Facebook Ah Baibal Ca A Post Tawnmi Hna Hi Rak Kan Soisel Hlah Uh

Facebook ah Baibal ca a rak thlah tawnmi le a rak thlah lengmang mi hna hi, Mah nih i nunpi tak tung loin le piangthar lem loin hei thlah len hi ningzak a si tiin a soitu le Zei a si bal lai lo e, bla.. bla a timi nan um len. A ngaingai ti cun soisel thangchiat len hna ding a si lem lo. Atu tiang FB ah Pathian bia le Baibal a rak thlahmi hna a soisel tu hna nan um peng rih hi khuaruahhar a si pah ko.

FB ah Bible catial hna hi a sualmi le a tha lomi bangin nan hmuh. A tha lei in hmu loin a chia leiin nan hmuh i nan soisel hi cu a poi ko. Asualnak le a that lonak a um hraw lo. Mah lungum hna le thazaang lakmi hna, mah FB friends siaherhmi hna le mah duhmi hna kha thlahmi an si ko. Mah nih thlah loin a thlahtu hna soi len hi soi awk a um deuhmi le ningzak deuhding cu nan si ko hna ti ning law ka palh lai lo. FB ah Baibal a post tawntu hna nan soisel i bla...bla...nan ti lennak cha cun Dai tein um ko u law nan caah a tha deuh hnga..

Tahchunnak ah Mah Baibal hi FB ah kan post. Isaiah 41:10 Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.  Hi Baibal hi a thei lo le a rel bal lomi hna nih an rel cun Thazaang an laa tuk bang a dang Baibal an rel bal lomi hna zong FB ah kan postnak thawng in an rak rel thazaang an laa. Cu caah FB ah Baibal kan thlahmi hna hi Baibal a rak rel/thei bal lomi hna nih an rak rel i thazaang a lami an um tuk ko ti hi a kan soitu hna nih nan theih a hau.

FB ah Baibal a thlah tawnmi a ka soitu hna: FB ah Baibal kan thlahnak thawng in a nun aa remhmi le a nun aa thleng pahmi hna an rak um ti hi rak thei u law kan duh. Asi cun Baibal a thlah tawnmi a kan soitu hna, nannih teh FB ah Baibal nan thlah lonak in a nun nan thlen termi an um maw? ( FB ah Baibal a post tawnmi hna na kan soisel tuk i a herh ahcun FB ah Baibal thlahnak thawng in a nun aa tleng pahmi an um kong ka rak tial than lai.)

Mahnih Baibal cauk voikhat hmanh chuah loin voikhat hnih a chuah cangmi hna na relmi naa nunpi lo hei ti i hei soi ngam hna hi nanmah tu voikhat hmanh chuah loin tiin soi awk a um deuhmi cu nan si. Laimi nih Mahnih thil tha tuah kho lem loin thil tha a tuah khotu hna soisel thangchiat kan hmanmi kan zia thalo, lungthin thurhnawm hi kan hlonh hrim a herh...

FB ah Baibal a post tawntu hna, micheu nih an in soi len zongah nan zei poi hlah u, zeiti an in soisel zongah ngol loin rak thlah ko u tiin keimah catialtu nih forh le thazaang pek kan duh ko hna.

Rak share ve u...

By- Bawihrin Sang Khengmual(Mara)

Facebook A Hmangmi A Puitling Cangmi Hna Nih Cun...

1. Profile pic...le Cover photo hna atu le tu thlen loin an van um thiam.

2. Ca an leh duh lomi hna cu a zoh lawng zoh i zei thei lo tein dai tein an van um thiam.

3. Kan duh lomi le a tha lomi post hna a um cun comment len i bia i al len kha tuah ti loin a thei lo bangin kan van lanhtak thiam.

4. Si lo le si lo hna post a hmangmi cu dai tein Unfriend kan van tuah thiam.

5. A herh tuk lem lo ahcun Faceboom zoh loin um kan van i zuam thiam.

6. Kan i rem lomi hna kha Mention i i sik len ti loin Block tuin kan van tuah cang.

7. Kan duh uarmi minthang hna hmanthlak tangah Add me tiin comment len ti loin dai tein an FB See First tuah kan van thiam.

8. Friends a tammi duh ti loin biatak in kan i kommi hna lawng chiah i kan theih lomi hna cu Unfriend tuah kan van thiam.

9. A caan caan ah cun kan duh herhmi hna kha Only me in share i save post tein i chiah hna kan van thiam.

10. Page deu le hi page hi like law share heiti i Awngbali kan tuah, Iphone kan in pek lai ti bantuk hna kha dai tein kan van lanhtak thiam. A caan ah sik caak hna kan van thiam

11. Thawngpang a dik lomi hna tlawmpal kan relnak in kan van theih i Media deu hna kan van theih deuh i Lih Media hna Block tuah kan van thiam.

12. Facebook hi nuamhnak in si loin cawnnak kan hmuhnak hnga le thawngpang dikmi hna kan theihnak ah, cun hawikom tha karh ding le rian hna ca tu ah kan hman cang.

Fak Taktak In Facebook Report Tuah Ning

Tuchan ahcun FB ah mi thalo hna, Fak account a hmangmi hna le Sex account hna si seh kan hmantlak hmangin a tha lomi hna tuah a hmangmi an tamtuk cang. Hmantlak tha lo le video tha lo kuat a hmangmi hna an um len. Mah bantuk kan ton si cun an FB kha block loin Report tuah ah a tha. Report tuah cu an FB rawk seh tiin tuah khi a si ko. Report tuah hi a thiam cangmi tampi nan um ko lai nain a thiam rih lomi hna caah cun thahnemnak a si ko lai tiin siaherhnak he atangah Facebook Report Tuah ning ka van chiah. Blog ah a ca a fian lo cun PDF in Hikaa Ah Hin dawnload khoding zongin ka van chiah chih. Na caah tha hnemnak an pek cun Like, Comment, Share in thazaang ka pe ve u.. 

Nan tlamtling ko seh. Tlamtlin lo cun rak hal khawh a si. 

PDF in Dawnload nak >> PDF Dawnload

Facebook Video Sofware Hau loin Dawnload Ning

FB video dawnload ning lak ah a ol bik le a tha bik ti ko u sih law kan palh tuk lem lai lo. FB video Dawnload nak sofware tampi a um nain mah cu hman lo bakin kan phone ah a ummi Browser tein Fawi taktak in FB Video dawnload khawh a rak simi hi a thei lomi kan tampi caah siaherhnak he ka van in chiah piak hna.

A tha khunnak cu FB Video Dawnload nak sofware a hau ti lo caah kan phone zong a zaang. A tang lei ah hin a tuahning cu zoh khawh a si.A tlamtilng lomi nan um cun comment ah rak langhter te u..

                               Step-1

                           

Step-2

Step-3

Step-4

Step-5

Step-6

Step-7

Step-8

A dih cang...Nan tlamtling ko seh...

Facebook Version Thar ah App Pawl Dawnload Khoding In Remhning

Tutan Facebook Version thar cu FB ah postmi link pawl le sofware hna, pdf hna le FB ah postmi kip hna aa dawnload kho lo, dawnload nak tlamtling loin a um peng  i a sivang mi hna kan um kho. Mah hi dawnload kho loin a um pengmi kha amah FB app ah remh a haumi te a um caah a si. Atu hin dawnload kho dingin remhning siaherhnak he ka van in chiah piak hna. Hmanthlak ah hin remhning cu zoh khawh a si.

                               A dih cang...