Tlaih-hrem kong, taklawng khuasak kong, mipi hmai nupa iveinak tuah kong tbk rumro Lai online thawngthanh phu chiahru tete nih rian biapi bikah an iruah i poi ngai ko. Ka uar hna lonak a hram-ruang:
1) An ca a rel tawntu anmah bantuk minung pawl le an nakin chiattha thleidan thiam lo deuh pawl lungput ruahnak cu a t'hangcho lei si loin khur chunglei ah an pilter hna caah mah bantuk cattial tawntu pawl mah le mah an ihrawh lawng si loin mitlawmte a si rihmi Lai miphun zong rawhralnak lamkaupi a sialpiaktu an si.
2) Mah hi cat'ial tawntu pawl hi psychology kong zeihmanh a hliah lomi an si ti a lang. A rak dik ti lomi anmah psycho ropchia ruangah an careltu pawl psycho zong hrawh dih an timh hna...
3) Sex kong hi arts phun khat ah a ruatmi an um ve i ngandamnak ah a hmang thiammi hna caah cun thil t'ha a si ko lai nain, Lai online media vei pawl thanhmi headlines pawl zoh tikah, tuksapur, midang sualnak tuah a forhtu phun an lo ngai. Zoh an chia deuh ngai in ka hmu.
4) Bia duh, mi biathli phuan hmang, kan pupa nih inn lak nupi vaak an rak timi phun deuh khin, "thawngpang" timi khi an t'ial ve phot tikah, Lai miphun cu pahrang felnak nunzia keng dingin an careltu pawl cu fim an chim kho hna lai lo. Kawl nih "nga-sing-te-mah" an timi phun pawl nun a cawnpiaktu an si ko ti khawh a si.
5) Miphun dang hmai ah ka zahpi hna.
Cun...
Ka ruahpiakmi hna cu, zir kong an hei t'ial vaivek ah thlum tak thaw te in t'ial awk... news le an si lo nan kan Facebook ah an ca a hung pawt lelek ttung... Lai hnawmtaam kan in te ne hna lai maw ti la ruat le...
Nihin diary caah ka von ithai~!
