Zuritnak Ruangah Nam Sawh Ai Huah

Breaking News
Malaysia ah Chin Mi Pa Nih A Hawi Chin mi pa A Paw ah Nam In A Sawh

Malaysia, Jorho Baru ah a ummi Tlangval Khai Hnie cu a hawipa Bielehmo nih a paw ah nam in a sawh. Atu hi Jorho Baru sizung ah Emergency in zohkhenh lio a si. A sawhnak hliamhma a ngan ngaingai i a eimi thil hna le a ril hna zong a lengah a chuak tiah thawng theih a si. Nam sawh a tongmi Khai Hnie hi Salyu khuami a si.

Hitin Thil a cannak a ruang bik cu zuu ruangah a si ko. Namsawh a tongmi Khai Hnie hi zuu a ding mi a si. Nizan 12 ni zanlei ah khan zuu a ding i amah nak ngakchia deuh a hawipa Bielehmo hi buaibainak a va tuah. Nam kai lak lai i kan sawh lai tiah voi hnih thum leng a rak tlerh ruangah Bielehmo tu nih nam ai lak i a sawh diam ko hi a si.

Namsawhtu Bielehmo hi cu zuu a ding mi a si hraw lo, mi nunnem te a si ko tiah thawng kan theih. Bielehmo hi Patheitla khuami a si.

Namsawhtu Bielehmo hi atu a zam i aa thup. Bielehmo le Khai Hnie hi ACR Card aa tlaihmi an si. Atu hi Palek nih Khai Hnie he aa pehtlaimi minung pathum an tlaih cang hna.

An thawngpang hi thil biapi ngai a si. Khai Hnie hi Thih Nun dirhhmun ah a um lio a si.

Unau Hna Thutdir le Ei din thiam ngaingai a hau ti a langhter.

Thlacamnak in bawm cio hna u sih...

Ref: Mara I Tube

Lailenpi Airport Tlamtling tein Sak dih a si tik ahcun...

1. Lialaipi in Yangon kar hi motor cu ni nga leng(5 day) kal a si nain Vanlawng cu minute 90 chung lawng a zuang lai.

2. Lialaipi in Sittwe karlak hi minute 49  chung a zuang lai.

3. Lialaipi in Mandalay kar hi Motor cun Nili(4 day) kal a si nain Vanlawng cun minute 65 chung a zuang lai.

4. Lialaipi in Bagan kar hi Motor cun nithum(3 day) kal a si nain Vanlanwg cun Minute 46 chung a zuang lai.

5. Lialaipi to Kalaymyo hi motor cun nihnih(2 day) kal a si nain Vanlawng cun minute 28 chung a zuang lai.

6.Lialaipi in Falam karlak hi  minute 18 chung lawng a zuang lai.
.

.
•Lailenpi Airport hi tlamtling tein dih khawh a si nakhnga thlacamnak in kan i bawm cio hna lai.

•Lailenpi airport hi dih a si tik cun Chinram caah a thahnem tuk te lai..

•Bawipa nih Tlamtlinter ko seh ti saduhthahnak he....

DAMNAK THAWNGTHA

-Pathian thlahmi Sayamah Lu Lu Tin le a hawi le an phaan cang lai Cawnninga ni! Sept.8,'17 Haleluijah!
-Tlun zaan hin DAMNAK THAWNGTHA phuan a si lai. Na tlai sual lai, ra dingin kan in sawm.

-Sept.9,2017 Zarhteni zinglei 10:00 in zaanlei 4:00 tiang mizaw hna le khuachia temtawnmi hna ca, thlacam piaknak a um lai! Mi zaw van hruai te!

-Zarhte zaan 7:30 le Zarhpini, chun 1:30pm ah DAMNAK THAWNGTHA a phuan than lai. Pumh baan in mi damlo ca thlacamnak peh a si lai. Jesuh min in kan sawm hna!

+Sapeker....Sayamah Lu Lu Tin le Hawi
  +Ni thla......Sept.8-10(Nilini zaan in Zarhpi)
  +A hmun..CRC, 1310 E.Grauwyler, Irving
                               Texas-75061
  +A caan...Zaan pumhnak cu....7:30pm
  +Zarhpi....Chun 1:30pm ah thok!
   (Zarhte cawnnak ..Pumhnak ah thanh chim
     te ding si lai..(Ngaih um taktak ko hih)

-Lian Hre

Sayamah Lulu Tin hi Khuaruahhar in Pathian nih a hman. Na zawtnak a dam le dam lo ding Pathian nih a sin ah Biathli a chiah caah rak fuh ve hrim.

