1. Bible ca uk hi ca uk sawhsawh asi lo i a dang ca uk he pakhat hmnnh an i lawh lo caah asi. Umnak hmunhma le sinak ai dang mi miphun dang cio asi mi hna minung (40)renglo nih kum (1600) hrawng rau in an tialmi ca uk, asi nak hrim nih hin khuaruah har asinak cu alanghter khun. Zeibantuk cauk he hmanh tahchun awk athat lo nak le ai dan nak cu Van le vawlei aser tu anung mi Pathian bia asi caah asi. Amen.
2. Bible cathiang cu Pathian thawchuah hnawh mi asi caah Zumtu kan dihlak nih hin midang sin in kan theihnak le kan i lak mi nak khin kanmah tein kan rel kan cawn tikah kan zumhnak kan khrihfa nun asiloah kan Thlarau thazaang kan i lak i kan than deuh khawh nakhnga abiapi tuk mi asi caah asi.
3. Bible cu minung ,mifim mi hna bia le an ruahnak an tuan bia an tialmi asi lo. Anung Pathian Bia asi ti kan zumh caah asi. Cu Bible cathiang ah cun sersiamnak kong, minung kan si ning, sualkong, khamhnak kong le Khrihfabu, thihhnu thawhthannak, hmailei ara lai ding mi thilkong tehna ai tel
dih caah asi.
Bibleca na rel le na cawn tikah Bible cacang na relmi asullam na ruah hlan ah catialtu pa siloah Biachim tupa kha ahodah asi ti kha na ruah hmasa lai i zeidah achim duh mi asi, ahosin ah dah achim mi asi ti kha na ruah hmasa leng mang lai. A bia kha duhsah tein ruat bu tein na rel lai.
Efesa angan (6) chung ah kan hmuh bantuk khan Thiangthlarau ralthuam i thuamh hnu ah rel ding kan si. Hi Bible ca cu ka theih lengmang mi, ka rel tuk cangmi asi tiloin Bawipa nih ka sin ah zeidah a kan cawnpiak duhmi asi hnga timi kha ruah bu tein na cawn na rel kha abia pi tuk mi asi. Thiangthlarau kha sawm law lungfim tein thlacamnak he na cawn i na rel cun Bawipa thlarau nih cun fiannak an pek ko lai.
Mathai 18:12-14 kha vun rel tuah hna usih law zeitin dah kan i fianning cio cawng ti tuah hna usih.
(1)Tuu tlau ati mihi aho dah asi?
(2)Tuu atangmi(99) hi teh mi zeidah an si?
(3)Tuu a ngei ltu mipa ati ki hi mizeidah asi?
(4)Na thinlung chung ah na hmuhmi na fian ning zeidah asi?
Bible kan rel tik ah kan theihdingmi asiloah cinkending
1.Bible hi adihlak in Pathian bia asi, Pathian bia ai tel mi sawhsawh asiloh.
2.Bible ca a tialyu hna hi minung nih fialmi le mifim bia atial tu an siloh, Thiangthlarau nih a umpimi hna le Pathian bia tialtu an si.
3.Thiangthlarau lamhruaink le cawnpiak ning tein dikdiar tein tialmi asi(minung chimhchommi an tialmi asi loh)
4.Catial tu hna hi Thiangthlarau nih an lungthin a uk mihna an si caah saphaw cung le cazual chung i an rak tialmi ca biafang hi palhnakpakhat hmenh aum loh.
5.Bible cu Pathian biatak, thawchuahhnawh mi asi caah minung tialmi cauk hna le mifim bia hna nakin alet tamtuk in anganmi asi caah Zumtu poh nih(hruaitu lawng siloin)kan rel i kan cawn ding asi.(RC tu nih cun an duh /anpomlo). Hruaitu lawng nih cawn le rel ding tiah an ti..
A Bik in Anung Pathian rian cu ka tuan ve ko lai kan ti cun Bible cu kan cawn hrim ahau ko tiah ka ruah ko.
Carel tu nan zate Bawipa nih fimnak in chap ko hna seh.
Amen.
Arian thaing ah
John F.Thawng
