thluachuah na hmu lai..

-Satu( Bawi Khengmual)

Rev. Tuan Peng Thang tlangcung cawnpiaknak

"Thla a cam lo i, Baibal a reel lo i
Youtube i mi chim cia lawng
aa rinhmi cu ngaihchia nan va si dah
lungawttawm in nan um peng lai."

Ngaknu Dawh Le Ngaknu Tha- Biafim

~Ngaknu dawh nih a hmai le a titvun a biapi ah a chiah, hnipuan he.
•Ngaknu tha nih a nuncan a ziaza a biapi ah a chiah ve.

~Ngaknu dawh nih mit tha a damter.
•Ngaknu tha nih chunglei thinlung a damter, a lawmhter ve.


~Ngaknu dawh cu an no lio caan ah mi mit an hlang i chim le rel an si.
•Ngaknu tha cu an tar hnu zongah an nunzia dawh mi nun a cawm.


~Ngaknu dawh cu suitum tlangpi bantuk an si lio ah.
•Ngaknu tha cu aman a fakmi lungvar mansung bantuk an si ve.


Van Thawngtha

KA NUPI NIH ZEI RIAN HMANH A TUAN LOH NA TI MAW?- Salai Joshep Van

(Pa Lian le, Psychologies pa an I chawnhnak)

:(P) Zeirian dah na tuan ?...
:(Pa Lian) Bank ah Accountant a tuanmi ka si.

:(P) Si le na nupi teh?...
:( Pa Lian) Ka nupi cu zei pipa a tuanmi a um lo,chungkhar nubik a si le.


:(Psychologies) Sile zingka ah hodah breakfast an tuahpiak tawn?...
:(Pa Lian) Kan nu nih a ka tuahpiak tawn, a ruang cu zei tuanmi a ngei ve lo i.


:(P) Sicun zingka ah suimilam pazeizah ahdah breakfast tuah dingin a thawh tawn?...
:(Pa Lian) Suimilam pa 5 hrawgah a tho tawn, a ruang cu breakfast tuah hlanah inn le lo thianhhlimh a duh caah.


:(P) Sile nan fale cu zei in dah sianginn ah an kal tawn?
:(Pa Lian) Kan nu nih sianginn ah a thlah tawn hna a ruang cu rian a ngei ve lo le.


:(P) Si cun nan nu cu sianginn ah nan fale a thlah dih hnu hna ahcun zeidah a tuah tawn?....
:(Pa Lian) Bazar hna a kal a dih in rawl hna a chuang cun thil hna a su, ka chim cang bang khan rian a ngei ve lo le mah hna cu a tuah tawn, rian in ka rak tin hin cun ka din ziar ve ko, a ruang cu rian tin hnu hin cun kan ba ve tawn le.


:(P) Sile mah ahcun nan nu cu zeidah a rak tuah tawn?....
:(Pa Lian) Fale hna rawl a pe hna, cu hnu ah kan ei ding rawl a tuah theu tawn. Kan ei dihin kheng hna a tawl, inn hna a thianh, fale hna a thianhhlimh hna hnu ah a ihter tawn hna.


:(P) Cuti si ah na nupi cu zeihmanh a tuan lo na timi cu zingka tein a tho i zan ih tiang bakin a tuanmi cu rian a tuan lo na ti ko maw?

:Chungkhar nu bik siding ahhin zei certificate hmanh hmuh a hau lo, aruang cu an rian an mawhphurhnak hi a ngantuk, abiapi tukmi a si, .an nu cu ka upat tuk nupi tha tuk a si cu, a feltuk cu, nang cu suimilam pa 9 chung rian na tuan le nan nu tucu nikhat chung, suimilam 24 tiang deng a tuan ti nak a si cu. Rian a tuan lo rian a ngeilo ti hrimhrim ti hlah. Nupi le hna rian, mawhphurhnak covo tlukin rian thaba mi hi a um lo dakkaw.

By- Salai Joshep Van

>>>>>SHARE<<<<<<

BAWI JESUH NUN NGEIH CU

Catialtu: Salai Joshep Van

1.Bawi Jesuh nun ngeih cu kan i ka lawm kho peng lai ti nak a si lo, ka nuam peng lai tinak a si lo. Ngaihchiatnak lakah, lungfahnak lakah i lawmh khawhnak tu a si, ngaihchiatnak lakah i nuamh khawhnak tu a si.

2.Bawi Jesuh nun ngeih cu tukforhnak ton lo a silo, tukforhnak lakah teinak nun ngeihtu a si.

3.Bawi Jesuh nun ngeih cu thihnak tei le khamhnak co lawng a si lo, thih tih lonak le thih hna ngamnak ngeihtu a si.

4.Bawi Jesuh nun ngeih cu thih hnu vanram co ding lawng a si lo, vawlei taksa in nun lio hrimhrim ah vanram nun rak teh nun a si.

5.Bawi Jesuh nun ngeih cu ngandam lawnglawng a si lo,ngandam lobu le zawtfah bu zongah,hna ngam khawhnak,i lawmh khawhnak nun ngeih a si.

Note: Hmantlak hi Jesuh taktak a si lo. Tahchunnak ah Jesuh Hmantlak tiin hmanmi men a si.