Golgate Total Haa Hnur Sii Ah Cancer A Chuahter Khotu Datuh Sii Hna Aa Tel

America le vawlei pi ah an zuar i mi tampi nih an hmanmi minthang Colgate Campany nih an serchuahmi Colgate Total Haa Hnur Sii ah Cancer zawtnak a chuahter khotu Datuh sii hna aa tel tiin Bloomberg thawng thanhnak ca nih a tial i a langter.

Gilgate Total Haa Hnur Sii an serchuahnak ah an rawn chihmi Datuh Sii Triclosan Sii hi saram hna ah an Test i Cancer Sel hna a tha a thawnter i a karhter ti a si. Cun saram hna an thannak zong a donhkhan i an thanning a khual a nuarter deuh tiin an hlethlainak ah an hmuh. Cu caah minung hna nih hman awk a tlak le tlak lo cek tha ding le hlethlai than ding a hau cang tiin mah Bloomberg nih a tial.

America ram, khua pakhat ahcun Datuh Sii Triclosan aa telmi serchuahmi thilri a tam u cu zuar dingin an kham ti a si.

A tang link ah mirang ca in rel khawh a si.
 https://www.bloomberg.com/news/articles/2014-08-11/in-35-pages-buried-at-fda-worries-over-colgate-s-total

Zaktang A Nakmi Le A Caakmi Hna 100% In Ngoter Ning

Na zaktang a nak maw? Na zaktang a nak ruangah liangbah Angki le Angki bantawi hna hruk ngam loin na um sual maw? Na phuhrung maw? Na zaktang a nak ruangah Mipi lak ah kut hlir ngam loin na um sual maw? Mah ca hi van rel law an bawmtu a si lai. Zaktang a nakmi hna thianternak caah a tha tukmi an si.

1. Lemon
Lemonon in na zak kha na hnur lai. Minute 5 hnu ah Kuan (ဂြမ္​း) in na hnawh lai. Ti in na tawl lai lo.

2. Aalu(အာလူ)
Aalu kha pen tein na ah lai i na Zak kha Minute 10 hrawng na hnur lai. Na hnur khawh in na roter lai i ti lum in na tawl lai.

3.Baking Soda
Eimi Baking Soda le Ti kha na cawh lai. Mah kha na Zaktang a nak nak zawn ah na thuh lai. Minute 10-15 na chiah lai i mah khawh cun a kik tuk lomi ti in na tawl lai.

4. Zil(သခြာသီး)
Zil kha pen tein na ah lai i Na zak kha minute 10 hrawng na hnur piak lai. Na hnur khawh a ro hun in ti in na tawl lai.

A cunglei i langhtermi hna hin na duhmi pakhat khat kha na tuah lengmang lai. Zarhkhat na tuah cun na Zak tang a ngo deuh ko lai. Thlakhat leng na tuah peng cu na Zak a nakmi kha a ngo viar ko lai.

Mit Tha A T,hat I Mit-benh Hlawt Ning

A pakhatnak bikah na thawh kaa in na hmai naa phiah(tawl) colh lai lo. Na ke a pahnih kha na khup in ti hrai 3 veve in na toih hmasa bik lai. Mah hi tuahnak a ruang cu takpum ah a linmi hna kha ke ah dawh piak khi a si.

Van i t,hangh tikah hin tak pum cungah a linmi hna an um i an i thek dih. Hi bantuk ah a hlan bantuk in na hmai naa phiah ahcun takpum dihlak i a linmi hna kha a kikmi hmai ah an rak tli i an i fun. Mah ruangah pum dihlak i a linmi hna nih Mit kha an rak pumh hnawnhnak a si.

Theih tak na duh ahcun Thlalang i bih law na mit zoh law na mit a sen kha na hmuh lai. Bantuk a linmi hna nih mit an pumh hnawnh tawn ruangah Mit tha a der i hmaiphiat khawh in mit a sen i Mit a mawt nak cu a si. Mah ruangah takpum i a linmi hna mit ah an i pumh i an kal nakhnga lo a tanglei ah an kalnak hnga Ke kha Ti in toihnak cu a si.

Kup in ti toih khawh tik zongah hmai i phiah cawlh ding a si lo. Zaktang i a linmi hna an kalnak hnga kut kha a cungah hlir i tangah thlak than tiin a tlawm bik voi 20 tuah piak ding a si lai.

Cun mah dih in lu kha a hnu leiah aa tuah khawh chungin tuah ding a si lai. Cu bantuk thiam in lu kha hmai leiah aa khun khawh chungin khun ding a si lai. Cun lu kha keh le orh ah tiin voi kul mer than ding a si lai.

Mah Exsiksak pathum tuah dih cang cun takpum i a linmi hna ke lei in an chuak cangmi kha a dih cang. Na theih duh cun na ke ti dor khat hmanh um ti loin an ro cang kha na hmuh lai

Mah hna khawh in Hmai kha tha tein Chapiat in i phiah ding a si. Haa bel i hnawh(taih တုိက္​) rih loding a si lai. Na kaa kha na cip lai. Na hmai naa phiah khawh i na bnai hnawhnak in na hmai naa hnawt lai. Tlawmpal hnu ah na haa naa taih lai. A si khawh ahcun zinglei ah ca tam deuh rel i zaan ah cun ca tlawmpal lawng rel ah a tha.

