+++++++
1. Ka thiam bik,ka fim bik, ka
hngal bik ti hi kan i cuh cio.
2. Mi nih an kan cawi san cu kan
duh tuk ngai ko na in mi dang
va cawi san ve ding cu kan duh
bak hna lo.
3. Kan mah an kan thang tthat cu
kan i lawm ko na in mi an
thangtthat hna cu kan hnah a
chuak i kan i lawm kho lo.
4. Mi va sawi le va thang chiat
khawhnaak kawl hi rian pakhat
ah kan i chiah hna.
5. Rian ttuan i bomh lo in rian
ttuan kho lo ding in mi ke hleng
phelh nun hi kan i tthan pi.
6. Lung i rualremnaak kawl lo in i
tthek naak lam kan kawl peng.
7. A ttha mi pipu phung kha hlawt
riangmang in zulh awk a ttha ti
lo mi pipu phung hlun tu hna
kha kan zulh tthan
8. A ttha mi miphun dang hna
nuncan ziaza i lak lo in an chiat
khatnaak le an tthat lonaak
zawn te tu kha kan i cawn hna.
9. Kan holh tthattha le kan phung
lam tthattha hna kha kal tak in
miphun dang holh le phung
lam chiakha tu kha kan i laak.
10. A ttha mi hnahchuah naak le
cawnnaak tu ngeih lo in a ttha
lo mi hnahchuahnaak le lei
rawinaak tu kan ngei hna.
11. Fim chimh le i bomhchanh tu
um lo in i mual phoh le i thang
chiat khawh hi kan uar chin
Lengmang.
12. Kan pipu hna nih thlachiat ruah
an rak timi kha um ti lo in a tu
ah cun tangka hmuhnaak a si
paoh ah cun ttuan le tuah kha
a poi ah kan chia kho ti lo.
13. I sunh sak, i conglomh le i cawi
hler naak in i neh sawh,i thang
chiat le i thlang lamh khawh tu
kha hawi hlei fim le thil ti kho
le a hngal bik ah kan i ruah ko
cang.
14. Mi zapi ca tthatnaak in mah ca
tthatnaak kha fak tuk in kan
ruah.
15. Mah le miphun te uar le ttanpi
naak in mi phun dang tu ttanpi
le uar hi kan lung put a si.
By- J.P. Biak Tin Sang
