August 21, chun hnu suimilam 2 hrawng khi Indianapolis ahcun nika zoh lo ding in ralrinnak pek kan si i Perry Township School Siangngakchia nulepa vialte zong ralrin peknak ca kuat dih kan timh hna. Ka fb hawile vialte zong ralrinnak ka'n pek ve hna.
August 21 zanlei 2:25 hrawng ah Lai holh cun "Dawp nih Nika a Dolh" kan ti tawnmi (Eclipse of the sun), thlapa le nika ai zawn/ar tlang in an um lai caah mit kham/vennak (eye protection) zeihmanh i khuh lo i nika (sun) zoh ahcun mit a rawk kho i chikhat te zoh hmanh ah kan mit chung thil (retina) a rawk thai kho ti a si. Mit purh tuk zong ah zoh bak lo ding si an ti.
Thlapa nih nika 91% a phenh (cover) ding hi Indianapolis in cun zanlei suimilam 2:25 pm ah a si lai. Cucaah, zanlei suimilam 12:00 in 4:00 pm tiang hrawng cu fale zong nika zoh lo dingin inn chung i umter ah a him bik lai. Ngakchia cu zoh hlah uh ti len zong ah zeidah a lawh hnga tiah zoh tu an duh chin men lai i inn chung i an um ah an him bik ko lai. US khua dang ummi zong rak i ralring cio uh. Indianapolis ummi pawl ca lawng ah si lo hih!
Vanceuuk Khenglawt