Hi ca a thlahtu keimah hrim nih ka fuh cangmi a si i "na zawtnak a dam lai" tiah Pathian nih a ka chimh tiiah a kan chimh.

An Khualtlawnnak Program zong a tang ah ka van chiah chih.

-SAWMNAK AW- A Dam Lomi Paoh Rak I Thawh Cio Hrim Uh..

A tanglei bang hin caan hman si lai i, Thlarau Rawl hrawn kan in sawm hna. "Nan hngalh lomi ei awk rawl ka ngei"(Johan 4:32)! Haleluijah!

1.Crusade...August 31 Nili zaan in..Sept.3 Zarhpi
+Speaker...Evan Hrang Bik Ceu (Hakha, Lairam)
+A hmun...CRC, 1310 E.Grauwyler Road, Irving, Texas-75061
+A caan....Zaan 7:30pm, Zarhpi chun 1:30pm

2.Mizaw ca Thawngthra(Healing Service)!
  +Soeaker....Sayamah Lu Lu Tin le Hawi
  +Ni thla......Sept.8-10(Nilini zaan in Zarhpi)
  +A hmun..CRC, 1310 E.Grauwyler, Irving
                               Texas-75061
  +A caan...Zaan pumhnak cu....7:30pm
  +Zarhpi....Chun 1:30pm ah thok!
   (Zarhte cawnnak ..Pumhnak ah thanh chim
     te ding si lai..(Ngaih um taktak ko hih)

+Saya Hrang Bik Ceu hi Bia le Hla ah a rum, Pathian salpa, Thlarau umpi mi Evangelist hlun taktak a si.

+Sayamah Lu Lu Tin hi..Mi damlo, mizaw hna Ca Bawipa thlah piakmi a si! Kachin kan Farnu/Kan nu a si! Ram nih a herh tuk ca a kiir colh lai, tlolh hlah!

Lian Hre

KHRIHFA BIAKINN CU MUSLIM PAWL NIH AN CAWK

Hi Inn hi Khrihfa hna nih Pathian thangțhat nak dingah an rak sakmi a si i, kum saupi an rak hman hnu, a luan ciami kumthum hrawng ahkhan aa pum khomi minung an um ti lo caah Mei man, Ti man le a herhmi dangdang Bill an pe kho ti lo i Bank nih an lakpiak/chuh hna. Cuticun, Bank nih an zuar i Muslim nih an cawk.

US ram, Illinois State, Chicago khualipi chung Wheaton khuaah a ummi a si.

Ka rianțuan kalnak lam ah a um mi a si i, ni chiar tein ka hmuh pah lengmang tawn. A caan ahcun ka mitthli a tla tawn.

-Khamtung Motor

Thantlang Ah Motor Cycle Fir A Tam Tuk, Khuami Thenkhat An Lungrawk

Nai Thantlang Khua ah Motor Saikal fir a tam ngaingai. Zankhat pakhat hna a tlau te lai an ti panh. A poinak cu Cycle firtu pawl hi a fir ning an thiam tuk, cun a firtu hna hi mi zeidah an si hna, an thei kho tawn hna lo.

Thantlang um pakhat nih a tang bangin Cycle kilven cawk a si lo tiin FB ah a tial.

Motor Saikal "125 cycle phun pawl hi an fir i khua leng hei ti ah hin kan va hmuh tawn" tiin Thantlang ummi nih Lian Bawi(min din) nih a chim.

Cun "India Cycle phun pawl hi cu a hmu thanmi nakin a hmu than lomi hi an tam deuh" tiah a ti chap.

Zaan ah an fir bik tawn, Cun... Zaan mi in va len nak i Cycle chikhat Chiah chung nak hna in a tlau tawn..

Motor Cycle fir hi an thiam tuk i
"Cycle a lu tawh kan hrenh ko nain a lu tawh an Chiah I... A key line an phoih Le mah ti cun an fir tawn hna.. tiin an fir thiamning zong a tial.

