Tunai ah an hruaitu kan upa pakhat he kan i chawn i a mak ngai ka timi cu;
"Khuate lei Khrihfabu hna nih an kan tanpi deuh ngai; Loklung (ting 14 dengmang) le Buanlung (ting 10), inn 50 lawng khuasa Vanmualthar (ting 2) te pawl an kan pek lio ah Khuapi i bu nganngan timi pawl nih thong 50, ting 1 tipawl an kan pek" a ti. Khua pakhat inn 1,000 dengmang khuasaknak (an khua min langhterlo a tha deuh) hna cu tlawmhal le fund kawl a ngahlo an kan ti i, rawl hmanh eita loin kan kir" a ka ti.
CNA/F thawkka in a tuan cangmi kan upa pakhat nih a ka chimh balmi cu, "dohthlennak kan tuah kum 29 chung ahhin, kan mifim le kan mirum tampi nakin khuate lei i hmeinu hmeipa, sifak santlailo tete nih an kan tanpi deuh" a ka ti bal. Cucu ka lung ah a hung chuak than.
Tuzarh thawkin Chinram khualipi Halkha khuapi; Khrihfabu nganngan, Rev/Dr a nih a nih timi umnak, Evangelist thatha umnak, kan mifim le kan mithiam tampi hmunkhurnak, Cozah rian sangsang a tlaimi hna umnak, chawdawr le company tampi ngeitu hna khuasaknak ah an va phan lai.
"Kan bawmh hna timi lungput siloin, kan miphun dohthlennak ah kan itel ve, kan thawh ve" timi lungput he innka kaupi in an onh hna i, an rak tanpi cio hna lai ti ka hnabei a sei ko.
Catialtu: Ram Tinthei
