Ka facebook fri...cu ka zoh hna i ka theih lo deuhmi pawl cu ka van unfri...thluahmah hna. Ka theihmi hna an timeline ah ka va lut thulh, ka chuak thulh, ka unfri...thulh hna. Ti cun ka caan duhsah in a van liam.
Sianginn a rak kai timi ka hawikom hna fb ka van zoh, ka lung a leng thluahmah. Tu cu tlanghra dan in kan um cio cang hna. Kanmah kut kee tein a dir khomi zong kan um leng cang nain nu le pa he khua kan sa rih. Thenkhat nih nupi pasal he chuankhar an dirh cangmi ka theih ah ka lung a leng chinchin. Laimi chungah gay bal cu kan um rih lo. Nu le pa, pa le nu tiin i thit vat peng a si rih. Hmailei ah Laimi gay hna hi kan um te kho ti ka ruah ah ka lung a nuam lo nain keimah bantuk nu a uarmi kan si ko cun kan um lai lo ka ti ko. Mah tin pa a uar lomi ka si zong hi thluachuah a si ka van i fiang. Ka Sianginn kai Hawikom hna nih thluachuah sung fa nu fapa hna an ngei manh hoi cang lioah kannih thenkhat cu Daling pakhat te hmanh tong loin riaklang va bang kan vakvai rihmi ka ruahah mah hi cu kanmah santlaih lo a si ko ka ti. Voi tampi cu ka tong lo e tiin ningzah zong thei loin kan chim theomi hna zong hi a ngaingai ti cun chim ngam ding zong a si lo ka hei ti. Hi vial hi tu zan ka dairy cu si rih seh.. Len hoi bantuk in ka hei tial le ka voikhatnak si cu ka thiam lo. Ningzak hna a si ko nain hi zat ka tial khawhmi ah Bawipa ah kaalawm. Laikhal tak ka si fawn lo i ka mawh lo ka ti.