Kan hnu thla hrawng ko ah khan cycle tlau hi a tam khun...

Pathian Riantuannak Hi Khuaruahhar A Si Ko.

Siizung in Musalim biaknak a biami pakhat pa cu a rak ra i nan Biak Inn(CEC) ah hin va kal law thla rak in campiak hna seh law na dam lai tiah vancung in an kan fial a ti i, thla ka campiak uh tiah CEC Khrihfabu cu thlacamnak a kan hal. Thla kan cam piak khawh in ka dam cang a ti i a chuak i a kal.
( Hi Thil khuahruahar hi Denmar, Laimi Khrihfa bu Pakhat CEC ah a si)

Pathian hi Musalim, Hindu, Budah le Vawlei cungmi vialte kan damnak asi. Mi zeimi phun ca paoh ah damnak Pathian a si.

Gredit: Chin Emanuel Church Page.

Kan Lai Nungak Te Asi Sual Hnga Maw?

2017. 03. 29 ah Shwedagon Pagoda, Yangon Zanlei Ninem caan nazi 5-6 kar hrawngah Buddhist pawl Hawihlei hmaifong deuh in kan Lai nungak bantuk te nih Lai hni bantuk ( Lai hni) fenh in Pathian nung lo a biak lio hmanthlak hmuh a si.

Kan Laithil hi Khrihfa biaknak a simi Laimi hna kan thilthuam a si caah kan Lai Thilthuam in pathian dang hmai ah a kunmi le biami hna hmuh ah hin lung a nuam ruam lo i Laimi ah ruah an si tawn. Kan Laithil thuam kan sunsak tuk i pumhnak le Pathian thangthatnak ah kan hman tawnmi Biaknak dang nih an pathian biaknak ah an van hman vemi van hmuh hin cun lung a nuam hrim lo.

Khi nu khi Laimi si hlah seh ti duh a um ngai. Laimi a si tak le si tak lo cu theih a si lo. Kan Lai Thilthuam hi Biaknak dang a biami hna pek i zuarh lengmang hna hi ruah awk a van um pah.

A Thi A Chuak Tukmi A Zoh Ngam Ti Lo Caah A Sungh A Tuar (Khan)

Boxing MMA Cu theih cio bang teitu si dingin i thuat cio a si. An in tuar khawh ti lo lawngah a sungh an khan tawn hna. Asi nain hi hna cu an i phun dang ngai. An i thuat kaa cun aa tluk tuk ding an lo nain an van i thua i tlawmpal ah a thi tam tuk a chuah colh. 

A thi a chuakmi pa cu tlawnpal ah a tha a ek colh i Pakhat deuh pa nih cun ruah lo piin a sungh a pek. Video ah fiang tein zoh khawh a si. Upat a tlak tukmi lungput a si tiin Online ah a van thang ngai.

Soisel Tanglamh A Tongmi A Pumrual Cu Mi Ar Koin A Tuahtu Body Art In Aa Thleng

A caan caan ahcun minung hna hi van tha lo le minl nih nihsawh ding dertawmnak hna kan rak ngei. Asinain hi bantuk dirhhmun kan um zongah lung dong hin loin ral tha tein pah chih ding a si ko ti kha hi nu i a sining he kan van langhter duh.

Kum 21 a simi Ast Toto an timi nu cu kum 12 a si lio tein a har ngaimi tak vun zawknak a tha lo ngaimi(​အ​ေရးျပား​ေရာဂါ) a tuar ti a si. Mahti cun a zawtnak cu a hnu ah duhsah in a rangmi hna tampi an chuak. Mahti dirhhmun ruangah Ash Toto cu a thirual a hawikom hna sinah a tlawnglen ngam ti lo i bawngbi tawi hna zong hruk ngam ti loin a um ti a si. Asinain nikhat ah Ast Tito cu a hmutu hna ar ko in a tuahtu ding pakhat tuah dingin bia aa khiah.

Ast Toto cu Art Body tiin an timi tak pum cungah an suaimi thiamnak pakhat in a zawtnak a takpum cu aa dawh taktak mi in aa tamh lawlaw ti a si. A zawtnak ruangah a simi a kulh tete ahcun vawlei pum puluk ( ​ေျမပုံ) bantuk in a suai i a zawtnak in mi lunglak dingin a tuah khawh. Hi bantuk tuar a harmi pakhat cu tha thawngding thil in a tuah khawhmi Ast Toto i a lungthin hi upat lo awk a tha lo ti a si. Instagram ah radiantbambi tiin Hika ah a hmanthlak hna zoh chap khawh a si.

