Tuchan ram thumnak lei ah hin cun khuasaknak caah Mawtor hi ngeih lo awk a tha lo. Ngeih a herh tuk. Cun pakhat le pakhat i pehtlaihnak ah Phone hi ngeih lo awk a tha hoi lo. Ngeih a herh ngaimi a si ve caah kum 15 thi tete zong nih an ngeih cio hna.
Kan khuasaknak kan minung sinak ah ngeih lo awk tha lo, ngeih a herhmi Mawtor, Phone le a dangdang thil tampi an um bantuk in kan Thlarau nih ngeih lo awk tha lo a um ve. Mah cucu Jesuh Khrih (Thiang Thlarau) a si. Amen!!!
Kan nun lio tein Jesuh Khrih ngeih hrimhrim a hau. Ngeih lo awk a tha lo. Mi vialte nih Jesuh Khrih kan herh tuk. Vawlei pi nih Jesuh Khrih a herh. Zeizong te nih Jesuh Khrih a herh. Jesuh Khrih tel lo cun kan nun ngamding a si lo. Kar khat te hmanh kan kar ngamding a si lo.
Kan nun lio tein Jesuh Khrih ngeih hrimhrim a hau. Ngeih lo awk a tha lo. Mi vialte nih Jesuh Khrih kan herh tuk. Vawlei pi nih Jesuh Khrih a herh. Zeizong te nih Jesuh Khrih a herh. Jesuh Khrih tel lo cun kan nun ngamding a si lo. Kar khat te hmanh kan kar ngamding a si lo.
Jesuh Khrih cu pumpak nunnak, chungkhar, Khrihfa bu, ram le miphun nih a herh bikmi a si. Amen..
Kan Baibal Salm 73:25 ah Vancung ah khin nangmah hlei in ahodah ka ngeih? Nangmah kan ngeih cang caah vawlei ah hin zeidah ka herhmi a um? tiin kan hmuh. Cun Salm 73:26b ah Amah (Jesuh) lawnglawng kha ka herhmi cu a si ko tiin kan hmuh fawn.
Jesuh Khrih ngeih cu zeizong te ngeih a si. Zumtu mi tampi nih Jesuh Khrih ka ngeih cang caah vawlei ah hin zeidah ka herhmi a um? Zeizong te ngeitu kan si... tiin an chim theo kha nan theih tawn ko lai... Mi vialte nih Jesuh kan ngeihnak hnga kan caah nauta bik sinak in a cuak cang.
Jesuh Khrih cu a luan ciami kum 2000 ahkhan vawlei ah a rak ra i nihin tiangin kan sinah a Thiang Thlarau in a um peng ko. Cucu nanmah le nan chungkhar nih nan ngei cang maw? Bawi bikah nan i ser cang maw? Nan nunnak ah pakhatnak ah nan chia cang maw? Nan cohlan rih lo ahcun rak sawm in rak cohlang u law Bawi ah rak i ser ve cang uh. Amen...
