Laimi , Bible sianginn ah ca a cawng mi hna pawl hi, mi a cheu khat cu mirang holh thiam duh ah an kai, a cheu cu nu le pa fial chawm in an kai, a cheu cu kawlram university an rak phih ruang ah an kai , a cheu cu pastor rian tuah duh ah an kai, tang 10 awn khawh lo ruang tehna,kharihfa buu nih kai ter ruang ah akai mi zong an um ve, mi tlawmte lawng hi Pathian kong cawn duh hrim hrim ah mah lung tho te in Bible siang inn akai mi an si. USA ah cun , Pathian rian tuan ka duh ve ko ati mi hna lawng nih Bible siang inn ah ca an rak cawn.
Hakha Baptist Church ah pastor rian tuan na duh ah cun , ZTC, CCC,MIT, Serampor or ATA tbt..... Baptist nih acohlan mi siang inn ah na kai a hau. Siang inn zong hi an ni lo cio lo, pentecostal , fundamental, liberal siang inn tbt.... in an ni dang cio than hna. Bible sing inn cio cio ah aceu cu Academic ( ca cawn nak) lei ah atha na in spiritual , Thlarau lei ah zero bak asi mi Bible siang inn zong an um ve, cun Academic lei ah atha tuk lo na in spiritual lei ah atha bak mi siang inn zong an um than ve.
Laimi cawnpiak tu tam deuh nih kan ni palhnak pum pak in ka hmuh ning. Phung kan chimh ah siseh , mi kan cawnpiak hna ah siseh, kan siang inn kai nak i, doctrine kan cawn ning hi ahman bik ah kan ruah i, midang zong nih kan ruah ning in ruat ve hna seh pom ve hna seh tiah lung put kan ngeih mi hi kan nih palh. Nan Siang inn i nan cawn mi hi a hman bik asi lo.
Liberal siang inn akai mi hi amak bik an si lo, fundamental siang inn a kai mi zong a hman bik an si hlei lo, pentecostal sian inn akai mi hna zong a thlarau bik nan si hlei fawn lo. A siang inn nih a ngeih lo , pumpak nih a ngeih. Pathian sin ah zei tluk zumh awktlak le tih zah awk tlak in dah na nun ti hi abia pi ngai.
Liberal nih universal salvation an zumh
Fundamental nih pre election an zumh
Pentecostal. nih free will an zumh
An pa 3 cung ah pa 1 lawng hi a hman tiah azum mi (one way )pawl hi lai mi lak ah buu then nak a chuah ter tu cawn piak tu nan si.
Mah zumh mi lawng a hman ati mi pawl hi ( mirang nih baby faith= bawhte zumhnak)an ni ti hna.
A pa 3 ning hin Bible Pathian bia ah a um dih mi an si i, an hman dih ko.
1 .Universalvavtion ( aningpi in)
Bawi Zisuh hi Judah mi hna , Abraham tefa hna khamh awk ca lawng ah arat tung lo, BAPTIST, UPC le CJC khamh awk lawng ah arat tung lo , vawlei cung mivial te kham awk ah pei arat cu. Muslim, Buddhist le Hindun hna zong khawmh awk ah pei arat cu, Kala, mi rang, mi nak ami zei poh thleidang loin khamhawk ah ra mi Pathian fapa asi. Vailam cung i athih cu vawlei cung mivialte ca ah asi. Me cheu ca lawng ah asi lo.( Rom 5: 13-15). Adam thawng in a palh he palh lo he kan sual dih ban tuk in, Zisuh thawng in azum he zumh lo he khamh kan si lai maw si lo ka peh than lai.
2 . Free will (duhthimnak)
Khamhnak cu vawlei cung mivialte cah asi na in mivial te nih kan co dih lai lo. Aduh mi lawng nih co khawh asi. Zisuh cu a mah mi hna sin ah ara na in ,a mi hna ni an hlawt, arak co hlang tu lawng kha Pathian nih fa sinak nawl cu a pek hna tiah John 1:11-14 ah fiang tuk in aa tial. Bawi Zisuh nih , ka tuu nih ka aw an theih, an mah ca awng ah thla ka cam, vawlei caah ka cam lo, nan nih cu ka tu nan si lo tiah , fiang tuk in John 10, Mathai 24, ah a chim than.
A. Adam nih thing thei ei le ei lo cu amah duh thimnak nawl si.
B. Israel mihna nih inn ka ah tuu thi ka3 ah thuh le thuh lo cu an mawh nawl asi.
C. Ramcar i mei rual nih a cuk mi hna kha, damduh ah dar rual tar mi zoh le zoh lo cu an mah nawl asi.
D. Zungzal nunnak co ve awk ah Zisuh zumh le zumh lo cu hawi dawt u le nau hna nang mah nawl asi. Pathain nih an dawttuk ruang ah duh thiam nak nawl an pek.
Cu ti asi ah khaukhih cu a hmaan kun lo maw? Ka peh than lai .
3 . Pre election or predestination
( thimchungmi or khaukhihmi)
Pathian cu zeizong vial te a thei dih tu, asi cia he, asi lio mi he, asi te lai mi he a thei cia dih tu Pathian asi. Aho nih dah a ka zumh telai i aka hlawt te lai tiah a theih chung cia dih tu Pathian asi.
Cuti a si kun ah cun, phungchim cu a hau ti ma?
Paul nih, an chim lo ahcun zeitin dah an theih lai, an theih lo ahcun zeitin dah an zumh lai, an zumh lo ahcun zeitin dah khamh cu an si lai ati. (Rom 10:14. ) mivial te nih biatak hi thei hna seh law khamh si hna seh ti a duh ( 1 Timote 2:4) Biatak kha nan theih lai i nan luat lai ( John 8:32) Biak tak cu Zisuh asi. John 14:6 .
Thimchung mi cu kan si tak tak hnga maw?
Efisa 1:4 Vawlei a ser hlan in Pathian nih kannih cu Khrih chung i amah ta si dingin a kan thim cang, ......,,,,,.....,
Biathlam 13:8 .... .... van le vawlei ser hlan in nunnak cauk chung i an min ṭial a simi hna nih cun Satan an bia lai lo, cu nunnak cauk cu thahmi Tuufa ta kha a si. *
Hla phuah thiam tu pa nih cun, "zei tin Thlarau nih mi sual lung a thlan ka hngal lo "ati.
Hivial hin sirih seh law, aral tu vial te Pathain nih thlawchuah in pe ko hna seh. Atawi te in tial awk atha lo i van ka ngai thiam ko uh. Nan can nan pek mi Bawipa Pathian ca ah asi.
Amen.
Pumpak lung tlinglo mi ,kei mah pumpak in ka hel uh ;comment ah nan duh tipoh in tial ve hlah .Lung tlin lonak pumpak in i ruah ding tiah doidornak le u patnak he Zisuh min in kan nawl hna.
Easther Pa