Gredit, Ref: MomoLay

Ngakchia Hna Sii Dinh Tikah Ralring Taktak A Herh

Hngakchia pakhat te cu Sii A Din duh Lo Ruangah A hnar an Phih Buin An Dinter Chin ruangah a thaw nih a phih i a thi ti a si. 

Ngakchia Sii Dinhter tik zongah ralrin ngai a rak hau. A video in ka rak thlah chih. A tangah zoh khawh a si. Zoh ah ngaih a chia tuk hringhran...

Video ah Ngakchia a nu zong lung zuar taktak in a tap chih.

Ngakchia Sii dinh tikah i ralring cio hna u sih. Rak Share Ve...

Gredit: Marip Naw Htoi

I Thi-Um Ding Biakamnak Zulh Lo Ruangah A Hnuk A Bommi Pa

Nu bantuk in a hnuk a bommi mah thawngpang hi atu lio mi tam bik lung a latu thawng a si.

Africa pa pakhat cu nu he kan i thi um ko lai a timi a biakamnak a zulh lo ruangah nu nih a duh lo, a lungtling (cenat) lo i hnam in a doih nakah Pa cu nu bantuk in a hnuk a bom, a hnuk par a chuak tiin theih a si.

Africa ah Juju tiin an auhmi doih thiamnak hi a thazaang a cak ngai tiin a tialmi le a thanhmi hna an um i Sii leiin ti ahcun Gynecomastia tiin a min an auh tiah theih a si.

Papawl hna nih nu pawl biakamnak nan pekmi i let hlah u, nan hnuk a bom ve cun ruah ngam awk a si lo tiin an peh chap..

Ref: Popolay Com

Laithil Phone Cover Serchuahmi Hmanthlak

Mahtin kan Laithil in Phone Cover an tuah hi a duh lomi an um len nain a duhtu hi an ram tam deuh. A duh lotu hna nih cun Laithil duh paoh in.sawksam le sungsak lo ah an ruah.

Kan Laithil sungsak loin duh paoh sawksamhna cuu Laithil i. kedanh hna ah ah tuah, Sakat tawi taktak sexy takin tuah le Bit, bawli hna ah tuah tu khi kan Laithil sungsak loin duh paoh sawksam cu a si deuh.

Atu i Laithil in Phone Cover an serchuahmi hi Tha tein zohtak than ahcun Laithil in tahmi si loin Azawng(Sii) tu in an tuahmi a lo. Mahtin an serchuah hi a that lonak zong a um lem hnga lo i Kan Laithil sunghsak lo zong a si hnga lo. Chin a simi hna nih Adang Phone Cover cawknak cun mah hi cawk duh deuh tuk cio a si. Vawlei pi ah Made In Chin tiah zuar si sehlaw cu an duh tuk cio lai ti ruah a um. 

A Cuang Khun Khih Kan Laithil

November thla ni 18,19,20 ni thum chung bak tuahmi Rev. Franklim Graham nih Yangon ah Thawngtha a chimnak kong cu a pa Rev. Billy Graham  te nih Facebook ah an tar i mah tarmi ahcun kan Laithil aa hrukmi pa lunglawm hmaipanh ngaiin le kuthlir bu in a um liote a van tar. Kan Laithil a cuang ngaingai cu a van tarmi ah hmuh khawh a si.

Mah tin Vawlei cung Pathian mihman a si mi minthang Rev. Billy Graham nih  kan Laithil aa hrukmi a van cuantermi ko hi Laimi kan caah lunghmuih a um tuk.

Kan Laithil hi ram dangmi nih an uar chin lengmang cu mithmuh kuttongh a si. Kan Laithil ramdangmi nih an uarnak a ruang hi ruahdamh tikah kan Laithil hi khuaruahhar in aa dawh caah a si ko lai tiin mi tampi nih ruahdamh cio a si. Pathian nih Laithil thuam a kan pekmi hi aa dawh in a thatuk rengreng ko.