Hi bantuk hna in hin Mit a maw i mit tha a dermi hna a thatter. Mit tha a t,ha ciami hna hmanh a cung i langhter ning hna in tuah cun Mit-benh aa benhmi dirhhmun ah phak khawh a si lai lo. (Ka ca leh nan fian lo sual ah Kawlca in fel khawhnak Link ka a tangah ka van in chiah piak chih hna)

Kawlca In Relnak Link

Myanmar Express
အရွင္ဇ၀န (ေမတၱာရွင္ – ေရႊျပည္သာ )

Nu Hna Caah Thinphan Awk Ar Thla

Ar Zuatnak ah thenkhat cu Ar a tit-sa a karh deuh dingin Tit-sa karh sii le Sii phunphun an chunh hna. A tam u cu bantuk sii hna an chunh tikah a thla ah an chunh ti a si.

Hi bantuk Sii chunhmi Ar Thla hna ei tam cun Nau inn ah 'Tit hlum' le 'Thi hlum' hna a van um kho. A hnubik ah cun Nau Inn Cancer tiang a chuak kho ti a si.

Mah ruangah a si khawh ahcun zuatmi Ar(​ေမြးျမဴ​ေရးၾကက္​) hna hi hrial uh law kan duh tiin မႏုႆ ရဲ႕ စာမ်က္ႏွာေလးမ်ား nih a mi pawl (မႏုႆ ရဲ႕ ပရိတ္သတ္) a forh hna.

Ref: မႏုႆ ရဲ႕ စာမ်က္ႏွာေလးမ်ား,mmexpress

Bit(Bikini) Hman Kongah Ngandamnak Lei Theih A Herh Ngaimi

Atu rak langhtermi hna hi nu hna nih an i palh tawnmi theih a herhmi a si nain Pa ca zongah theih herh ngai a si. A tanglei ca hi Nauin lei tlawpbultu(Obstetrics and Gynaecology Professor of psychiatry)  Seventeen Octavia Connon nih a chimmi an si.

(1) G-String Bit I Hruk Hrial Ding
Bawngbi hri bantuk aa zammi le (သား​​ေရးျကုိး) G-string bit hna i hruk hi a ngaingai ti cun a tha lo. G-String bit hna i hruknak hi ngandamnak lei ah harnak hna a chuahter khawh. Mah bantik bit hna hruknak nih Nu hna caah nau inn lei zawhnak a chuahter khawh.

(2) Lailawn in Tuahmi Bit Nakin Laa In Tuahmi Bit I Thim Deuh Ding
Aa dawhmi bit cawk tikah Lailawn( ပုိးခ်ည္)​in tahmi bit hi thim awk a si an ti. Asinain ngandamnak lei in zoh cun Lailawn in tuahmi Bit nakin Laa(ခ်ည္​ထည္​) in tuahmi bit hi thim deuh awk a si. Laa in tuahmi bit hi thli lut thli chuak hna a thami a si caah bit cawk tikah Laa in tahmi Bit phun hi i thim deuh awk a si.

(3) Gym Tuahnak Ah Hmanmi Bit I Thlen Colh Ding
Gym chikhat kan tuahnak ah i hrutmi Bit hi zeiti a si paohah i thlen colh ding a si. Aruang cu Gym, Eksiksai kan tuah lio ah kan thlen chuakmi nih Bit a cinhter i kan rim he a si tikah Bit ah Puu(မႈိ) le Betariya(ဗက္​တီးရီးယား) hna an um chuak.

(4) Bit Kha A Rim A Nam Tukmi Chapiat In Suk Loding
Bit suk tikah a rim a nam tukmi chapiat/dip le zimui hna in suk loding a si. Chapiat a rim namtukmi hna cu Datuh(ဓာတု) thil hna cawhin tuahmi a si caah mah Datuh hna nih Nu hna Nau in lam ti bantuk hna a tawngh sual cun SENSITIVE a simi takvun kengmi hna cu dat rem lonak hna a chuahter khawh.

(5) Mah He Aa Rupmi Bit Hman Ding
Bit cawk tikah a size mah he aa remmi te cawk ding a si. A hme tukmi cawk cun reh tuk ruangah takvun hna a senter. A ngan tukmi hna cu i hruk cun tlamtlin lonak hna a siter.

(6) Bit Suk Loin I Hruk Than Loding
Bit i hrukmi suk loin i hruk than lengmang hi hman lo ding a si. Voikhat i hrut khawh in suk colh ding a si. I hruk ciami suk loin i hrut peng cu Batriya hna bit ah a chuahter.

 Ref: Shwemom, Daily Mail

Thlen Chuahnak Nih Ngandamnak A Thatter

Thlen a chuakmi hi mi tampi nih cun kan uar lo ngai. Thlen chuakmi nih kan Angki pawl a hnawmhtermi le a rim a nammi hi duh a nung lomi cu a si. Mah ruangah thlen chuak loding in, thlen a chuakmi a rim nam lo dingin a phunphun in a tuahmi hna an um. 

A sinain Thlen a chuakmi hi kan ngam damnak caah a tha hnem tukmi pakahat a si. Kan takpum chung i sivai tha lo hna a thawntu ah a tha bikmi cu thlen chuahnak hi a si. Thlen chuahnak nih hin kan ruh chungah a ummi Calcium Dat le Cite Dat hna kha a rak kan Contorl piak. Mah ruangah Thlen chuahnak nih hin Kal le zun zunnam lam lei zawtnak hna a thatter.

American Urological Association nih cun Thlen chuahnak ding caah zarhkhat ah suimilam pakhat paoh cu thlen a chuahtertu thil pakhat khat tuah ahcun Kal caah a tha hnemmi hna a ngahter tiin an chim. Thlen chuahnak hi raifanh khuasik  le zawtnak hna caah a tha bikmi Sii ai pakhat a si. A zawmi a thlen a van chuak tlawmpal cun a zawtnak aa ningmi zong um a si i thlen a van chukin tak lin a dai deuhmi zong um a si.

Credit
Ref: Medical Daily